Polokalama ʼo Te Fono Gāue

Vāhaʼa ʼo te ʼaho 8 ʼo Sūlio

Katiko 201

15 min: Te ʼu logo ʼo te kokelekasio. Te ʼu Tonu. ʼAki te ʼu manatu ʼaē ʼe tuʼu ʼi te pasina 6, fai he ʼu faʼifaʼitaki e lua moʼo fakahā Te Tule Leʼo ʼo te ʼaho 15 ʼo Sūlio pea mo te Réveillez-vous ! ʼo te ʼaho 22 ʼo Sūlio. ʼI te ʼu faʼifaʼitaki ʼaia, fakahā he ʼu tali kehekehe ʼe feala ke fai mokā ʼui mai e he tahi “ ʼE mole ʼau fia palalau ki te lotu.”—Vakaʼi te kiʼi kaupepa Tokoni Ki Te ʼu Fai Palalau, ʼi te pasina 12.

10 min: Te Tali Ki ʼAkotou ʼu Fehuʼi. Ko he akonaki ʼe fai e he tagata ʼāfea, pea ʼe ina faka ʼalutahi te alatike mo te ʼaluʼaga ʼo te kokelekasio.

20 min: Tou Fai He ʼu Fakatuʼutuʼu Ke Tou Fagonogono Faigamālie. Ko he fai palalau mo te kokelekasio ki te tohi Notre ministère, ʼi te pasina 94 ki te 95. ʼAki te ʼu tokoni ʼaē ʼe tuʼu ʼi te ʼuluaki pasina ʼo te pepa ʼe ʼalutahi mo Te Minisitelio ʼo Te Puleʼaga ʼo Sanualio 2002, fakahā fakanounou te faʼahiga fai ʼo te fagonogono faigamālie ki he tahi ʼe mole tou ʼiloʼi, ki he vāhaʼa fale, ki he kāiga peʼe ki hotatou feʼilo.

Katiko 16 pea mo te faikole fakaʼosi.

Vāhaʼa ʼo te ʼaho 15 ʼo Sūlio

Katiko 144

10 min: Te ʼu logo. Lau ʼo te falā.

15 min: Ko he akonaki ʼe ʼaoga ki te kokelekasio.

20 min: Te ʼu Tupuʼaga Lelei Ke Tou Fakaʼaogaʼi Te Tohi-Tapu ʼi Tatatou Minisitelio. Ko he akonaki pea mo he fai palalau mo te kokelekasio. Neʼe ʼiloʼi e Sesu te Tohi-Tapu pea neʼe tuʼa lahi tana fakaʼaogaʼi moʼo akoʼi te hahaʼi. (Luka 24:27, 44-47) Ko te ʼu meʼa ʼaē neʼe ina akoʼi neʼe mole haʼu ia mai ia te ia. (Soa. 7:16-18) ʼE maʼuhiga ke tou fakaʼaogaʼi mo tatou te Folafola ʼa te ʼAtua. ʼE mālohi age ia ʼi te ʼu palalau ʼaē ʼe feala ke tou fai. (Soa. 12:49, 50; Hep. 4:12) Neʼe fia logo te ʼu hahaʼi loto moʼoni ʼuhi ko te fakafimālie pea mo te ʼamanaki ʼaē ʼe foaki mai e te Tohi-Tapu. Koutou fakatuʼutuʼu ke koutou lau he vaega Tohi-Tapu e tahi ʼi takotou fai palalau mo te hahaʼi. Fakahā ʼe tuʼu te ʼu vaega faka Tohi-Tapu ʼi te ʼu palalau ʼaē neʼe teuteuʼi moʼo fakahā te ʼu nusipepa. Fehuʼi ki te kokelekasio pe neʼe feafeaʼi tanatou fakaʼaogaʼi te Tohi-Tapu ʼi te minisitelio, pea mo tona fua kia nātou pea mo te hahaʼi ʼaē neʼe nātou fai faka mafola ki ai.

Katiko 215 pea mo te faikole fakaʼosi.

Vāhaʼa ʼo te ʼaho 22 ʼo Sūlio

Katiko 47

12 min: Te ʼu logo. Ko he tāmai peʼe ko he faʼe mo he fānau ʼe nā gāue toko lua ʼi te minisitelio ʼo fakahā peʼe feafeaʼi te fakaʼaogaʼi ʼo te ʼu manatu ʼi te pasina 4 moʼo fakahā te ʼu nusipepa ʼo te ʼaho 1 ʼo ʼAukusito pea mo te ʼaho 8 ʼo ʼAukusito. ʼE fakahā e te tahi Te Tule Leʼo pea ko te tahi te Réveillez-vous ! Fakaloto mālohiʼi te ʼu mātuʼa ke nātou akoako māmālie tanatou fānau ki te minisitelio.

18 min: “Ko He Temi Moʼo Fefakaloto Mālohiʼaki.” Ko he akonaki. Koutou talanoa ki te fiafia ʼaē ka tou maʼu anai ʼi tatatou kau ki te fakatahi faka tisitilike. Fakaloto mālohi te hahaʼi fuli pe ke nātou kau ki te polokalama katoa.

15 min: Te Lotomahino—ʼE Tokoni Mai Ke Tou Agalelei Pea Mo Manavaʼofa. Ko he akonaki ʼe fai e he tagata ʼāfea ʼe fakatafito ki Te Tule Leʼo ʼo te ʼaho 15 ʼo ʼApelili 2002, ʼi te pasina 24 ki te 27.

Katiko 49 pea mo te faikole fakaʼosi.

Vāhaʼa ʼo te ʼaho 29 ʼo Sūlio

Katiko 54

10 min: Te ʼu logo. Fakamanatuʼi ke ʼaumai te ʼu kiʼi pepa tānaki gāue ʼo Sūlio.

10 min: “Ko He Polokalama Foʼou ʼo Te Fakatahi Faka Silikosikilipisio.” Ko he akonaki. Fakahā te ʼaho ʼaē ka fai ai te fakatahi faka silikosikilipisio. Fakaloto mālohiʼi te hahaʼi fuli ke nātou kau kiai pea mo fakalogo lelei ki te polokalama, pea ko te ʼu kaugā fagona ke nātou vakaʼi peʼe feala hanatou papitema. Faiga tāfito ke fakaafe te kau ako Tohi-Tapu.

25 min: “Tou Fakatahitahi ʼi Te Felogoi Lelei.”a ʼI te palakalafe 3, fakahā mo te ʼu manatu ʼo te Réveillez-vous ! ʼo te ʼaho 22 ʼo ʼApelili 2000, ʼi te pasina 9 ki te 11. ʼI te palakalafe 4, fakahā mo te ʼu manatu ʼo Te Tule Leʼo ʼo te ʼaho 1 ʼo ʼApelili 1995, ʼi te pasina 16 ki te 17, palakalafe 4 ki te 6.

Katiko 74 pea mo te faikole fakaʼosi.

Vāhaʼa ʼo te ʼaho 5 ʼo ʼAukusito

Katiko 38

12 min: Te ʼu logo. Fakahā te ʼu fakatuʼutuʼu makehe ki te fai faka mafola ʼi te ʼaho 15 ʼo ʼAukusito.

18 min: “Koutou Fakafimālieʼi Tokotou Maʼuli Fakalaumālie.” Ko he akonaki pea mo he fai palalau mo te kokelekasio. Vakaʼi te ʼu tupuʼaga ʼaē ʼe tonu ke tou tokaga lelei fuli ai ki te polokalama ʼo te fakatahi. Fakahā lelei te ʼaoga ʼaē ke tou maʼuliʼi te ʼu meʼa ʼe tou ako, ke mole gata ʼaki pe tatatou fakalogo. Vakaʼi te talanoa ʼi ʼoluga ʼo ʼuhiga mo te meʼa kua fakatuʼutuʼu ki te Fono Gāue ʼi ʼOketopeli, mokā fai anai he fakamanatu ʼo te ʼu puani tāfito ʼo te fakatahi faka tisitilike. Fakaloto mālohi te hahaʼi fuli ke nātou tohi hanatou ʼu nota. Fakaafe ʼihi ke nātou fakamatala te ʼu lelei ʼo te polokalama ʼo te taʼu ʼaenī kua hili.

15 min: “Ke Fakaʼapaʼapa Totatou Teu Pea Mo Te Gaohi ʼo Totatou ʼUlu.”b ʼE fai e he tagata ʼāfea, pea ʼe ina lau anai te ʼu palakalafe mokā ʼosi fai palalau kiai. Tokoni ki te kokelekasio ke nātou mahino ʼe maʼuhiga ʼi te kaugamālie ke nātou tokakaga ki tonatou teu pea mo te gaohi ʼo tonatou ʼulu.

Katiko 155 pea mo te faikole fakaʼosi.

[Kiʼi Nota]