Polokalama ʼo Te Fono Gāue

Vāhaʼa ʼo te ʼaho 12 ʼo Novepeli

Katiko 108

8 min: Te ʼu logo ʼo te kokelekasio. Te ʼu Tonu.

22 min: “Koutou Gāueʼi Tokotou ʼu Fealagia Fakakaukau.”a ʼE takitaki e he tagata ʼāfea he fakamanatu ʼo te polokalama ʼo te fakatahi makehe ʼaē neʼe fai ʼi te taʼu kua ʼosi.

15 min: “Tou Haga Fai Tatatou ʼu Gāue Faka Teokalatike ʼi Te ʼu Temi Mālōlō.” Ko he akonaki ʼe fai e he tagata ʼāfea. Koutou fakahā lelei ʼe mole tonu ki te kau Kilisitiano moʼoni ke nātou fakaʼaoʼaoganoa ki tanatou ʼu gāue faka teokalatike, ohage ko te kau ki te ʼu fono, te fai faka mafola, pea mo te fai ʼo tanatou ako faka famili, tatau aipe peʼe nātou folau ki he tahi fenua. ʼE nātou tokaga anai ʼo foimo momoli tanatou ʼu kiʼi pepa tānaki gāue ki te sikalaipe, peʼe nātou nonofo ʼi tonatou fenua peʼe nātou folau ki he tahi fenua.

Katiko 191 pea mo te faikole fakaʼosi.

Vāhaʼa ʼo te ʼaho 19 ʼo Novepeli

Katiko 172

10 min: Te ʼu logo ʼo te kokelekasio. Lau ʼo te falā. Fai he ʼu faʼifaʼitaki e lua neʼe teuteuʼi lelei, ʼo koutou fakaʼaogaʼi te ʼu tokoni ʼaē ʼe tuʼu ʼi te kupu tāfito “He ʼu Manatu ʼo ʼUhiga Mo Te ʼu Nusipepa.” ʼE fai anai e he ʼu kaugā faka mafola e toko lua he ʼu faʼifaʼitaki ʼaki Te Tule Leʼo ʼo te ʼaho 15 ʼo Novepeli, pea mo te Réveillez-vous ! ʼo te ʼaho 22 ʼo Novepeli.

15 min: “Tou Falala Ki Te Mālohi ʼa Sehova.”b Fai he ʼu palalau nounou ʼo ʼuhiga mo Te Tule Leʼo ʼo te ʼaho 1 ʼo ʼOketopeli 1999, pasina 18-19, palakalafe 6-8.

20 min: Ko he akonaki ʼe ʼaoga ki te kokelekasio.

Katiko 146 pea mo te faikole fakaʼosi.

Vāhaʼa ʼo te ʼaho 26 ʼo Novepeli

Katiko 106

8 min: Te ʼu logo ʼo te kokelekasio. Koutou fakamanatuʼi te ʼu kiʼi pepa tānaki gāue ʼo Novepeli.

17 min: “ ʼE Mole Maʼu Hoku Temi!” Fai palalau mo te kokelekasio. Vakaʼi mo te ʼu puani tāfito ʼo Te Tule Leʼo ʼo te ʼaho 1 ʼo ʼOketopeli 2000, pasina 20, palakalafe 9-10, ʼi te kupu tāfito “Te ʼu Meʼa ʼAē Neʼe Fai e ʼIhi Moʼo Tāʼofi He Temi Ki Te Ako.” Koutou kole ki te kokelekasio ke nātou fakamatala he ʼu faʼahiga fai ʼe lelei, moʼo tāʼofi he temi ki te ʼu meʼa ʼaē ʼe maʼuhiga tāfito, pea mo tanatou līaki te ʼu gāue ʼaē ʼe mole loko ʼaoga. Koutou fakahā te ʼaoga ʼaē ke tou fai he polokalama lelei ki tokita temi moʼo fai tatatou ako takitokotahi pea mo te ako faka famili, te ʼu fono, te fai faka mafola, pea mo te lau ʼo te Tohi-Tapu ʼi te ʼaho fuli.

20 min: Ko Te Kau Tūpulaga ʼe Nātou Fakavikiviki Kia Sehova. Fai palalau mo te kokelekasio. ʼE lahi te ʼu kokelekasio ʼe lahi ai te kau tūpulaga ʼe nātou fai faka mafola. ʼE lelei ke nātou fai te faʼahi ʼaia, tatau aipe peʼe lahi tāfito anai te hahaʼi lalahi ʼaē ka nātou maʼu ʼi te gāue. (Pes. 148:12, 13; Mat. 21:15, 16) Ka tokaga te ʼu mātuʼa pea mo ʼihi kau fai faka mafola ʼo akoʼi pea mo fakaloto mālohiʼi te kau tūpulaga, pea ʼe fiafia lahi ai te kau tūpulaga ʼi te minisitelio. Koutou kole ki te kokelekasio ke nātou tuku atu he ʼu ʼaluʼaga lelei moʼo fakakau te kau tūpulaga ki te faka mafola pea mo te ʼu ʼaʼahi. Koutou kole ki te ʼu mātuʼa ke nātou fakamatala te ʼu tokoni ʼaē neʼe nātou fai ki tanatou fānau moʼo tufa ʼo tanatou ʼu nusipepa, moʼo fakaʼaogaʼi ʼo te Tohi-Tapu ʼi tanatou faka mafola, pea ke nātou toʼa ʼo palalau ʼi te ʼu ʼapi. Koutou fakahā te ʼu lelei ʼaē ʼe kita maʼu mokā kita fakavikiviki takita fānau. Koutou fakafehuʼi he tokotahi peʼe ko he ʼu kaugā faka mafola tūpulaga e toko lua, ke nā fakamatala atu te ʼu meʼa ʼaē ʼe nā leleiʼia ʼi te fai faka mafola pea koteā tona tupuʼaga.

Katiko 2 pea mo te faikole fakaʼosi.

Vāhaʼa ʼo te ʼaho 3 ʼo Tesepeli

Katiko 4

10 min: Te ʼu logo ʼo te kokelekasio. Fakaʼaogaʼi te ʼu tokoni ʼo te talanoa “He ʼu Manatu ʼo ʼUhiga Mo Te ʼu Nusipepa,” moʼo fai he ʼu faʼifaʼitaki e lua neʼe teuteuʼi lelei—ko te tahi faʼifaʼitaki ʼe fai ʼaki Te Tule Leʼo ʼo te ʼaho 1 ʼo Tesepeli pea ko te tahi ki te Réveillez-vous ! ʼo te ʼaho 8 ʼo Tesepeli. ʼOsi ʼaia, pea koutou fakamahino peʼe lava maʼu feafeaʼi he ʼu palalau moʼo tufa te tohi Te tagata ʼaē ʼe lahi tokotahi ʼo te ʼu temi fuli peʼe ko he tahi age tohi ʼi te māhina ʼo Tesepeli. Vakaʼi ʼi te Index des publications de la Société Watch Tower ʼi te ʼu kupu tāfito “Présentations” pea mo te “Liste par publications.” Koutou fakahā he faʼifaʼitaki.

15 min: Te ʼu agaaga ʼo te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu. Fai palalau mo te kokelekasio. Koʼeni te ʼu faʼifaʼitaki ʼe hā ʼaki ai ʼe ʼaoga ʼaupito te ʼu puani kehekehe ʼo te kiʼi kaupepa moʼo fakamahino te ʼu akonaki faka Tohi-Tapu: Ko te ʼu fakamahino ʼo te ʼu kupu tāfito, ohage ko “Malia” (Te Faʼe ʼa Sesu) (pasina 15) peʼe ko te “Koluse” (pasina 46); ko te fakatatau ʼo te ʼu Tohi-Tapu kehekehe, ʼe nātou fakahā te ʼuhiga totonu ʼo te kupu koluse ʼi te Tohi-Tapu (pasina 46-47), te fakaʼaogaʼi ʼo te ʼu fakatātā (pasina 57-62) peʼe ko te moʼoni ʼo ʼuhiga mo te ʼifeli (pasina 30-37). Fakaloto mālohiʼi te kau fai faka mafola fuli ke nātou fakaʼaogaʼi te kaupepa ʼaia ʼi te ʼu temi faigamālie fuli ʼo te minisitelio.

20 min: “Te ʼu Tapuakina Heʼe Kita Loto Fakafetaʼi Ki Te ʼOfa ʼo Sehova—Koga 1.”c Ka koutou fai palalau anai ki te ʼu palakalafe 3-6, koutou fakaafe te kokelekasio ke nātou fakamatala he ʼu ʼaluʼaga fakaloto mālohi neʼe hoko kia nātou ʼi tanatou fai faka mafola ʼi te ʼu ʼapi, ʼi te ala, ʼi te ʼu ʼaʼahi pea mo te ʼu ako Tohi-Tapu.

Katiko 200 pea mo te faikole fakaʼosi.

[Kiʼi Nota]