Polokalama ʼo Te Fono Gāue

NOTA: ʼE maʼu anai ʼi Te Minisitelio ʼo Te Puleʼaga te Polokalama ʼo te Fono Gāue ʼo te ʼu vāhaʼa fuli ʼo te māhina. ʼE fetogi anai e te ʼu kokelekasio te ʼu ʼaho ʼaē ʼe fai ai tanatou ʼu fono, ke feala hanatou kau ki te Fakatahi Faka Tisitilike “Tou Maʼuliʼi Te Folafola ʼa Te ʼAtua.” Kapau ʼe ʼaoga, pea koutou fakaʼaogaʼi ia minuta e 15 ʼi te Fono Gāue fakaʼosi, ʼi muʼa ʼo te fakatahi, moʼo vakaʼi te ʼu tokoni lelei ʼaē neʼe tuku atu ʼi te pepa ʼaē ʼe ʼalutahi mo Te Minisitelio ʼo Maio. Fakaloto mālohiʼi te kokelekasio katoa ke nātou vakaʼi ʼi he ʼu kiʼi minuta tanatou polokalama ʼi muʼa ʼo tona kamata ʼi te uhu ʼo feiā mo te hili hoʼatā, pea mo fakakaukauʼi fakatomuʼa pe koteā te ʼu manatu ʼaē ka vakaʼi ʼi te ʼu akonaki. Heʼe faigafua ai anai takotou fakalogo katoa ki te polokalama pea mo tohi fakanounou te ʼu manatu ʼaē ʼe maʼuhiga. Ia vāhaʼa e lua peʼe fā mokā ʼosi te fakatahi, koutou toe vakaʼi ia minuta e 30 ʼi te Fono Gāue te ʼu manatu maʼuhiga ʼo te polokalama. ʼI te fono ʼaia, ʼe teuteu te kokelekasio ke nātou fai he ʼu kiʼi tali nounou, mo kapau ʼe fakaafe nātou e te ʼu tēhina e toko tolu ʼaē neʼe hinoʼi ke nātou fai te koga ʼaia ʼo te fono. ʼE feala hakotou fakahā peʼe feafeaʼi te fakaʼaogaʼi ʼi te kokelekasio peʼe ʼi te fai faka mafola te ʼu akonaki ʼaē neʼe fai ʼi te fakatahi. Fili he ʼu fakamatala fakanounou e tahi peʼe lua. ʼE lava ke ʼaoga pea mo maʼuhiga te Fono Gāue ʼaia, mo kapau neʼe teuteuʼi fakalelei e te kokelekasio te faʼahi ʼaia.

Vāhaʼa ʼo te ʼaho 11 ʼo Sepetepeli

Katiko 146

10 min: Te ʼu logo ʼo te kokelekasio. Te ʼu Tonu.

15 min: “Ko Te Tapuakina ʼa Sehova ʼe Ina Faka Koloaʼia Tatou.” Faka tuʼakoi te ʼu ʼuluaki palalau ke minuta tahi, pea hoko atu ʼaki he ʼu fehuʼi pea mo he ʼu tali.​—⁠Vakaʼi te 2 tohi Étude Perspicace, pasina 798, palakalafe 12-13.

20 min: “Tou Talanoa Ki Te ʼu Meʼa ʼAē Neʼe Hoko Moʼo Uga Tanatou Fia Logo.” Ko he fai palalau mo te kokelekasio pea mo he ʼu faʼifaʼitaki. Koutou talanoa ki he ʼu faʼahiga meʼa neʼe hoko ʼi te telituale moʼo uga te fia logo. Koteā te ʼu tuʼania ʼaē ʼe fakatupu e te ʼu meʼa ʼaia ʼo ʼuhiga mo te ka haʼu? Koutou fakaʼaogaʼi te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu, pasina 5-6, moʼo kamata he fai palalau. Fai he ʼu faʼifaʼitaki e lua neʼe teuteuʼi lelei.

Katiko 224 pea mo te faikole fakaʼosi.

Vāhaʼa ʼo te ʼaho 18 ʼo Sepetepeli

Katiko 2

10 min: Te ʼu logo ʼo te kokelekasio. Lau ʼo te falā.

15 min: Neʼe Feafeaʼi Tatatou Gāue ʼi Te Taʼu ʼAenī Kua ʼOsi? Ko te akonaki ʼe fai e te tēhina taupau ki te gāue. Vakaʼi te ʼu puani tāfito ʼo te tānaki gāue ʼo te kokelekasio ki te taʼu gāue 2000. Fakamālo ki te kokelekasio ki tana ʼu gāue lelei. Fakahā mo te ʼu faʼahi ʼaē ʼe tonu ke tuputupu ai te kokelekasio. Fakahā pe neʼe lagolago feafeaʼi te kokelekasio ki te ʼu fono, pea neʼe feafeaʼi tana fai te ʼu ako Tohi-tapu, pea mo tana kau tuʼumaʼu ki te gāue fai faka mafola. Talanoa ki te ʼu fakatuʼutuʼu ʼaē ʼe feala ke fai ʼi te taʼu ʼaenī ka haʼu.

20 min: “ ʼE ʼi Ai Te ʼu Maʼuli ʼe Tonu Ke Hāofaki!” Ko te fai palalau mo te kokelekasio. Faka maʼuhigaʼi te ʼu vaega Tohi-Tapu ʼaē ʼe tuʼu ʼi te alatike.

Katiko 30 pea mo te faikole fakaʼosi.

Vāhaʼa ʼo te ʼaho 25 ʼo Sepetepeli

Katiko 93

15 min: Te ʼu logo ʼo te kokelekasio. Fakamanatuʼi ki te kau fai faka mafola ke nātou foimo tohi tanatou kiʼi pepa tānaki gāue ʼo Sepetepeli. Vakaʼi te alatike Te Tali Ki ʼAkotou ʼu Fehuʼi.

15 min: Ko he akonaki ʼe ʼaoga ki te kokelekasio.

15 min: ʼE Kei ʼAoga Tatatou ʼu Nusipepa. Koteā ʼaē ʼe koutou fai mokā kua tapuke takotou ʼu nusipepa ʼāfea ʼo te Réveillez-vous ! pea mo Te Tule Leʼo? Ko ʼihi kau fai faka mafola ʼe nātou laku, heʼe ʼi tanatou manatu ʼe kua ʼāfea te ʼu logo ʼaē neʼe tā ʼi te ʼu nusipepa ʼaia. Kae ʼi Te Minisitelio ʼo Te Puleʼaga ʼo Sepetepeli 1993, neʼe ina fakaloto mālohiʼi tatou ke tou ʼave ʼi tatatou fai faka mafola ʼihi nusipepa ʼāfea, pea kapau ʼe fealagia pea tou tuku te ʼu nusipepa ʼaia ki te hahaʼi. Koutou filifili he ʼu alatike ʼe feala ke leleiʼia e te hahaʼi tagata, e te hahaʼi fafine, e te hahaʼi gāue, e te hahaʼi matutuʼa, pea mo te kau tūpulaga; pea koutou ʼave te ʼu nusipepa ʼaia pea mo fakahā mokā hoko he faigamālie. Fai he faʼifaʼitaki moʼo fakahā peʼe koutou lava filifili feafeaʼi he ʼu alatike pea mo fakahā. Fakamatala he ʼu faʼifaʼitaki neʼe fua lelei ai te tufa ʼo te ʼu nusipepa ʼāfea.

Katiko 213 pea mo te faikole fakaʼosi.

Vāhaʼa ʼo te ʼaho 2 ʼo ʼOketopeli

Katiko 20

15 min: Te ʼu logo ʼo te kokelekasio. Fakahā ki te kokelekasio te tufa makehe ʼo te kiʼi pepa lotu Te ʼu Logo ʼo Te Puleʼaga N° 36, ʼaē ʼe kamata anai ʼi te Mōnite, ʼaho 16 ʼo ʼOketopeli, ʼo fai hoholo ʼo aʼu ki te Feliaono, ʼaho 17 ʼo Novepeli. Fakaloto mālohiʼi te kokelekasio katoa, ia te kau tūpulaga pea mo nātou kei foʼofoʼou, ke nātou faiga ke nātou kau katoa ki te gāue ʼaia. Ko te ʼu tēhina ʼaē ʼe nātou takitaki te ʼu ako tohi, ʼe tonu ke nātou kamata fakaloto mālohiʼi pea mo fai he fakatuʼutuʼu kia nātou fuli ʼo te ako tohi ke nātou kau mālohi ki te gāue ʼaia. ʼO hilifaki mai kiai he ʼu fakamatala fakaloto mālohi ʼo te tufa ʼo te kiʼi pepa lotu Te ʼu Logo ʼo Te Puleʼaga ʼo te taʼu ʼaenī kua hili.

15 min: “ ʼE Tonu Koa Ke ʼAu ʼAlu Ki He Tahi Koga Meʼa?” Ko te akonaki ʼe fai e te tagata ʼāfea. Faka ʼalutahi mo te ʼu meʼa ʼaē ʼe feala ke hoko ʼi totatou telituale. Fakamahino pe koʼe ʼe tonu ke maʼu te fakasiosio tonu ʼo ʼuhiga mo te tonu ʼaē ʼe kita fai ke kita ʼalu ki he tahi koga meʼa. Fakahā peʼe feafeaʼi te maʼuliʼi ʼo te tokoni ʼaē ʼe tuʼu ia Tāʼaga Lea 22⁠:⁠3. Fakahā mo te ʼu manatu ʼo te ʼu fakatokaga ʼaē ʼe tuʼu ʼi Te Tule Leʼo Fakafalani ʼo te ʼaho 15 ʼo ʼAukusito 1988, pasina 22.

15 min: Fakamatala he ʼu faʼifaʼitaki neʼe hoko ʼi te fai faka mafola. ʼI te polokalama ʼo te Fono Gāue ʼo te vāhaʼa ʼo te ʼaho 11 ʼo Sepetepeli, neʼe fakaloto mālohiʼi tatou ke tou fakaʼaogaʼi he ʼu meʼa neʼe hoko moʼo kamata ʼaki te ʼu ʼuluaki palalau ke feala ai he fia logo ʼa te hahaʼi pea mo kamata ai he ʼu fai palalau ʼi te minisitelio. Fakaafe te kokelekasio ke nātou fakamatala he ʼu fua lelei neʼe nātou maʼu ʼi tanatou fakaʼaogaʼi te ʼu tokoni ʼaia.

Katiko 205 pea mo te faikole fakaʼosi.