“Koutou Tuku Kehe He Meʼa”

ʼI te ʼuluaki kokelekasio faka Kilisitiano, neʼe tonu ke nātou tokaga ki te ʼu meʼa ʼaē neʼe ʼaoga ʼi te faʼahi fakasino. Mai tona ʼaluʼaga ʼaē neʼe maʼu koloā te kau Kilisitiano, neʼe fakaloto mālohiʼi nātou takitokotahi ke nātou “tuku kehe he meʼa,” ko he meʼa ʼofa moʼo foaki te ʼu meʼa ʼaia neʼe ʼaoga ʼi te faʼahi fakasino. (1 Ko. 16⁠:​1-3, MN ) ʼI tanatou fia foaki ʼaia, neʼe fiafia ai te kau Kilisitiano fuli ʼi te foaki “ ʼo te ʼu fakafetaʼi lahi ki te ʼAtua.”​—2 Ko. 9⁠:​11, 12, MN.

Ia ʼaho nei, ʼe mafola tuʼumaʼu pe te gāue ʼa te hahaʼi ʼa Sehova ʼi te malamanei katoa, ʼo fakamaʼua kiai he tokoni lahi ʼi te faʼahi ʼo te falā. ʼE lelei ai mo tatou ke tou “tuku kehe he meʼa” ke feala ke maʼu te ʼu meʼa ʼaē ʼe ʼaoga. (2 Ko. 8⁠:​3, 4) Ko te foaki ʼo he ʼu meʼa ʼofa ʼe feala ke fai ʼi hona ʼu ʼaluʼaga kehekehe. (Vakaʼi Te Tule Leʼo ʼo te ʼaho 1 ʼo Novepeli 2001, ʼi te pasina 28 ki te 29.) ʼE tou faka ʼuhiga anai te faʼahi ʼaia ko hatatou pilivilesio lahi ʼe tupu ai he fiafia moʼoni.​—Gaue 20⁠:35.