Polokalama ʼo Te Fono Gāue

Vāhaʼa ʼo te ʼaho 10 ʼo Sepetepeli

Katiko 86

10 min: Te ʼu logo ʼo te kokelekasio. Te ʼu Tonu.

15 min: Ko he akonaki ʼe ʼaoga ki te kokelekasio.

20 min: “ ʼE Ko He Fihifihia Koa Ki Te Faka Mafola?”a Koutou fakahā ʼe maʼuhiga ke tou fakafuafua lelei te temi ʼaē ʼe tou fakaʼaogaʼi ki tatatou gāue fakamālama, mo fakatuʼutuʼu te ʼu meʼa ʼaē ʼe tonu ke tou fakamuʼamuʼa, moʼo takimuʼa te ʼu gāue ʼo te Puleʼaga. Koutou kole age ki he ʼu tāmai ʼo te kokelekasio, ke nātou fakamatala peʼe nātou taupau feafeaʼi tanatou famili ʼi te faʼahi fakasino pea mo te faʼahi fakalaumālie.

Katiko 66 pea mo te faikole fakaʼosi.

Vāhaʼa ʼo te ʼaho 17 ʼo Sepetepeli

Katiko 92

15 min: Te ʼu logo ʼo te kokelekasio. Lau ʼo te falā. “ ʼE tuʼu ʼi te Index.” Koutou fakahā peʼe maʼu feafeaʼi he ʼu faʼifaʼitaki moʼo tufa te tohi Te ʼAtamai Mālama.

15 min: Neʼe Feafeaʼi Tatatou Gāue ʼi Te Taʼu Kua ʼOsi? Ko he akonaki ʼe fai e te tagata taupau ki te gāue. Fakahā te ʼu gāue lelei ʼaē neʼe fai e te kokelekasio ʼi te taʼu gāue 2001. Fakamālo ki te kokelekasio ki te ʼu gāue lelei fuli ʼaē neʼe nātou fai. Koutou fakamatala pe neʼe feafeaʼi te lagolago ki te ʼu fono, te gāue tuʼumaʼu ʼi te faka mafola, pea mo te ʼu ako Tohi-Tapu, pea mo foaki he ʼu tokoni ʼaoga moʼo hikihiki te ʼu faʼahi ʼaia. Koutou fai he ʼu fakatuʼutuʼu ki te taʼu ka haʼu.

15 min: Te Tali Ki ʼAkotou ʼu Fehuʼi. Ko he akonaki. Toe vakaʼi te ʼu fakatuʼutuʼu ʼaē ʼo te kokelekasio ʼo ʼuhiga mo te ʼu fono ki te faka mafola, ʼaē ʼe fai ʼi te vāhaʼa. Koutou fakamahino te ʼu fai palalau fakaloto mālohi ʼaē ʼe feala ke tou kau fuli kiai ʼi tatatou ʼōmai ki te ʼu fono fai faka mafola ʼaia. Koutou fakaloto mālohiʼi te kokelekasio ke lagolago ki te ʼu fakatuʼutuʼu ʼaia ʼo ʼuhiga mo te gāue.

Katiko 129 pea mo te faikole fakaʼosi.

Vāhaʼa ʼo te ʼaho 24 ʼo Sepetepeli

Katiko 52

10 min: Te ʼu logo ʼo te kokelekasio.

35 min: Koutou ʼOfa Ki Te ʼAtua—Kae Koutou Fehiʼa Ki Te ʼu Meʼa ʼo Te Mālama. (1 Soane 2:15-17) Ko he akonaki pea mo he fai palalau, moʼo fakamanatuʼi te polokalama ʼo te fakatahi faka silikosikilipisio ʼaē neʼe fai ʼi te taʼu gāue kua ʼosi. Koutou fakaafe te kokelekasio ke nātou fakamatala te ʼu puani tāfito, pea neʼe nātou maʼuliʼi feafeaʼi ʼi tonatou maʼuli takitokotahi peʼe ʼi tonatou maʼuli faka famili. (ʼE feala ke hinoʼi fakatomuʼa he ʼu tēhina mo tuagaʼane ke nātou fakamatala he ʼu koga ʼo te ʼu akonaki.) Koutou talanoa ki te ʼu koga ʼaenī: (1) “Ko Te ʼOfa Ki Te ʼAtua ʼe Ina Fakaloto Mālohiʼi Tatou ʼi Te Minisitelio.” Ko te ʼofa ʼaia ʼe tokoni mai ke tou tekeʼi te ʼu faʼahi ʼaē ʼe feala ke nātou tāʼofi tatatou faka mafola—te umiuminoa, te manatu ʼaē ʼe mole kita poto ʼi te gāue ʼaia, peʼe ko te mataku ki te tagata. (2) “Ko Nātou ʼAē ʼe ʼOʼofa Ki Te ʼAtua, ʼe Nātou Fehiʼa Ki Te Meʼa ʼAē ʼe Kovi.” (w99 1/10 28-31) Ko tatatou felogoi mo te ʼAtua, ʼe fakalogo ki tatatou fehiʼa ki te ʼu meʼa ʼaē ʼe fehiʼa ki ai—mole faka ʼuhiga pe ki te ʼu meʼa ʼaē ʼe kovi ʼosi, kae ʼe toe faka ʼuhiga foki ki te ʼu aga heʼeʼaoga. (3) “Tou Mulimuli Ki Te Ala Fakaofoofo ʼo Te ʼOfa.” (wF92 15/7 27-30) ʼE fakahā mai ia 1 Kolonito 13:4-8 pe koʼe ʼe tonu ke tou kātakiʼi te ʼu hala ʼa ʼihi, ke ʼaua naʼa tou manatu kia tatou totonu pea mo fakataupiepie, ke ʼaua naʼa tou fai he ʼu fasituʼu pea ke tou nonofo agatonu ki te kautahi ʼa te ʼAtua. (4) “ ʼE Tou Faka ʼUhiga Feafeaʼi Te ʼu Meʼa ʼo Te Mālama?” ʼAua naʼa tou ʼofa ki te ʼu meʼa ʼo te mālama, mo tou manako ki te ʼu holi ʼo te kakano, peʼe fakahalaʼi tatou e te ʼu holi ʼo te ʼu mata, peʼe tou fakahāhā totatou ʼu koloā. (5) “ ʼE Ko He Puipui Tatatou Mole Kau Ki Te Mālama.” Ia 2 Kolonito 6:14-17, ʼe fakahā mai ai te ʼu akonaki, te ʼu agaʼi fenua, pea mo te ʼu faʼahiga aga ʼe mole tali e te ʼAtua. ʼE tonu ke tou ʼiloʼi te ʼu meʼa ʼaia pea mo tou tekeʼi te ʼu kākā ʼa te Tevolo. (6) “Te ʼu Fakapapau ʼa Te ʼAtua Ki Te Hahaʼi ʼAē ʼe Nātou ʼOʼofa Kia Te Ia.” (wF86 15/6 5-6) Ko te tapuakina ʼa Sehova ʼe ina fakafiafia totatou maʼuli, pea mo ina tapuakinaʼi tatou ʼi te faʼahi fakalaumālie.—1 Tim. 6:17-19.

Katiko 92 pea mo te faikole fakaʼosi.

Vāhaʼa ʼo te ʼaho 1 ʼo ʼOketopeli

Katiko 106

15 min: Te ʼu logo ʼo te kokelekasio. Koutou fakamanatuʼi te ʼu kiʼi pepa tānaki gāue ʼo Sepetepeli. Koutou fakaʼaogaʼi te ʼu tokoni ʼaē ʼe tuku atu ʼi te alatike “He ʼu Manatu ʼo ʼUhiga Mo Te ʼu Nusipepa,” pea mo fai he ʼu faʼifaʼitaki e lua, ki te tufa ʼo te ʼu nusipepa—ko te tahi ʼo ʼuhiga mo Te Tule Leʼo ʼo te ʼaho 1 ʼo ʼOketopeli pea mo te tahi ʼo ʼuhiga mo te Réveillez-vous ! ʼo te ʼaho 8 ʼo ʼOketopeli.

10 min: Te Fakatokatoka ʼo Te ʼu Fihifihiʼa. Ko te akonaki ʼe fai e te tagata ʼāfea ʼo fakatafito ki Te Tule Leʼo ʼo te ʼaho 15 ʼo ʼAukusito 2000, pasina 23 ki te 25.

20 min: “ ʼE Koutou Fakahoko Katoa Koa Tokotou Minisitelio?”b ʼI takotou ʼosi fai palalau mo te kokelekasio ki te palakalafe 1 ki te 3, koutou fai he ʼu faʼifaʼitaki nounou e lua ʼo ʼuhiga mo te ʼu nusipepa—ko te tahi ʼo ʼuhiga mo Te Tule Leʼo ʼo te ʼaho 15 ʼo Sepetepeli pea mo te tahi ʼo ʼuhiga mo te Réveillez-vous ! ʼo te ʼaho 22 ʼo Sepetepeli. ʼI takotou ʼosi palalau ki te palakalafe 4, koutou fai te faʼifaʼitaki, ʼaki te tohi Te ʼAtamai Mālama.

Katiko 74 pea mo te faikole fakaʼosi.

[Kiʼi nota]