Polokalama ʼo Te Fono Gāue

Vāhaʼa ʼo te ʼaho 11 ʼo Fepualio

Katiko 6

10 min: Te ʼu logo ʼo te kokelekasio. Te ʼu Tonu. Fakaloto mālohi ia nātou fuli ke nātou lau peʼe ke nātou toe lau te ʼu vaega ʼo Senesi 6:1 ki te 9:19 pea mo sio te foʼi fime viteo Noé : il marchait avec Dieu, moʼo teuteuʼi te fai palalau ʼaē ka fai ʼi te Fono Gāue ʼo te vāhaʼa ʼo te ʼaho 25 ʼo Fepualio.

20 min: “Ke Fakakatoa Te Fagonogono o Te Folafola a Te Atua.”a (Palakalafe 1-13) ʼE fai anai e te tēhina taupau pelesita. Ko he fai palalau fakafiafia ʼo ʼuhiga mo te ʼu meʼa ʼaē ʼe tou loto ke hoko ʼi Malesio pea mo te ʼu māhina ka hoa kiai. ʼE tonu ke tou fakaʼaogaʼi fuli te kaletalio ʼaē ʼe tuʼu ʼi te pepa moʼo fai he fakatuʼutuʼu lelei, ke tou kau lahi ki te minisitelio ʼi Malesio. Fakaloto mālohi ia nātou fuli ʼaē ʼe feala ke nātou pionie vaeluaʼi temi ʼi te māhina ʼaia. Ka koutou palalau ki te palakalafe 7 mo te 8, koutou fehuʼi kia nātou ʼaē neʼe pionie ʼi te taʼu kua hili, ʼi te temi ʼo te ʼAho Fakamanatu, te ʼu tapuakina ʼaē neʼe nātou maʼu. Koutou fakahā ʼe feala anai ke maʼu he ʼu pepa pionie vaeluaʼi temi ʼi te hili ʼo te fono.

15 min: “Te Hahaʼi ʼAē ʼe Fiafia Lahi ʼi Te Kele.”b Talanoa fakanounou ki te alatike ʼo Te Tule Leʼo ʼo te ʼaho 15 ʼo ʼOketopeli 1997, ʼi te pasina 6 ko tona kupu tāfito “Ko Te ʼu Meʼa ʼAē ʼe Tonu Ke Koutou Fai Ke Koutou Maʼu Te Fiafia.”

Katiko 49 pea mo te faikole fakaʼosi.

Vāhaʼa ʼo te ʼaho 18 ʼo Fepualio

Katiko 66

10 min: Te ʼu logo ʼo te kokelekasio. Lau ʼo te falā.

13 min: “He ʼu Manatu ʼo ʼUhiga Mo Te ʼu Nusipepa.” Fehuʼi age ki te ʼu kaugā fagona pe neʼe tokoni feafeaʼi te fakatuʼutuʼu ʼaia ʼi Te Minisitelio ʼo Te Puleʼaga, ke nātou teuteuʼi lelei moʼo fakahā te pikipikiga ʼo te ʼu alatike pea mo te ʼu meʼa fakamataku ʼaē ʼe hoko ʼi te ʼu temi faigataʼa ʼaenī. ʼE feala koa ke fakamatala e ʼihi pe neʼe feafeaʼi tanatou fakaloto fīmālieʼi te hahaʼi pea mo tokoni kia nātou ke nātou maʼu te ʼu tali ʼi te Tohi-Tapu ki te ʼu fehuʼi maʼuhiga? ʼAki he ʼu faʼifaʼitaki nounou e lua, fakahā peʼe feafeaʼi te tufa ʼo Te Tule Leʼo ʼo te ʼaho 15 ʼo Fepualio pea mo te Réveillez-vous ! ʼo te ʼaho 22 ʼo Fepualio.

22 min: “Ke Fakakatoa Te Fagonogono o Te Folafola a Te Atua.”c (Palakalafe 14-23) ʼE fai e te tēhina taupau ki te gāue. Toe vakaʼi te ʼu fakatuʼutuʼu makehe neʼe fai e te kokelekasio ke lahi te gāue ʼi Malesio. Fakahā te ʼu fakatuʼutuʼu fuli ʼo ʼuhiga mo te ʼu fono ki te fai faka mafola ʼi te māhina. Talanoa tāfito ki te fakaloto mālohiʼi ʼo nātou ʼaē mole kei fai faka mafola pea mo tokoni ki te fānau pea mo te kau ako ke feala hanatou liliu ko he ʼu kaugā fagona mole heʼeki papitema. Tala te ʼu higoa ʼo nātou ʼaē neʼe nātou tohi ke nātou pionie vaeluaʼi temi ʼi Malesio, pea fakaloto mālohi he tokolahi ke nātou fakakaukau lelei ʼi te faikole ke nātou pionie mo nātou.

Katiko 143 pea mo te faikole fakaʼosi.

Vāhaʼa ʼo te ʼaho 25 ʼo Fepualio

Katiko 174

10 min: Te ʼu logo ʼo te kokelekasio. ʼE lau anai e he tagata ʼāfea “Te Tohi Mai Te Kolesi Pule.”

17 min: “Te ʼu Fua ʼo Te Faka Mafola ʼAki Te ʼu Foʼi Fime Viteo.” Ko he fai palalau mo te kokelekasio. Kua ʼosi nei te ʼu foʼi ʼata viteo e valu ʼi tatatou vakaʼi ʼi te polokalama ʼo te Fono Gāue. ʼI te ʼosi fai palalau nounou ki te ʼu faʼifaʼitaki ʼaē ʼe tuʼu ʼi te alatike, koutou kole ki te ʼu kaugā fagona ke nātou fakamatala te ʼu fua lelei neʼe nātou maʼu ʼi tanatou fakamamata te ʼu foʼi ʼata ʼaia ki ʼihi.

18 min: “ ʼE ʼAoga Ki Te Hahaʼi Fuli Te Foʼi ʼAta ʼo Noé : il marchait avec Dieu.” Koutou kamata te fai palalau mo te kokelekasio ki te foʼi ʼata ʼo Noé, ʼo koutou fakaʼaogaʼi pe te ʼu fehuʼi ʼaē ʼe tuʼu ʼi te talanoa ʼi te pasina ʼaenī.

Katiko 215 pea mo te faikole fakaʼosi.

Vāhaʼa ʼo te ʼaho 4 ʼo Malesio

Katiko 207

13 min: Te ʼu logo ʼo te kokelekasio. Fai he ʼu faʼifaʼitaki nounou e lua ʼo te ʼu nusipepa—ʼe fakahā e te tahi Te Tule Leʼo ʼo te ʼaho 1 ʼo Malesio pea fakaʼaogaʼi e te tahi te Réveillez-vous ! ʼo te ʼaho 8 ʼo Malesio. Ke fai e he tūpulaga he faʼifaʼitaki. Fakamanatuʼi ki te ʼu kaugā fagona ke nātou ʼaumai tanatou ʼu kiʼi pepa tānaki gāue ʼo Fepualio.

15 min: Koutou Fakaʼaogaʼi Te Tohi Te ʼAtamai Mālama Moʼo Kamata He ʼu Ako Tohi-Tapu. ʼI te māhina ʼo Malesio ʼe tou faiga tāfito anai ke tou kamata he ʼu ako Tohi-Tapu. Fakamatala fakanounou te meʼa ʼaē ʼe tuʼu ʼi Te Minisitelio ʼo Te Puleʼaga ʼo ʼAukusito 1998, ʼi te pasina 4, palakalafe 8. Kapau neʼe hoki kamata e he tahi he ako Tohi-Tapu ʼaki te tohi Te ʼAtamai Mālama, pea ʼe feala ke ina toe faʼifaʼitaki pe neʼe feafeaʼi tona fai. Fakamanatuʼi te ʼu tokoni fuli ʼaē neʼe fai ʼi te pepa ʼaē ʼe ʼalutahi mo Te Minisitelio ʼo Te Puleʼaga ʼo Sanualio 2002, ʼaē ko tona kupu tāfito “He ʼu Manatu Moʼo Fakahā Te Tohi Te ʼAtamai Mālama.” ʼAki te tohi ʼaia, fai he faʼifaʼitaki e tahi ʼi te ʼu faʼifaʼitaki ʼaē ʼe tuʼu ʼi te pasina 6 ʼo te pepa pe ʼaia ʼi te kupu tāfito “Kole Fakahagatonu Age.”

17 min: “He Koʼe ʼe Tonu Ke Tou Haga Fai Faka Mafola?”d Fakaʼosi ʼaki te fakafehuʼi ʼa he kaugā fagona e tahi peʼe lua, neʼe nā haga fai faka mafola lolotoga ni ʼu taʼu. Ke nā fakahā pe koʼe neʼe hoko atu ia tanā gāue ʼaia pea neʼe fua lelei feafeaʼi kia nāua.

Katiko 165 pea mo te faikole fakaʼosi.

[Kiʼi nota]