Te ʼu Tonu

◼ Tufa ʼo ʼApelili Pea Mo Maio: Te Tule Leʼo pea mo te Réveillez-vous ! Ka koutou ʼaʼahi te hahaʼi ʼaē neʼe fia logo, koutou ʼaʼahi mo te hahaʼi ʼaē neʼe ʼōmai ki te ʼAho Fakamanatu peʼe ko te tahi ʼu fakatahi, kae ʼe mole fakatahi tuʼumaʼu mo te kokelekasio, pea mo koutou fakatuʼutuʼu ke koutou tuku age te tohi foʼou Adorez le seul vrai Dieu. ʼE tonu ke tou faiga lahi ke tou kamata he ako Tohi-Tapu, tāfito la mo kapau ko ʼihi neʼe kua nātou ako te tohi Te ʼAtamai Mālama pea mo te kaupepa Fakamaʼua. Sūnio: Te ʼAtamai Mālama peʼe ko te kaupepa Fakamaʼua. Kapau kua ʼosi maʼu e te hahaʼi te ʼu tohi ʼaia, pea koutou fakaʼaogaʼi he kaupepa ʼe nātou leleiʼia anai pea ʼe kei maʼu ʼi te kokelekasio. Sūlio Pea Mo ʼAukusito: Ko he kaupepa e pasina 32: ʼE Koutou Lava Kaumeʼa Mo Te ʼAtua!, ʼE Tokaga Moʼoni Koa Te ʼAtua Kia Tatou?, Koteā ʼAē ʼe Hoko Kia Tatou Mokā Tou Mamate?, Kote puleaga ae ka ina fakatuu anai te Palatiso, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa?

◼ ʼE tonu ke taupau e te filiale te ʼu tuʼasila pea mo te ʼu numelo telefoni ʼa te kau tagata taupau pelesita fuli pea mo te ʼu sikalaipe. Kapau ʼe hoko he fetogi, pea ko te Komite Ki Te Gāue ʼa Te Kokelekasio ʼe tonu ke ina foimo tohi te pepa (S-29) Fetogi Tuʼasila ʼo Te Taupau Pelesita/Sikalaipe, ʼo sinie pea mo momoli ki te filiale.

◼ ʼE tonu ke taupau e te ʼu sikalaipe ʼo te ʼu kokelekasio he ʼu pepa feʼauga ki te Fakaʼui ki te Selevisi Pionie Katoa (S-205) pea mo te Fakaʼui ki te Selevisi Pionie Vaeluaʼi Temi (S-205b). ʼE feala ke fakaʼui te ʼu pepa ʼaia ʼi te Pepa Fakaʼui Tohi (S-14). ʼE tonu ke maʼu he ʼu pepa ʼe feʼauga ki te taʼu. Toe vakaʼi pe neʼe tohi lelei te ʼu pepa fuli ʼo te fakaʼui pionie katoa. Kapau ʼe mole kei manatuʼi e ʼihi te ʼaho totonu ʼo tonatou papitema, pea ʼe feala ke nātou fakafuafua pe neʼe ko te taʼu fea, pea mo tohi ke nātou manatuʼi.

◼ Kapau ʼe koutou ʼolo ki he tahi fenua, pea mo koutou ʼolo ki te ʼu fono, peʼe ki te ʼu fakatahi faka silikosikilipisio pea mo faka tisitilike, koutou fakalavelave ki te filiale ʼo te fenua ʼaia, te ʼu ʼaho, mo te ʼu hola pea mo te ʼu koga meʼa ʼaē ʼe fai ai. ʼE koutou maʼu anai ʼi te pasina fakaʼosi ʼo te Annuaire fakamuli, te ʼu tuʼasila ʼo te ʼu filiale.