Polokalama ʼo Te Fono Gāue

Vāhaʼa ʼo te ʼaho 13 ʼo Sanualio

Katiko 69

10 min: Te ʼu logo. Te ʼu Tonu. ʼO mulimuli ki te ʼu tokoni ʼaē ʼe tuʼu ʼi te pasina 4, fai he ʼu faʼifaʼitaki e lua moʼo fakahā te tufa ʼo Te Tule Leʼo ʼo te ʼaho 1 ʼo Sanualio, pea mo te Réveillez-vous ! ʼo te ʼaho 8 ʼo Sanualio. ʼI te ʼu ʼaluʼaga ʼaia, ʼe tonu ke tufa taki lua te ʼu nusipepa, tatau aipe peʼe ko he nusipepa pe e tahi ʼaē ʼe fakahāhā.

15 min: Neʼe Mālo Kae Mole Fai He Palalau. Ko he akonaki pea mo he fai palalau. Ko te agalelei ʼa te kau Kilisitiano ʼe ko he fakamoʼoni mālohi ʼaia. Neʼe ina uga ai te ʼu tagata ʼohoana neʼe mole ʼi te moʼoni, ke nātou liliu ko he ʼu hahaʼi tauhi ʼa Sehova. (1 Pet. 3: 1, 2) Fakamatala te ʼu faʼifaʼitaki ʼaē ʼe tuʼu ʼi Te Tule Leʼo ʼo te ʼaho 1 ʼo Sanualio 1999, pasina 4; Te Tule Leʼo ʼo te ʼaho 1 ʼo ʼOketopeli 1995, te pasina 10 ki te 11; pea mo te Annuaire 1995 pasina 46. Fakatuʼutuʼu fakatomuʼa ke fai he ʼu fakamatala ʼa he toko lua peʼe ko he toko tolu ke nātou fakamatala te ʼu fua lelei ʼaē neʼe hoko ʼuhi ko tanatou mulimuli ki te ʼu tokoni ʼa te Tohi-Tapu ʼo ʼuhiga mo te faʼahi ʼaia.

20 min: “Tou Maʼuliʼi Te Foaki ʼo Totatou Maʼuli.”a ʼI takotou ʼosi vakaʼi ia te palakalafe 3, koutou fakafehuʼi fakanounou he tēhina peʼe ko he tuagaʼane kua fotufotuʼa peʼe ko he tūpulaga kua papitema. Koteā te ʼu fihifihia ʼaē neʼe hoko kia ia talu mai tana papitema? Koteā ʼaē neʼe tokoni kia ia ke ina kātakiʼi te ʼu mamahi ʼaia? Koteā te ʼu tapuakina neʼe ina maʼu ʼi tana foaki ia tona maʼuli kia Sehova?

Katiko 6 pea mo te faikole fakaʼosi.

Vāhaʼa ʼo te ʼaho 20 ʼo Sanualio

Katiko 44

8 min: Te ʼu logo. Lau ʼo te falā.

15 min: ʼE Koutou Lau Koa Te Tohi-Tapu ʼi Te ʼAho Fuli? Ko he akonaki pea mo he fai palalau. Fakaloto mālohiʼi te kokelekasio ke nātou fakaʼaogaʼi lelei te kiʼi kaupepa Tou Vakaʼi Te Tohi-Tapu ʼi Te ʼAho Fuli—2003. Koutou fai palalau ʼo ʼuhiga mo te ʼu ʼuluaki palalau ʼaē ʼe tuʼu ʼi te pasina 5-7. Fai he ʼu tokoni ki te ʼu famili, ki te faʼahiga fai palalau fakatahi ʼo ʼuhiga mo te koga tohi ʼo te ʼaho. Moʼo fakahā te ʼaoga ke vakaʼi te koga tohi ʼi te ʼaho fuli, koutou vakaʼi he ʼu faʼifaʼitaki e lua peʼe tolu ʼo ʼuhiga mo he koga tohi pea mo tona fakamatala ʼo te māhina ka haʼu. Fakapipiki kiai he kiʼi faʼifaʼitaki nounou ʼa he taumatuʼa ʼe nā vakaʼi fakatahi te koga tohi pea mo tona kiʼi fakamatala.

22 min: “Tou Akoʼi Ki Te Hahaʼi Te Lea Maʼa.”b ʼI te ʼosi vakaʼi ʼo te palakalafe 6, kole ki he kaugā fai faka mafola ke ina fai he faʼifaʼitaki, peʼe feafeaʼi he kamata ʼa he ako Tohi-Tapu ʼi te gutu matapā ʼa he tahi ʼe ina ʼaʼahi, ʼo ina fakaʼaogaʼi he faʼifaʼitaki e tahi ʼi te pepa ʼaē ʼe ʼalutahi mo Te Minisitelio ʼo Te Puleʼaga ʼo Sanualio 2002, pasina 4. Vakaʼi mo he palakalafe e tahi ʼo te kaupepa Fakamaʼua. ʼI te fakaʼosi, ʼe lagaʼi anai e te kaugā fai faka mafola he fehuʼi ʼe tali anai kiai te palakalafe ʼaē ʼe hoa mai, pea mo fakatuʼutuʼu ke koutou toe liliu mai moʼo tali kiai. Fakaloto mālohiʼi te kokelekasio ke nātou vakaʼi te hahaʼi fuli ʼaē ʼe nātou ʼaʼahi, peʼe nātou loto ki he ako Tohi-Tapu feiā.

Katiko 68 pea mo te faikole fakaʼosi.

Vāhaʼa ʼo te ʼaho 27 ʼo Sanualio

Katiko 92

10 min: Te ʼu logo. Fakamanatuʼi ke ʼaumai te ʼu kiʼi pepa tānaki gāue. ʼAki te ʼu manatu ʼaē ʼe tuʼu ʼi te pasina 4, koutou fai he ʼu faʼifaʼitaki e lua moʼo tufa Te Tule Leʼo ʼo te ʼaho 15 ʼo Sanualio pea mo te Réveillez-vous ! ʼo te ʼaho 22 ʼo Sanualio. ʼI te ʼu faʼifaʼitaki ʼaia, ʼe fakaʼosi anai te fai palalau e te kaugā fai faka mafola, ʼo ina fakatoʼo ki te tagata peʼe ko te fafine ʼo te ʼapi, te kiʼi pepa lotu ʼE Koutou Fia Mahino Lahi Koa Ki Te Tohi-Tapu?—kia ia ʼaē ʼe mole ina tali te ʼu nusipepa, pea mo ia ʼaē ʼe ina tali. Fakamahino fakanounou peʼe lava fakahoko feafeaʼi atu te tufa ʼo te ʼu nusipepa ki he tahi neʼe tou tuku kiai he kiʼi pepa lotu. ʼE tou lava fai te ʼu palalau ʼaenī: “ ʼI tatā fai palalau talu mai ai, neʼe ko he meʼa fakafiafia taku tuku atu te nusipepa ʼo Te Tule Leʼo. Lagi neʼe ke tokagaʼi ko te kupu tāfito ʼo te nusipepa ʼe fēnei Ko Te Tule Leʼo ʼe Ina Kalagaʼi Te Puleʼaga ʼo Sehova. ʼI te ʼaho nei, ʼe ʼau fia fakamahino atu peʼe koteā te Puleʼaga ʼaia, pea koteā ʼaē ka ina fai maʼa koe pea mo tou famili.” ʼOsi ʼaia pea koutou avahi te kaupepa Fakamaʼua ʼi te ako 6. Koutou kamata ʼaki te ʼuluaki palakalafe, koutou lau pea mo koutou fai palalau kiai ʼo mulimuli ki te temi ʼaē ʼe fealagia ai. ʼI te fakaʼosi, koutou fai he ʼu fakatuʼutuʼu ke koutou toe liliu ki ai ʼi he tahi ʼaho moʼo fakaʼosi te ako.

15 min: Ko he akonaki ʼe ʼaoga ki te kokelekasio.

20 min: Ko Te Kofesio ʼAē ʼe Ina Taki Ki Te Mālōlō. Ko he akonaki ʼe fai e he tagata ʼāfea ʼo fakatafito ki Te Tule Leʼo ʼo te ʼaho 1 ʼo Sūnio 2001, pasina 28-31.

Katiko 163 pea mo te faikole fakaʼosi.

Vāhaʼa ʼo te ʼaho 3 ʼo Fepualio

Katiko 9

15 min: Te ʼu logo. Te Tali Ki ʼAkotou ʼu Fehuʼi. Fakaloto mālohiʼi te kau fai faka mafola fuli ke nātou fakaʼaogaʼi te kiʼi pepa Veuillez suivre lʼintérêt (S-43) mokā nātou felāveʼi mo te hahaʼi ʼa he tahi lea, ohage ko tona fakamahino ʼi te tohi ki te ʼu kokelekasio fuli, ʼaē neʼe tā ʼi te ʼaho 15 ʼo ʼOketopeli 1998. ʼI te agamāhani, ko te kiʼi pepa ʼaia ʼe tonu ke fakaʼaogaʼi ki te taʼi ʼaluʼaga ʼaia, tatau aipe peʼe mole ina tali te logo ʼo te Puleʼaga.

12 min: Koutou Faʼifaʼitakiʼi Tanatou Tui. Koutou fakafehuʼi he tagata ʼāfea kua lauʼi taʼu tana tauhi kia Sehova ʼaki he agavaivai pea mo he agatonu. (Hep. 13:7) Neʼe ina maʼu feafeaʼi te moʼoni? Neʼe koteā te ʼu fihifihia ʼaē neʼe tonu ke ina kātakiʼi ʼuhi ko te moʼoni? Koteā te ʼu fakatuʼutuʼu fakalaumālie peʼe ko te ʼu fakaloto mālohi ʼaē neʼe tokoni kia ia ke haga tuputupu? Koteā ʼaē neʼe ina fai ke liliu ko he tagata ʼāfea ʼi te kokelekasio? (1 Tim. 3:1) Koteā ʼaē neʼe tokoni kia ia ke ina fakafuafua lelei tana ʼu gāue ʼi te kokelekasio, pea mo tana ʼu maʼua fakamālama pea mo tona famili? (1 Tim. 5:8) ʼE malave feafeaʼi kia ia te pilivilesio ʼaē ko te tokoni ki te kokelekasio?

18 min: “Ko He Gāue ʼe Fakamaʼua Kiai Te Agavaivai.”c Mokā koutou palalau anai ki te palakalafe 3, koutou kole age ki te kokelekasio ke nātou fakahā atu he ʼu faʼahiga palalau ʼe feala ke tou fai, mo kapau ko he tahi ʼi te telituale ʼe ina vāʼi tatou, peʼe ina fai mai he ʼu palalau fefeka, peʼe fakafifihi, peʼe ʼita. ʼI takotou fai palalau ki te palakalafe 4, koutou hilifaki kiai mo he ʼu manatu ʼo te ʼuluaki tohi Étude perspicace, pasina 1158, palakalafe 3.

Katiko 6 pea mo te faikole fakaʼosi.

[Kiʼi nota]