Te ʼu Tonu

◼ Te tufa ʼo Sanualio: Te ʼAtamai Mālama ʼAē ʼe Ina Taki Ki Te Maʼuli Heʼegata, Te Kalavi ʼo Te Manuʼia Faka Famili peʼe ko Te Tohi ʼo Te ʼu Hisitolia Faka Tohi-Tapu. Fepualio: Te Tohi ʼo Te ʼu Hisitolia Faka Tohi-Tapu. ʼE feala hakotou tufa Te ʼAtamai Mālama ʼAē ʼe Ina Taki Ki Te Maʼuli Heʼegata peʼe ko Te Kalavi ʼo Te Manuʼia Faka Famili. Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE tou faiga tāfito anai ke tou kamata he ʼu ako Tohi-Tapu. ʼApelili: Te Tule Leʼo pea mo te Réveillez-vous ! Kapau ʼi takotou ʼu ʼaʼahi ʼe fia logo te hahaʼi, pea ʼe feala ke koutou apone nātou. Koutou fakahā kia nātou te tohi Te ʼAtamai Mālama peʼe ko te kaupepa Fakamaʼua, ʼaki te fakatuʼutuʼu ʼaē ke koutou kamata he ako Tohi-Tapu.

◼ ʼI te Fono Gāue ʼo te vāhaʼa ʼo te ʼaho 14 ʼo Sanualio, ʼe tufa anai kia nātou fuli ʼaē kua papitema te kiʼi kate Instructions médicales prévisionnelles/Décharge pea mo te Document dʼidentité Médical maʼa nātou liliki.

◼ ʼO kamata atu ʼi Fepualio ʼo aʼu ki te ʼaho 3 ʼo Malesio, koʼeni te kupu tāfito ʼo te akonaki foʼou ʼa te ʼu tagata taupau feʼoloʼaki “Tou Maʼu Te Fīmālie ʼi He Mālama Tuʼutāmakiʼia.”

◼ ʼE tonu ki te ʼu kokelekasio ke nātou fai he ʼu fakatuʼutuʼu ʼo ʼuhiga mo te ʼAho Fakamanatu ʼo te taʼu ʼaenī ʼaē ka fai ʼi te Felianima, ʼaho 28 ʼo Malesio, ʼi te ʼosi tō ʼo te laʼā. Logope la ʼe feala ke kamata te akonaki ʼi muʼa ʼo te tō ʼo te laʼā, kae ko te vino pea mo te pane ʼe tonu anai ke feʼāveʼaki ʼi te ʼosi tō ʼo te laʼā. Koutou vakaʼi fakalelei pe ko te temi fea ʼaē ka tō ai te laʼā ʼi te koga meʼa ʼaē ʼe koutou nonofo ai. ʼE lelei ke tahi fakatuʼutuʼu e te ʼu kokelekasio ke nātou tahi fai tonatou ʼAho Fakamanatu, kae ʼe mole lagi feala anai ke fakahoko tuʼumaʼu te faʼahi ʼaia. Ko te ʼu Fale ʼo te Puleʼaga ʼaē ʼe fakatahi ai te ʼu kokelekasio kehekehe ʼi te agamāhani, ʼe lagi tonu anai ke nātou fakaʼaogaʼi he tahi ʼu fale ʼi te afiafi ʼaia. Kapau ʼe feala, pea ʼe lelei ke vaha ia minuta e 40 te ʼu fono kehekehe ʼaē ʼe fai, ke maʼu he temi feʼauga moʼo fakaʼalofa ki te hahaʼi, pea mo fakaloto mālohiʼi ia nātou ʼaē ʼe foʼofoʼou mai, pea ke tou maʼu he ʼu fua lelei ʼo te fakatahi makehe ʼaia. ʼE tonu anai ke vakaʼi fakalelei te ʼu fihifihia ʼaē ʼe feala ke hoko ʼuhi ko te feʼaluʼaki ʼo te ʼu motokā, mo te taulaga motokā pea mo te ʼaumai ʼo te hahaʼi. ʼE vakaʼi anai e te ʼu tagata ʼāfea pe koteā te ʼu fakatuʼutuʼu ʼaē ʼe lelei ke fai ʼo mulimuli ki te kokelekasio.

◼ Ko te ʼu hahaʼi ʼaē ʼe nātou fai he ʼu kumi pea mo ʼihi atu, neʼe nātou kole ki te ʼu tēhina te ʼu meʼa neʼe nātou fia ʼiloʼi ʼo ʼuhiga mo te kau Fakamoʼoni ʼa Sehova pea mo tatatou kautahi. Neʼe nātou kole ke tohi he ʼu pepa, te ʼu tali ki tanatou ʼu fehuʼi ʼo ʼuhiga mo te ʼu meʼa ʼaē ʼe tou tui kiai pea mo tatatou ʼu akonaki. Kapau ʼe fakalavelave e he ʼu hahaʼi feiā ki he kaugā fagona, pea ʼe tonu ke ina fakahā age te higoa ʼo te taupau pelesita. ʼE feala ke tali e te ʼu tagata ʼāfea ki te ʼu fehuʼi ʼaia, ʼo fakatafito ki te kaupepa Les Témoins de Jéhovah : qui sont-ils ? Quelles sont leurs croyances ? peʼe ko te tohi Comment raisonner.

◼ Te Tohi Foʼou:

Tou Vakaʼi Te Tohi-Tapu ʼi Te ʼAho Fuli—2002—Fakafalani