Polokalama ʼo Te Fono Gāue
Vāhaʼa ʼo te ʼaho 9 ʼo ʼOketopeli
Katiko 11
8 min: Te ʼu logo ʼo te kokelekasio. Te ʼu Tonu.
12 min: “Tou Tokagaʼi Te ʼu Gāue Fakatalakitupua ʼa Te ʼAtua.” Ke minuta tahi te ʼu ʼuluaki palalau, pea fai ʼaki he ʼu fehuʼi mo he ʼu tali. Fakahā he ʼu paki ʼo te tohi foʼou ʼe fakatupu ʼaki anai he leleiʼia ʼo te lea faka polofeta ʼo Isaia.
25 min: “Te ʼu Taʼu Foʼou e Afe—Koteā ʼAē Ka Hoko Kia Koutou ʼi Te Ka Haʼu?” Ko he akonaki ʼe fai fakafiafia e te taupau ki te gāue. ʼI te ʼosi lau ia te tohi ʼo te ʼaho 3 ʼo Sūlio 2000 mai te Sosiete ki te kau tagata ʼāfea, ʼe tonu ke tufa he kiʼi pepa lotu ʼo Te ʼu Logo ʼo Te Puleʼaga N° 36 kia nātou ʼo te fono. Pea fai palalau ki te alatike ʼaki he ʼu fehuʼi mo he ʼu tali. Fakahā lelei te ʼu fakatuʼutuʼu ʼo te kokelekasio ke gāueʼi katoa te telituale. Vakaʼi peʼe koteā te tokoni ʼe lava fai ki te hahaʼi foʼou pea mo te ʼu tamaliki ke nātou liliu ko he ʼu kaugā fagona. Fai he faʼifaʼitaki nounou. Fakahā ʼe ʼaoga ke tou kau fuli ki te gāue ʼaia.
Katiko 53 pea mo te faikole fakaʼosi.
Vāhaʼa ʼo te ʼaho 16 ʼo ʼOketopeli
Katiko 75
10 min: Te ʼu logo ʼo te kokelekasio. Lau ʼo te falā. Fakamanatuʼi ki te ʼu kaugā fai faka mafola ʼi te gāue lolotoga te fakaʼosi vāhaʼa, ʼe tonu ke tufa fakatahi mo te ʼu nusipepa ʼo Te Tule Leʼo pea mo te Réveillez-vous ! te kiʼi pepa lotu Te ʼu Logo ʼo Te Puleʼaga N° 36.
15 min: “Te ʼu Meʼa Gāue Moʼo Akoʼi, Mo Uga Pea Mo Fakaloto Mālohiʼi.” (Vakaʼi pe te palakalafe 1 mo te 2.) Ko he akonaki. Vakaʼi fakanounou te hisitolia ʼo te kamata fai e te Sosiete te ʼu foʼi fime viteo. (Vakaʼi te tohi Prédicateurs ʼi te pasina 600 ki te 601.) Fakaloto mālohiʼi te hahaʼi fuli ke nātou sioʼi te foʼi fime viteo Les Témoins de Jéhovah : un nom, une organisation moʼo teuteuʼi te fai palalau ʼi te Fono Gāue ʼo te vāhaʼa ʼo te ʼaho 30 ʼo ʼOketopeli. Ko nātou ʼaē ʼe ʼi ai tanatou foʼi viteo ʼe feala ke nātou tuku age kia nātou ʼaē ʼe mole maʼu hanatou foʼi viteo, peʼe feala ke nātou sioʼi fakatahi.
20 min: ʼE Tou Lava Maʼu Fuli Te Manatu Faka Pionie. Ko he fai palalau ʼa he tēhina takitaki ʼo he ako tohi pea mo te tēhina ʼe tokoni ki ai, ʼe fakatafito ki Te Tule Leʼo ʼo te ʼaho 15 ʼo ʼOketopeli 1997, ʼi te ʼu pasina 22 ki te 23. Vakaʼi pe koʼe ʼe lelei ke lahi ni ʼu pionie ʼi te kokelekasio pea mo te ʼu meʼa ʼaē ʼe feala ke tou fai e tatou fuli moʼo fakahoko te fakatuʼutuʼu ʼaia. Toe vakaʼi mo te ʼu meʼa ʼaē ʼe feala ke fai moʼo fakaloto mālohiʼi te kau pionie ke nātou hoko atu, pea mo lava fakatuputupu feafeaʼi e te kokelekasio katoa te faʼafai ʼi te minisitelio.
Katiko 52 pea mo te faikole fakaʼosi.
Vāhaʼa ʼo te ʼaho 23 ʼo ʼOketopeli
Katiko 150
10 min: Te ʼu logo ʼo te kokelekasio. Fakahā ʼe fakatuʼutuʼu te fai faka mafola ʼi te ʼaho 1 ʼo Novepeli.
15 min: Ko he akonaki ʼe ʼaoga ki te kokelekasio.
20 min: Tou Teuteuʼi Fakalelei Tatatou ʼu Fono. Ko he akonaki pea mo he fai palalau. Kapau ʼe tou fia maʼu he ʼu lelei mai te ʼu fono, pea ʼe fakalogo tāfito te faʼahi ʼaia ki tatatou ʼu faiga mokā tou teuteuʼi tatatou ʼu fono. Toe vakaʼi te ʼu tokoni ʼaoga ʼaē neʼe fai ʼi Te Tule Leʼo ʼo te ʼaho 1 ʼo Malesio 1998, ʼi te ʼu pasina 15 ki te 16, ʼi te ʼu palakalafe 8 ki te 11. Fakaafe nātou ʼi te fono ke nātou fakahā pe neʼe feafeaʼi tanatou kamata pea mo nātou maʼu he temi feʼauga moʼo teuteuʼi fakalelei.
Katiko 211 pea mo te faikole fakaʼosi.
Vāhaʼa ʼo te ʼaho 30 ʼo ʼOketopeli
Katiko 161
8 min: Te ʼu logo ʼo te kokelekasio. Fakamanatuʼi ki te kau fai faka mafola ke nātou foaki tanatou kiʼi pepa tānaki gāue ʼo ʼOketopeli. Fakahā ʼe fakatuʼutuʼu te fai faka mafola ʼi te ʼaho 11 ʼo Novepeli.
12 min: Te ʼu fakamatala ʼo ʼuhiga mo te tufa ʼo te kiʼi pepa lotu Te ʼu Logo ʼo Te Puleʼaga N° 36. Kole ki he ʼu kaugā fai faka mafola ke nātou fakamatala he ʼu fua lelei pea mo fakaloto mālohi ʼi tanatou tufa te kiʼi pepa lotu ʼaia. Fakaafe te ʼu pionie katoa mo vaeluaʼi temi ke nātou fakahā tanatou leleiʼia ia te gāue lahi ʼaē neʼe fai ʼi te tufa ʼaia pea mo te fealagia ʼaē ke nātou gāue mo he ʼu kaugā fai faka mafola kehekehe.
25 min: Les Témoins de Jéhovah : un nom, une organisation. Ko he fai palalau mo nātou ʼi te fono. Vakaʼi te ʼu fehuʼi ʼaē ʼe tuʼu ʼi te palakalafe 3 ʼo te kupu tāfito ʼaenī “Te ʼu Meʼa Gāue Moʼo Akoʼi, Moʼo Uga Pea Mo Fakaloto Mālohiʼi.” Foaki he ʼu tokoni ʼo ʼuhiga mo te fakaʼaogaʼi ʼo te foʼi fime viteo ʼaia kia nātou ʼaē ʼe nātou fia ʼiloʼi lelei totatou kautahi. Talanoa ki he faʼifaʼitaki e tahi peʼe lua ʼo ʼuhiga mo te foʼi fime ʼaia.—Vakaʼi Te Tule Leʼo ʼo te ʼaho 1 ʼo ʼOketopeli 1992, ʼi te ʼu pasina 30 ki te 31.
Katiko 15 pea mo te faikole fakaʼosi.
Vāhaʼa ʼo te ʼaho 6 ʼo Novepeli
Katiko 50
12 min: Te ʼu logo ʼo te kokelekasio. Toe vakaʼi te tuputupu ʼo te tufa ʼo te kiʼi pepa lotu Te ʼu Logo ʼo Te Puleʼaga N° 36. Fakahā te telituale ʼaē kua gāueʼi pea koteā ʼaē ʼe tonu ke fai ke gāueʼi katoa ʼi muʼa ʼo te ʼaho 17 ʼo Novepeli.
15 min: Koteā ʼAē ʼe Tou Tui Kiai? ʼE ʼaʼahi e he tēhina he tahi neʼe ina fai age te fehuʼi ʼaenī: “Koteā te ʼu akonaki ʼa te kau Fakamoʼoni ʼa Sehova ʼaē ʼe kehekehe ai mo te tahi ʼu lotu?” Vakaʼi te ʼu puani ʼaē ʼe tuʼu ʼi te talanoa ʼi te pasina 6 ʼo Te Tule Leʼo ʼo te ʼaho 1 ʼo ʼOketopeli 1998. Koutou fakamahino age ko te tahi ʼu lotu ʼe mole nātou fia ʼiloʼi peʼe nātou fakafisi ki te ʼu moʼoni faka Tohi-Tapu ʼaia, kae ʼe nātou tali te ʼu akonaki fakatagata.
10 min: Te Hiva—Ko He Koga Maʼuhiga ʼo Totatou Tauhi. Ko te tēhina takitaki ʼo he ako tohi ʼe fai palalau mo he ʼu kaugā fagona e lua ʼo ʼuhiga mo te ʼu hiva ʼi te ʼu fono ʼo te kokelekasio. Neʼe ina fakatokagaʼi ʼe hage ʼe mole nā hiva fakamalotoloto. ʼE ina vaevae mo nāua he ʼu puani mai Te Tule Leʼo ʼo te ʼaho 1 ʼo Fepualio 1997, ʼi te ʼu pasina 27 ki te 28. ʼE nātou vakaʼi te ʼu kupu ʼo te ʼu katiko ʼaē ka hivaʼi ʼi te alatike ako ʼo Te Tule Leʼo ki te vāhaʼa ʼaenī, ohage ko tona fakahā e Te Tule Leʼo ʼo te ʼaho 1 ʼo Sūlio 1999, ʼi te pasina 20, palakalafe 12. Kapau ʼe tou leleiʼia te hiva, pea ʼe tou fakavikiviki fakamalotoloto anai kia Sehova.
8 min: “Te ʼu Tokoni Ki Te Temi Mālōlō.” Ko te fai palalau ʼa he tagata ʼāfea pea mo he kaugā fagona. ʼAua naʼa meʼa noaʼi te ako takitokotahi, te ʼu fono, mo te fai faka mafola, pea mo fakamahino pe koteā ʼaē ʼe tonu ke fai he haga fai te ʼu gāue faka teokalatike.
Katiko 49 pea mo te faikole fakaʼosi.