Te ʼu Tonu

◼ Te tufa ʼo ʼAukusito: Ko he kaupepa e pasina 32: ʼE Tokaga Moʼoni Koa Te ʼAtua Kia Tatou?, Koteā ʼAē ʼe Hoko Kia Tatou Mokā Tou Mamate?, Kote puleaga ae ka ina fakatuu anai te Palatiso, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate​—ʼE feala koa hanatou tokoniʼi koutou peʼe nātou fakahalaʼi koutou? ʼE Nātou Maʼuʼuli Moʼoni Koa? Sepetepeli: Te tagata ʼaē ʼe lahi tokotahi ʼo te ʼu temi fuli. ʼE feala ke koutou tufa mo Te Tohi ʼo Te ʼu Hisitolia Faka Tohi-Tapu. ʼOketopeli: Te Tule Leʼo pea mo te Réveillez-vous ! ʼE feala ke foaki te kaupepa Fakamaʼua ki he tahi ʼe fia logo, pea mo tou faiga tāfito ke tou kamata he ʼu ako Tohi-Tapu. Novepeli: Te ʼAtamai Mālama peʼe ko te kaupepa Fakamaʼua. Kapau kua ina ʼosi maʼu te ʼu tohi ʼaia, ʼe feala ke koutou tuku age te tohi Adorez Dieu peʼe ko he tohi ʼāfea.

◼ Ko te taupau pelesita peʼe ko he tahi neʼe ina hinoʼi, ʼe tonu anai ke ina vakaʼi te falā ʼo te kokelekasio ʼi te ʼaho 1 ʼo Sepetepeli peʼe ʼi te hili pe ʼo te ʼaho ʼaia. Ka ʼosi fai te faʼahi ʼaia, pea ʼe tala anai ki te kokelekasio te falā ʼo te māhina.

◼ Ko te fakaʼau katoa ʼo te ʼu tohi pea mo te ʼu nusipepa ʼaē ʼe fai ʼi te taʼu fuli, ʼe tonu ke fai ʼi muʼa ʼo te ʼaho 31 ʼo ʼAukusito 2003. ʼE tatau te fakaʼau ʼaia ʼo te ʼu tohi pea mo te lau ʼo te falā e te tēhina ʼaē ʼe ina vakavakaʼi te ʼu tohi ʼi te māhina fuli, pea ʼe tonu anai ke tohi ki te pepa Stock des publications (S-18). ʼE feala ke fehuʼi ki te ʼu tēhina ʼo te ʼu kokelekasio ʼaē ʼe nātou tokakaga ki te ʼu nusipepa, pe ko te ʼu nusipepa e fia ʼaē kei toe. ʼE foaki anai ki te kokelekasio takitahi te ʼu pepa (S-18) e tolu ʼo te Stock des publications. ʼE kole atu ke koutou momoli mai te pepa ʼaia ki te Sosiete ʼi muʼa ʼo te ʼaho 6 ʼo Sepetepeli. Koutou taupau te lua pepa ʼaia ʼi takotou ʼu tosie. Ko te tolu pepa ʼe feala anai ke fakaʼaogaʼi ko he pepa gāue. Ko te sikalaipe ʼo te kokelekasio ʼe tonu ke ina vakaʼi fakalelei te ʼu tohi. Ko te sikalaipe pea mo te tagata taupau pelesita ʼo te kokelekasio, ʼe nā sinie anai te pepa.

◼ ʼE tonu ke fakaʼui e te ʼu kokelekasio te ʼu kaletalio ʼa te kau Fakamoʼoni ʼa Sehova ʼo te taʼu 2004, Tou Vakaʼi Te Tohi-Tapu ʼi Te ʼAho Fuli​—2004, pea mo te Annuaire des Témoins de Jéhovah 2004 fakatahi mo te ʼu fakaʼui tohi ka hoa mai. Ko he lisi ʼo te ʼu lea ʼaē kua maʼu ai te ʼu tohi ʼaia ʼe tuʼu anai ʼi “Te Logo Ki Te ʼu Kokelekasio Fuli,” ʼaē ka momoli anai ki te ʼu kokelekasio fuli ʼi te māhina fuli.