Polokalama ʼo Te Fono Gāue

Vāhaʼa ʼo te ʼaho 14 ʼo ʼApelili

Katiko 20

15 min: Te ʼu logo ʼo te kokelekasio. Te ʼu Tonu. ʼAki te ʼu manatu ʼi te pasina 6, fai he ʼu faʼifaʼitaki e lua ʼo te tufa ʼo Te Tule Leʼo ʼo te ʼaho 1 ʼo ʼApelili pea mo te Réveillez-vous ! ʼo te ʼaho 8 ʼo ʼApelili. ʼI te ʼu faʼifaʼitaki takitahi ʼaia, ʼe tonu ke tufa te ʼu nusipepa taki lua, logola ko te nusipepa pe e tahi ʼaē ʼe tou fakahā.

10 min: Te Tali Ki ʼAkotou ʼu Fehuʼi. Ko he akonaki ʼe fai e he tagata ʼāfea.

20 min: “Koutou Mū Ohage Ko He ʼu Mālama.”a Fakaʼosi ʼaki te fai palalau ia minuta e nima ki Te Tule Leʼo ʼo te ʼaho 1 ʼo Sūnio 1997, ʼi te pasina 14 ki te 15, ʼi te palakalafe 8 ki te 13. Fakahā lelei ʼe mole he meʼa ʼe fufū ʼi te logo lelei ʼo te Puleʼaga ʼaē ʼe tou faka mafola.

Katiko 200 pea mo te faikole fakaʼosi.

Vāhaʼa ʼo te ʼaho 21 ʼo ʼApelili

Katiko 25

10 min: Te ʼu logo ʼo te kokelekasio. Lau ʼo te falā.

15 min: Ko he akonaki ʼe ʼaoga ki te kokelekasio.

20 min: “ ‘Koutou Tali Te Fealagia ʼAia.’ ”b Fakafehuʼi he toko tahi peʼe ko he toko lua ʼe nā fakaʼaogaʼi lelei tonā temi selipatea moʼo fakahaʼele ki muʼa te ʼu gāue ʼo te Puleʼaga. Kole age ke nā fakahā atu pe koteā ʼaē neʼe tokoni kia nāua ke nā faka feʼauga mo te meʼa ʼe nā maʼu ʼi tanā selevisi.

Katiko 35 pea mo te faikole fakaʼosi.

Vāhaʼa ʼo te ʼaho 28 ʼo ʼApelili

Katiko 51

10 min: Te ʼu logo ʼo te kokelekasio. Fakamanatuʼi ki te kau fai faka mafola ke nātou ʼaumai tanatou kiʼi pepa tānaki gāue ʼo ʼApelili. ʼAki te ʼu manatu ʼi te pasina 6, fai he ʼu faʼifaʼitaki e lua ʼo te tufa ʼo Te Tule Leʼo ʼo te ʼaho 15 ʼo ʼApelili pea mo te Réveillez-vous ! ʼo te ʼaho 22 ʼo ʼApelili.

15 min: “Te Fakatahi Faka Tisitilike ʼa Te Kau Fakamoʼoni ʼa Sehova 2003 ‘Koutou Faka Kolōlia Ki Te ʼAtua.’ ”c ʼE fai anai e te sikalaipe ʼo te kokelekasio. Fakahā lelei te gāue ʼa te sikalaipe ʼi tona ʼuhiga tagata faka felogoi ʼo te fakatahi. Vikiʼi te kokelekasio ʼi tanatou haga fai fakatomuʼa tanatou ʼu fakatuʼutuʼu ki te fakatahi.

20 min: “Ko He ʼu ʼAʼahi ʼe Liliu Ko He ʼu Ako Tohi-Tapu.”d ʼE fai e he tagata ʼāfea, ʼo ina fakaʼaogaʼi te ʼu fehuʼi ʼaē ʼe tuʼu ai. Fakaafe te kokelekasio ke nātou fakamatala fakanounou he ʼu meʼa neʼe hoko ʼi te minisitelio moʼo lagolago ki te ʼu puani ʼaē ʼe talanoa kiai. ʼI te palakalafe 5, faʼifaʼitaki pe neʼe feafeaʼi te kamata ʼo he ako Tohi-Tapu ʼi totatou telituale.

Katiko 89 pea mo te faikole fakaʼosi.

Vāhaʼa ʼo te ʼaho 5 ʼo Maio

Katiko 120

10 min: Te ʼu logo ʼo te kokelekasio.

20 min: Ke ʼaoga kia tatou te Annuaire 2003. Ko he akonaki pea mo he fai palalau. Fai palalau ki te ʼu puani maʼuhiga ʼo “Te Tohi Mai Te Kolesi Pule,” ʼi te pasina 3 ki te 5, peʼe ʼi te pepa ʼaē neʼe tufa tahi mo te Minisitelio ʼo Fepualio 2003. Fakatuʼutuʼu fakatomuʼa ke fakamatala e he ʼu kaugā fagona he ʼu hisitolia neʼe tupu ai he lotomālohi ʼaupito ʼo tanatou tui. Fakahā te ʼu puani maʼuhiga ʼo te tānaki gāue faka malamanei. Fakaloto mālohi te ʼu famili ke nātou lau katoa te tohi lolotoga te taʼu. Fai he ʼu tokoni moʼo fakahā peʼe tou lava fakaʼaogaʼi feafeaʼi te tohi ʼaia moʼo takitaki te hahaʼi foʼou ki te kautahi ʼa Sehova pea mo fakaloto mālohi nātou ke nātou kau ki te ʼu fono.

15 min: Ko He Tānaki Gāue Lelei—ʼE Fakatupu Fiafia. (Taag. 15:30) Ko he fai palalau mo te kokelekasio moʼo fakahā ko te ʼu gāue ʼaē neʼe fai e te kokelekasio ʼe ko te ʼu fua ʼaia ʼo te ʼu faiga lahi ʼaē neʼe fai ʼi te ʼu māhina ʼo Malesio pea mo ʼApelili. Fakaafe te kokelekasio ke nātou fakamatala he ʼu meʼa fakaloto mālohi neʼe hoko ʼi te ʼu ʼaluʼaga ʼaenī: (1) ʼi te tokoni ki he tahi neʼe fia logo ki te moʼoni ke kau ki te ʼAho Fakamanatu, (2) ʼi te selevisi pionie vaelua temi, (3) ʼi te fakaloto mālohi neʼe fai ki he kaugā fagona neʼe mole kei fai faka mafola ke toe kau ki te kokelekasio, (4) ʼi te tokoni ki he tahi ʼe foʼou ke liliu ko he kaugā fagona, pea (5) ʼi te ʼaʼahi ʼo nātou ʼaē neʼe kau ki te ʼAho Fakamanatu. Fakatuʼutuʼu fakatomuʼa te ʼu fakamatala ʼaē ka fai. Fakavikiviki pea mo fakaloto mālohi te kokelekasio katoa ke hoko atu tanatou ʼu faiga ʼaia ʼi te ka haʼu.

Katiko 151 pea mo te faikole fakaʼosi.

[Kiʼi nota]