Te ʼu Tonu

◼ Te tufa ʼo Sanualio: Kapau ʼe kei maʼu ʼi te kokelekasio, pea koutou tufa he tohi e pasina 192 neʼe tā ʼi muʼa ʼo te taʼu 1988. Peʼe koutou tufa Te Tohi ʼo Te ʼu Hisitolia Faka Tohi-Tapu. Fepualio Pea Mo Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE faiga tāfito anai ke kamata he ʼu ako Tohi-Tapu. ʼApelili Pea Mo Maio: ʼE tufa anai Te Tule Leʼo pea mo te Réveillez-vous ! Ka tou ʼaʼahi anai te hahaʼi ʼaē ʼe nātou tali lelei, tou ʼavage te kaupepa Fakamaʼua ʼaki he fakatuʼutuʼu ke tou kamata he ako Tohi-Tapu.

◼ ʼO kamata atu ʼi Fepualio, ʼo aʼu ki te ʼaho 2 ʼo Malesio, koʼeni te kupu tāfito ʼo te akonaki foʼou ki te kaugamālie ʼaē ka fai e te ʼu tagata taupau faka silikosikilipisio “Te Hāofaki Mai Te Malamanei Fakapōʼuli.”

◼ ʼE tonu ki te ʼu kokelekasio ke nātou fai he ʼu fakatuʼutuʼu lelei ʼo ʼuhiga mo te ʼAho Fakamanatu ʼo te taʼu ʼaenī, ʼaē ka fai ʼi te Feliafā ʼaho 16 ʼo ʼApelili, ʼi te ʼosi tō ʼo te laʼā. Logola ʼe feala ke kamata te akonaki ʼi muʼa ʼo te tō ʼo te laʼā, kae ko te pane pea mo te vino ʼe tonu anai ke feʼāveʼaki ʼi te ʼosi tō ʼo te laʼā. Koutou vakaʼi fakalelei pe ko te temi fea ʼaē ka tō ai te laʼā ʼi te koga meʼa ʼaē ʼe koutou nonofo ai. Ko te ʼu Fale ʼo Te Puleʼaga ʼaē ʼe fakatahi ai te ʼu kokelekasio kehekehe ʼi te agamāhani, ʼe lagi tonu anai ke nātou fakaʼaogaʼi he tahi ʼu fale ʼi te afiafi ʼaia. Kapau ʼe feala, pea ʼe lelei ke vaha ia minuta e 40 te ʼu fono kehekehe ʼaē ʼe fai ke maʼu ai he temi feʼauga kia tatou fuli ke tou fakaʼaogaʼi lelei te fakatahi makehe ʼaia. ʼE tonu anai ke vakaʼi fakalelei te ʼu fihifihia ʼaē ʼe feala ke hoko ʼuhi ko te feʼaluʼaki ʼo te ʼu motokā, mo te taulaga motokā pea mo te ʼaumai ʼo te hahaʼi. ʼE vakaʼi anai e te ʼu tagata ʼāfea pe koteā te ʼu fakatuʼutuʼu ʼaē ʼe lelei ke fai ʼo mulimuli ki te kokelekasio.

◼ ʼO kamata ʼaki te Minisitelio ʼaenī, ko te lisi ʼo te ʼu tohi foʼou ʼaē ʼe tou maʼu, ʼe mole toe tā anai ʼi Te Minisitelio ʼo Te Puleʼaga. Ko “Te Logo Ki Te ʼu Kokelekasio Fuli” ʼaē ʼe toe tuʼu ai mo te lisi ʼaia, ʼe haga momoli anai ki te ʼu kokelekasio fuli ʼi te māhina fuli. Moʼo fakamanatu, ʼi te ʼosi maʼu ʼo “Te Logo Ki Te ʼu Kokelekasio Fuli,” ʼe tala anai he logo ʼi te Fono Gāue ʼaē ka hoa mai, ʼo ʼuhiga mo te ʼu tohi ʼaē e lagi ʼaoga anai ki tokotou kokelekasio. ʼE feala ke fakapipiki te logo ʼaia ʼi muli, ʼi te lauʼi papa ʼaē ʼe fakapipiki kiai te ʼu pepa. ʼOsi ʼaia, ko te tēhina ʼaē ʼe taupau ki te ʼu tohi ʼe ina taupau anai ʼi tana ʼu tosie.