Polokalama ʼo Te Fono Gāue

Vāhaʼa ʼo te ʼaho 9 ʼo Sepetepeli

Katiko 39

13 min: Te ʼu logo ʼo te kokelekasio. Te ʼu Tonu. ʼAki te ʼu manatu ʼo te pasina 8, koutou fai he ʼu faʼifaʼitaki e lua moʼo fakahā Te Tule Leʼo ʼo te ʼaho 1 ʼo Sepetepeli pea mo te Réveillez-vous ! ʼo te ʼaho 8 ʼo Sepetepeli. ʼI te ʼu faʼifaʼitaki ʼaia, fakahā he ʼu tali kehekehe ʼe feala ke fai mokā ʼui mai e he tahi “ ʼE mole ʼau fia palalau mo te kau Fakamoʼoni ʼa Sehova.”—Vakaʼi te kiʼi kaupepa Te ʼu Tokoni Ki Te ʼu Fai Palalau, pasina 12 mo te 13.

17 min: “Tou Tokoni Ki Te Hahaʼi Ke Nātou Faka Kolōlia Kia Sehova.”a Kapau ʼe maʼu he temi, talanoa ki he manatu ʼaoga e tahi peʼe lua ʼi te tohi Comment raisonner, pasina 200 ki te 202.

15 min: He Koʼe ʼe Mole Nātou Tui? Ko he fai palalau mo te kokelekasio. ʼI ʼihi temi ʼe tou felāveʼi mo te hahaʼi ʼe mole lahi tanatou tui. (2 Tes. 3:2) Ke feala hanatou ʼiloʼi te moʼoni ʼo ʼuhiga mo Sehova, ʼe tonu muʼa ke tou ʼiloʼi peʼe koteā ʼaē ʼe faigataʼa ai tanatou tui ki te ʼAtua. Vakaʼi ʼi te tohi Comment raisonner, pasina 169 ki te 170, te ʼu puani e fā ʼaē ʼe feala ke faigataʼa ki ʼihi hanatou maʼu te tui. Koutou talanoa ki he faʼifaʼitaki neʼe ʼaoga lelei ai te ʼu palalau ʼaia, peʼe koutou talanoa ki te Réveillez-vous ! ʼo te ʼaho 22 ʼo ʼAukusito 1993, pasina 14 mo te 15.

Katiko 65 pea mo te faikole fakaʼosi.

Vāhaʼa ʼo te ʼaho 16 ʼo Sepetepeli

Katiko 163

10 min: Te ʼu logo. Lau ʼo te falā. Fakaloto mālohiʼi te kokelekasio ke nātou sioʼi te foʼi fime viteo “ Les jeunes sʼinterrogent... Comment se faire de vrais amis ? ” heʼe tou talanoa anai kiai ʼi te vāhaʼa ka haʼu. ʼI Niumea, ʼe fai anai he ʼu fakatuʼutuʼu makehe ki te fai faka mafola ʼo te ʼaho 24 ʼo Sepetepeli.

18 min: Neʼe Feafeaʼi Tatatou Gāue ʼi Te Taʼu ʼAenī Kua ʼOsi? Ko he akonaki ʼe fai e te tēhina taupau ki te gāue. Talanoa ki te ʼu faʼahi maʼuhiga ʼo te taʼu gāue ʼa te kokelekasio ʼi te taʼu 2002. Fakamālo ki te ʼu gāue lelei ʼaē neʼe fai e te kokelekasio. Talanoa tāfito ki te ʼu ʼaluʼaga ʼo ʼuhiga mo te kau ki te ʼu fono, te ʼu ʼaʼahi mo te ʼu ako Tohi-Tapu, mo te gāue pionie vaeluaʼi temi, pea mo foaki he ʼu tokoni moʼo hikihiki te ʼu ʼaluʼaga ʼaia. Fai he ʼu fakatuʼutuʼu ʼe fealagia ki te taʼu ka haʼu.

17 min: Te ʼu Faigataʼaʼia ʼa He Tāmai Peʼe Ko He Faʼe Moʼo Taupau Tokotahi Tana Fānau. ʼE fakafehuʼi e he tagata ʼāfea he tokotahi peʼe ko he toko lua (peʼe ko nātou ʼaē mole kau tonatou ʼohoana ʼi te moʼoni) ʼo ʼuhiga mo te ʼu faʼahi ʼaē ʼe nātou fai moʼo akoʼi te fānau, moʼo fakatonutonuʼi nātou, pea mo takitaki nātou ʼi te faʼahi fakalaumālie. Koteā ʼaē ʼe nātou fai ke feala hanatou fakahoko te ʼu maʼua faka famili pea mo kau tuʼumaʼu ki te ʼu fono pea mo te fai faka mafola? Koutou talanoa ki he ʼu puani ʼo te tohi Manuʼia Faka Famili, pasina 104 ki te 110. ʼI te ʼu pasina 113 ki te 115, koutou talanoa ki te ʼu tokoni ʼaē ʼe lava fai e ʼihi kia nātou ʼaia.

Katiko 149 pea mo te faikole fakaʼosi.

Vāhaʼa ʼo te ʼaho 23 ʼo Sepetepeli

Katiko 107

10 min: Te ʼu logo. ʼAki te ʼu manatu ʼo te pasina 8, ʼe fai anai e he tagata ʼāfea he faʼifaʼitaki ʼaki Te Tule Leʼo ʼo te ʼaho 15 ʼo Sepetepeli, pea ko he tagata faifekau faka minisitelio ʼe ina fai anai he faʼifaʼitaki ʼaki te Réveillez-vous ! ʼo te ʼaho 22 ʼo ʼOketopeli. ʼI te ʼosi ʼo te ʼu faʼifaʼitaki ʼaia, koutou toe fakaʼaogaʼi te ʼu ʼuluaki palalau ʼaē neʼe fakaʼaogaʼi ʼi te ʼu faʼifaʼitaki ʼaia moʼo fakatupu te fia logo ʼa te hahaʼi.

10 min: Ko he akonaki ʼe ʼaoga ki te kokelekasio.

25 min: “Te Tali Fakafiafia!”b ʼI te palakalafe 1, kole age ki te kokelekasio ke nātou fakahā tanatou manatu ʼo ʼuhiga mo te foʼi fime viteo Les jeunes sʼinterrogent... Comment se faire de vrais amis ? ʼOsi ʼaia, pea fai palalau mo te kokelekasio ʼaki te ʼu fehuʼi takitahi ʼaē ʼe lagaʼi ʼi te palakalafe 2 ki te palakalafe 7.

Katiko 14 pea mo te faikole fakaʼosi.

Vāhaʼa ʼo te ʼaho 30 ʼo Sepetepeli

Katiko 155

15 min: Te ʼu logo. Fakamanatuʼi ke ʼaumai te ʼu kiʼi pepa tānaki gāue ʼo Sepetepeli. Fai Palalau ki te alatike “ ʼE Haʼele Ki Muʼa Te Polokalama ʼo Te Laga ʼo Te ʼu Fale ʼo Te Puleʼaga.”

15 min: He Koʼe ʼe Makehe Tatatou ʼu Nusipepa? Ko he akonaki pea mo he fai palalau mo te kokelekasio. ʼI te māhina ʼo ʼOketopeli, ʼe tou tufa anai Te Tule Leʼo pea mo te Réveillez-vous ! Koutou talanoa ki te ʼu faʼahi ʼaē ʼe makehe ai tatatou ʼu nusipepa: (1) ʼE nātou fakavikiviki te huafa ʼo Sehova. (2) ʼE nātou fakaloto mālohi ke tou tui kia Sesu. (3) ʼE nātou kalagaʼi te Puleʼaga ʼo te ʼAtua. (4) ʼE nātou faka maʼuhigaʼi te Tohi-Tapu pea ʼe fakatafito kiai. (5) ʼE nātou fakamahino te hoko ʼo te ʼu lea faka polofeta. (6) ʼE nātou fakamahino te ʼuhiga moʼoni ʼo te ʼu meʼa ʼaē ʼe hoko ʼi te malamanei. (7) ʼE nātou fakahā he ʼu puleʼaki moʼo tauʼi te ʼu fihifihia ʼo te temi nei. (8) ʼE ko he ʼu nusipepa maʼa te ʼu faʼahiga hahaʼi kehekehe. (9) ʼE mole talanoa ki he ʼu faʼahi faka politike. Fai he ʼu faʼifaʼitaki nounou e lua, ʼe fakahā ai peʼe feafeaʼi he fakaʼaogaʼi ʼo he puani ʼi te ʼu puani ʼaia moʼo kamata he fai palalau.

15 min: “Tou Fakafetaʼi Ki Te ʼu Koloā Faka Teokalatike.”c ʼE fai e he tagata ʼāfea. Fakamatala he ʼu ʼaluʼaga ʼo te telituale neʼe fakahoko ai te faʼahi ʼaia, pea koteā ʼaē ʼe lava fai e te kokelekasio moʼo fakaʼaogaʼi fakapotopoto tatatou ʼu tohi. Fakaloto mālohi te kokelekasio ke faka tuʼakoi tana fakaʼui te ʼu tohi, ke fakaʼui pe te ʼu tohi ʼaē ʼe ʼaoga moʼoni. Fakamanatuʼi ʼe ko he pilivilesio hatatou lagolago ʼi te faʼahi faka paʼaga ki te ʼu gāue ʼaē ʼe fai ʼi te malamanei katoa.

Katiko 21 pea mo te faikole fakaʼosi.

Vāhaʼa ʼo te ʼaho 7 ʼo ʼOketopeli

Katiko 129

10 min: Te ʼu logo.

15 min: ʼE Takitaki Te Hahaʼi Agatonu e Te Agatonu. Ko he akonaki ʼe fai e he tagata ʼāfea ʼi te alatike ʼo Te Tule Leʼo ʼo te ʼaho 15 ʼo Maio 2002, pasina 24 ki te 28.

20 min: “ ʼAua Naʼa Koutou Kumi ‘Te ʼu Meʼa Noa.’ ”d ʼOsi te fai palalau ki te palakalafe 4, talanoa ki te ʼu manatu ʼo te pepa ʼaē ʼe ʼalutahi mo Te Minisitelio ʼo Te Puleʼaga ʼo Novepeli 1999, palakalafe 30 ki te 32. ʼI te fai palalau ki te palakalafe 5, koutou hilifaki kiai te ʼu manatu ʼo te talanoa ʼo Te Tule Leʼo ʼo te ʼaho 1 ʼo ʼOketopeli 1994, pasina 8. Koutou lau te palakalafe 6, pea mo te palakalafe 18 ʼi te pepa ʼo Te Minisitelio ʼo Novepeli 1999. Kapau ʼe mole ʼalutahi te alatike ʼaenī mo te ʼu faʼahi ʼaē ʼe ʼaoga ki takotou kokelekasio, pea ʼe feala hakotou fai he akonaki ʼe ʼaoga ki te kokelekasio.

Katiko 105 pea mo te faikole fakaʼosi.

[Kiʼi nota]