Fakamanatu ʼo Te Ako ʼo Te Minisitelio Faka Teokalatike
Ko te ʼu fehuʼi ʼaenī, ʼe vakaʼi anai ʼi te fai palalau ʼo te fakamanatu ʼo te Ako ʼo Te Minisitelio Faka Teokalatike lolotoga te vāhaʼa ʼaē ʼe kamata ʼi te ʼaho 25 ʼo ʼAukusito 2003. Ko te tagata taupau ʼo te ako ʼe ina fai anai te fakamanatu ia minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 7 ʼo Sūlio ʼo aʼu ki te ʼaho 25 ʼo ʼAukusito 2003. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe koutou fai anai e koutou totonu hakotou ʼu kumi moʼo maʼu te ʼu tali.—Vakaʼi te tohi École du Ministère pp. 36-7.]
HE KALITATE KI TE FAIAKONAKI
1. Koteā ʼaē ʼe lelei ai ke kita sioʼi ia ia ʼe kita palalau ki ai ʼi te fai faka mafola? [be p. 125 pal. 1-2; talanoa ʼi te p. 125]
2. Kapau ʼe koutou mataku ʼi muʼa ʼo takotou fai faka mafola, koteā ʼaē ʼe lava tokoni atu kia koutou? [be p. 128 pal. 4-5]
3. Koteā anai ʼaē ka tokoni atu kia koutou ʼi te laupapa faiakonaki, ke koutou palalau ʼi takotou faʼahiga palalau māhani? [be p. 129 pal. 2; talanoa ʼi te p. 129]
4. Ko te ʼu pelesepeto ʼaē ʼe tou maʼu ia Levitike 16:4, 24, 26, 28; Soane 13:10; pea mo Apokalipesi 19:8, ʼe tonu ke ina uga tatou ke tou tokaga feafeaʼi ki totatou sino, pea he koʼe koa ʼe maʼuhiga te faʼahi ʼaia? [be p. 131 pal. 3; talanoa ʼi te p. 131]
5. Koutou fakamatalatala peʼe feafeaʼi he tahi ʼe agavaivai pea mo “fakapotopoto.” (1 Tim. 2:9, 10, MN ) [be p. 132 pal. 1]
AKONAKI N° 1
6. Logope ʼe tonu ke fekātakiʼaki te kau Kilisitiano, koteā ʼaē ʼe mole tonu ke nātou tali ʼi te lotolotoiga ʼo nātou? (Kol. 3:13) [w01 15/7 p. 22 pal. 7-8]
7. Moʼoni Peʼe Hala: Ko he mataʼi numelo ordinal ʼe ko he mataʼi numelo ʼe katoa. Koutou fakamahino. [si p. 282 pal. 24-5]
8. Koteā te manatu maʼuhiga ʼaupito ʼe tonu ke tou maʼu mokā tou lau ia te Folafola ʼa te ʼAtua, pea he koʼe koa ʼe maʼuhiga? [be p. 24 pal. 1]
9. E feafeaʼi ki he tahi ʼe poto hana ‘taupau fakalelei ia te ʼatamai mālama”? (Taag. 10:14) [w01 15/7 p. 27 pal. 4-5]
10. He koʼe koa ʼe maʼuhiga te ʼu agamāhani lelei ʼa Sopo? (Sopo 1:1, 8; 2:3) [w01 1/8 p. 20 pal. 4]
LAU ʼO TE TOHI-TAPU
11. Koteā ʼaē neʼe feala ai ke “loto tahi” fuli te kolesi pule, ʼe mole maʼua ke silikosisioʼi te kau Senitile ke hāofaki ia nātou? (Gaue 15:25)
12. He koʼe neʼe fakatotonu e te kolesi pule kia Paulo ke ina muliʼi ʼihi fakamaʼua mai te Lao ʼa Moisese, kae neʼe kua molehi te Lao e Sehova? (Gaue 21:20-26) [it-2 p. 701 pal. 4; it-2 p. 1166 pal. 2-5]
13. Koteā te ʼu tukugakovi hala ʼaē neʼe fai ki te ʼapositolo ko Paulo, ʼe ina fakamanatuʼi mai te ʼu meʼa neʼe fai ki te kau Fakamoʼoni ʼa Sehova ʼi te ʼu temi ʼaenī? (Gaue 24:5, 6) [w01 15/12 p. 22 pal. 7–p. 23 pal. 2]
14. Neʼe koteā te faʼifaʼitaki ʼaē neʼe tuku mai e Paulo ʼi tona ʼuhiga tagata fai faka mafola ʼo te Puleʼaga, logola neʼe pilisoniʼi ia taʼu e lua? (Gaue 28:30, 31)
15. ʼE faka ʼuhiga feafeaʼi te ʼui ʼaē ko “te ʼu pule māʼoluga” ʼe ko “te fakatuʼutuʼu ʼo te ʼAtua,” pea ʼe tonu ke tali feafeaʼi e te kau Kilisitiano? (Loma. 13:1, 2, MN ) [w00 1/8 p. 4 pal. 5]