Polokalama ʼo Te Fono Gāue

Vāhaʼa ʼo te ʼaho 10 ʼo Novepeli

Katiko 212

10 min: Te ʼu logo pea mo Te ʼu Tonu. ʼAki te ʼu palalau ʼaē ʼe tuʼu ʼi te pasina 4, koutou fai he ʼu faʼifaʼitaki e lua moʼo tufa Te Tule Leʼo ʼo te ʼaho 15 ʼo Novepeli pea mo te Réveillez-vous ! ʼo te ʼaho 22 ʼo Novepeli. ʼI te ʼu faʼifaʼitaki ʼaia, ʼe tonu ke tufa lualua te ʼu nusipepa, tatau aipe peʼe ko he nusipepa pe e tahi ʼaē ʼe koutou fakahā. ʼI te tahi faʼifaʼitaki, koutou fakamahino peʼe fakaʼaluʼalu feafeaʼi te falā ʼaē ʼe fakaʼaogaʼi ki tatatou gāue ʼi te malamanei katoa.​—Vakaʼi Te Tule Leʼo ʼi te pasina 2, peʼe ko te Réveillez-vous ! ʼi te pasina 5.

15 min: “ Koutou Nofo Teuteu. ”a Fakaafe te kokelekasio ke nātou fakamatala peʼe koteā ʼaē ʼe tokoni kia nātou ke mole kaihaʼa tonatou temi e te ʼu tuʼania mo te ʼu fakafiafia ʼo te mālama ʼaenī, kae ke nātou fakaʼaogaʼi lelei tāfito ki te ʼu meʼa fakalaumālie.

20 min: ʼE Koutou Filifili Feafeaʼi Takotou ʼu Fakakaugā? Ko he fai palalau mo te kokelekasio ʼaki te tohi Adorez Dieu, ʼi te pasina 47-48. Fakaʼaogaʼi te ʼu fehuʼi pea mo te ʼu vaega ʼo te palakalafe 13, ʼo fakaafe te kokelekasio ke nātou fakamatala te ʼu pelesepeto ʼa te Tohi-Tapu ʼaē ʼe tonu ke ina takitaki tatatou filifili te ʼu fakakaugā.

Katiko 18 pea mo te faikole fakaʼosi.

Vāhaʼa ʼo te ʼaho 17 ʼo Novepeli

Katiko 48

12 min: Te ʼu logo. Fakafehuʼi he ʼu kaugā fai faka mafola e lua peʼe tolu ke nātou fakamatala he ʼu ʼaluʼaga lelei neʼe hoko kia nātou ʼi tanatou tufa te ʼu tohi ʼo te māhina ʼaenī. Ko ʼihi neʼe lagi nātou kamata he ʼu ako Tohi-Tapu.

15 min: Koutou Loto Fia Foaki. Ko he akonaki ʼe fai e he tagata ʼāfea ʼo fakatafito ki Te Tule Leʼo ʼo te ʼaho 1 ʼo Novepeli 2003, pasina 27-30.

18 min: “Te ʼu Fakavikiviki ʼe Fakaloto Fiafia.” b Koutou fakaʼaogaʼi te ʼu manatu ʼo te tohi Te Manuʼia Faka Famili, ʼi te pasina 49, palakalafe 21. Koutou kole ki he ʼu tēhina mo tuagaʼane ke nātou fakamatala fakanounou he ʼu palalau fakavikiviki neʼe fai age e ʼihi, ʼo tupu ai honatou loto mālohi.

Katiko 44 pea mo te faikole fakaʼosi.

Vāhaʼa ʼo te ʼaho 24 ʼo Novepeli

Katiko 213

12 min: Te ʼu logo. Lau ʼo te falā. Fai he ʼu faʼifaʼitaki e lua ʼo fakaʼaogaʼi te ʼu manatu ʼaē ʼe tuʼu ʼi te pasina 4, moʼo fakahā Te Tule Leʼo ʼo te ʼaho 1 ʼo Tesepeli, pea mo te Réveillez-vous ! ʼo te ʼaho 8 ʼo Tesepeli. ʼE feala ke fakaʼaogaʼi he tahi vaega ʼi te ʼu vaega ʼaē ʼe tuʼu ʼi te pasina 4. ʼI te ʼu faʼifaʼitaki takitahi ʼaia, ʼe tonu anai ke tufa lualua te ʼu nusipepa, tatau aipe peʼe ko te nusipepa pe e tahi ʼaē ʼe fakahā. ʼI te tahi faʼifaʼitaki, ʼe ko he tahi ʼe ina tufa te ʼu nusipepa ʼi te fagonogono faigamālie, ʼi te kā peʼe ʼi he ʼaluʼaga ʼe hoko māhani ʼi tokotou fenua.

10 min: Te Tali Ki ʼAkotou ʼu Fehuʼi. Ko he akonaki ʼe fai e he tagata ʼāfea.

23 min: “Tou Taupau He ʼu Felogoi Lelei Mo Sehova.” c Fai te ʼu fehuʼi ʼaē ʼe tuʼu ai. Kole age ki te kokelekasio ke nātou fakahā mai te faʼahiga fakaʼaogaʼi ʼo te ʼu vaega. Kole fakatomuʼa ki he tokotahi peʼe ko he toko lua ke nā fakamatala peʼe koteā ʼaē neʼe tokoni kia nāua ke nā hikihiki tanā ako takitokotahi ʼo te Tohi-Tapu.

Katiko 13 pea mo te faikole fakaʼosi.

Vāhaʼa ʼo te ʼaho 1 ʼo Tesepeli

Katiko 138

10 min: Te ʼu logo. Fakamanatuʼi ki te kau fai faka mafola ke nātou ʼaumai tanatou ʼu kiʼi pepa tānaki gāue ʼo Novepeli. Fakamanatuʼi te tufa ʼo Tesepeli. Vakaʼi fakanounou he manatu e tahi peʼe lua ʼo tona faʼahiga tufa. Fakamahino peʼe lava fakaʼaogaʼi feafeaʼi e te kau fai faka mafola te Index des publications de la Société Watch Tower ke nātou maʼu he tahi ʼu faʼifaʼitaki.​—Vakaʼi Te Minisitelio ʼo Te Puleʼaga ʼo Sepetepeli 2001, pasina 2.

15 min: Ko he akonaki ʼe ʼaoga ki te kokelekasio.

20 min: Tou Popoto ʼi Te Akoʼi ʼo Te Hahaʼi. Ko he fai palalau mo te kokelekasio ʼe fakatafito ki Te Tule Leʼo ʼo te ʼaho 1 ʼo Sūnio 2000, pasina 16-17, palakalafe 9-13. ʼE ko he koga maʼuhiga hakita poto ʼi te faiako ʼi te minisitelio. Ke fua lelei tatatou tokoni ki te hahaʼi ʼaē ʼe hage ko ni ʼu ōvi, ʼe tonu ke tou tokakaga ki tatatou faʼahiga fakahā ia te logo ʼo te Puleʼaga, ke feala hanatou ʼiloʼi pea mo uga ai nātou. Koutou fai palalau ʼo mulimuli ki te ʼu fehuʼi ʼaenī: (1) Koteā te kehekehe ʼo te fai faka mafola pea mo te faiako? (it-2 p. 632 pal. 4) (2) He koʼe ko ʼihi ʼe faigataʼa hanatou fia fai he ako Tohi-Tapu? (3) E feafeaʼi hatatou hikihiki tatatou poto faiako? (4) E feafeaʼi hatatou ʼiloʼi papau ko ia ʼaē ʼe ako mo tatou ʼe mahino ki te ʼu meʼa ʼaē ʼe ina ako? (5) Koteā te fakatuʼutuʼu ʼaē ʼe tonu ke tou ʼahiʼahi moʼo tokoni ki tatatou ako ke ina fai te faʼahi ʼaia?

Katiko 70 pea mo te faikole fakaʼosi.

[Kiʼi nota]