Fakamanatu ʼo Te Ako ʼo Te Minisitelio Faka Teokalatike
Ko te ʼu fehuʼi ʼaenī, ʼe vakaʼi anai ʼi te fai palalau ʼo te fakamanatu ʼo te Ako ʼo Te Minisitelio Faka Teokalatike lolotoga te vāhaʼa ʼaē ʼe kamata ʼi te ʼaho 28 ʼo ʼApelili 2003. Ko te tagata taupau ʼo te ako ʼe ina fai anai te fakamanatu ia minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 3 ʼo Malesio ʼo aʼu ki te ʼaho 28 ʼo ʼApelili 2003. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe koutou fai anai e koutou totonu hakotou ʼu kumi moʼo maʼu te ʼu tali.—Vakaʼi te tohi École du ministère pp. 36-7.]
HE KALITATE KI TE FAIAKONAKI
1. Koteā ʼaē ʼe feala ke tuta ai tatatou ʼu palalau? [be p. 93]
2. Moʼoni Peʼe Hala: ʼE mole tonu ke kita fai he kiʼi tuʼu, heʼe faigataʼa anai te mulimuli ʼa te hahaʼi ki te faiakonaki, pea mole nātou toe fakalogo anai. Koutou fakamahino.
3. He koʼe ʼe maʼuhiga kia ia ʼaē ʼe faiakonaki peʼe ko ia ʼaē ʼe lautohi ki te kaugamālie, ke ina faka maʼuhigaʼi lelei te ʼu kupu? (Neh. 8:8) [be p. 101]
4. E feafeaʼi hatatou gāueʼi lelei te faka maʼuhigaʼi ʼo te ʼu kupu? [be pp. 102-3]
5. Koteā te ʼu manatu tāfito ʼaē ʼe tonu ke faka maʼuhigaʼi mokā kita lau leʼolahi he tohi ʼi he ako Tohi-Tapu, peʼe ʼi he fono ʼa te kokelekasio? [be p. 105]
AKONAKI N° 1
6. Koteā ʼaē ʼe lava fai e te ʼu mātuʼa moʼo akoʼi te fānau “ke nātou fakalogo pea ke nātou ako” ʼi te ʼu fono? (Teu. 31:12) [be p. 16]
7. Koteā te palatiso fakalaumālie? [w01 1/3 pp. 8-10]
8. ʼE fakahā feafeaʼi mai ia Tāʼaga Lea 8:1-3 ʼe feala ke tou maʼu fuli te poto ʼaē ʼe foaki mai e te ʼAtua, pea ohage ko tona ʼui ia Kolose 2:3, ʼe tou lava maʼu ʼifea? [w01 15/3 pp. 25, 28]
9. ʼE lava feafeaʼi hatatou fakaʼilo te huafa ʼo te ʼAtua? (Soane 17:6) [be pp. 273-5]
10. Koteā te ʼu faʼahi ʼaē ʼe maʼuhiga ke ʼiloʼi e te hahaʼi ʼo ʼuhiga mo te “logo lelei ʼo te puleʼaga”? (Mat. 24:14) [be pp. 279-80]
LAU ʼO TE TOHI-TAPU
11. (a) ʼI te ʼuluaki sēkulō, neʼe koteā “te meʼa fakalialia” ʼaē neʼe talanoa kiai ia Maleko 13:14? (b) ʼE faka ʼuhiga kiteā tana “tuʼu ʼi te potu ʼaē ʼe mole tonu ke tuʼu ʼi ai”?
12. ʼAki ia te Evaselio ʼa Luka, ʼe tou ʼiloʼi feafeaʼi ai ko Sesu ʼe kau ki te hōloga ʼaē neʼe tofiʼa ki te tuʼulaga hau ʼo Tavite? (Luka 3:23-38) [w92 1/10 p. 9 pal. 3]
13. Neʼe koteā te faka ʼuhiga ʼa te ʼu palalau ʼa Sesu ia Luka 12:2?
14. ʼI te lea fakatātā ʼa Sesu ʼo ʼuhiga mo te talame, he koʼe ʼe ko he meʼa fakaofoofo te aga ʼa te ʼu ʼaselo? (Luka 15:10) ʼE tou lava mulimuli feafeaʼi ki tanatou faʼifaʼitaki?
15. Koteā te ʼu fuakava e lua ʼaē ʼe talanoa kiai ia Luka 22:29?