Polokalama ʼo Te Fono Gāue

Vāhaʼa ʼo te ʼaho 8 ʼo Malesio

Katiko 37

10 min: Te ʼu logo. Te ʼu Tonu. Fakamanatuʼi ki te kokelekasio ke nātou ʼaumai te kaupepa foʼou ‘ Voyez le bon pays,’ ki te Fono Gāue ʼo te vāhaʼa ka haʼu. ʼAki te ʼu manatu ʼaē ʼe tuʼu ʼi te pasina 4, koutou fai he ʼu faʼifaʼitaki moʼo tufa Te Tule Leʼo ʼo te ʼaho 15 ʼo Malesio pea mo te Réveillez-vous! ʼo te ʼaho 22 ʼo Malesio.

15 min: Koutou fakaʼaogaʼi te ʼu kiʼi pepa lotu moʼo kamata ʼaki he ʼu fai palalau. Ko he palalau mo te nofoʼaki. ʼI te agamāhani, ʼe faigataʼa te kamata ʼa he fai palalau ʼi te fai fagonogono. ʼE lava fakaʼaogaʼi te ʼu kiʼi pepa lotu moʼo kamata ʼaki te fai palalau ʼi te ʼu ʼapi, ʼi te ʼu telituale ʼo te ʼu matani gāue, pea mo te ʼu koga meʼa ʼaē ʼe kaugamālie ai te hahaʼi. Koutou vakaʼi fakanounou he ʼu kiʼi pepa lotu e lua peʼe tolu ʼe fia lau anai e te hahaʼi ʼo tokotou telituale. Koteā te ʼu ʼuluaki palalau ʼaē ʼe feala ke tou fai moʼo fakahā te ʼu kiʼi pepa lotu ʼaia? ʼE tou lava fakaʼaogaʼi feafeaʼi te ʼu paki? Koteā te ʼu fehuʼi fakapotopoto ʼaē ʼe feala ke tou lagaʼi? Koutou vakaʼi he palakalafe ʼi te ʼu kiʼi pepa lotu ʼaia, ʼe feala hakotou vakaʼi mo kapau ʼe fia fai palalau ia ia ʼaē ʼe koutou fai faka mafola ki ai. Koutou fai he faʼifaʼitaki ʼe fakaʼaogaʼi ai he kiʼi pepa lotu moʼo kamata he fai palalau. ʼE talanoa fakanounou ia te kaugā fai faka mafola ki he palakalafe e tahi ʼi te kiʼi pepa lotu, pea ʼi te fakaʼosi ʼe ina ʼavage te tohi Te ʼAtamai Mālama.

20 min: “Koutou ʼOʼofa Kia Sehova, Ia Koutou Fuli Tana Kau Agatonu.”a ʼI te palakalafe 3, koutou fakafehuʼi te nofoʼaki peʼe koteā ʼaē neʼe nātou fai moʼo fakaafe te hahaʼi ki te ʼAho Fakamanatu.

Katiko 131 pea mo te faikole fakaʼosi.

Vāhaʼa ʼo te ʼaho 15 ʼo Malesio

Katiko 121.

10 min: Te ʼu Logo. Koutou fakaloto mālohiʼi te kokelekasio ke nātou sioʼi te foʼi fime viteo Fidèles dans les épreuves​—⁠Les Témoins de Jéhovah en Union Soviétique, moʼo teuteuʼi te fai palalau ʼaē ka fai ʼi te Fono Gāue ʼo te ʼaho 22 ʼo Malesio. Vakaʼi te ʼu fakamanatu ʼo ʼuhiga mo “Te ʼu Tokoni ʼo ʼUhiga Mo Te ʼAho Fakamanatu.” Koutou fakahā peʼe ko te ʼaho fea ʼaē ka fai ai te fono ʼo te Ako ʼo Te Tule Leʼo.

15 min: He Gāue Makehe Lolotoga Te Māhina ʼo Te ʼAho Fakamanatu. Ko he fai palalau mo te nofoʼaki, ʼe takitaki anai e te tagata taupau ki te gāue. Koutou talanoa ki te ʼu fakatuʼutuʼu makehe ʼaē neʼe fai. Koutou fakamatala he ʼu faʼifaʼitaki fakaloto mālohi. Koutou fakaloto mālohiʼi ia nātou ʼe fealagia, ke nātou pionie vaeluaʼi temi lolotoga te māhina ʼo ʼApelili pea mo Maio. Koutou vakaʼi fakanounou he ʼu puani ʼo te pepa ʼaē ʼe ʼalutahi mo Te Minisitelio ʼo Fepualio.

20 min: Koutou Fakaʼaogaʼi Lelei te Kaupepa ‘ Voyez le bon pays.’ Ko te kaupepa ʼaia ʼe ʼaoga ʼaupito anai ki tatatou lau pea mo tatou ako ia te Tohi-Tapu. ʼE ʼi ai te faʼahi ʼe tokoni ʼaupito, ʼe ko te Index. Koutou lau ia Isaia 63⁠:​1, ʼaē ʼe ʼui ai ko Sehova ʼe haʼu mai Potesala (Botsra). Koutou kole ki te nofoʼaki ke nātou kumi ia Potesala ʼi te Index ʼo te kaupepa “le bon pays.” Koutou fakamahino te faka ʼuhiga ʼo Potesala 11 G11, ʼo koutou fakaʼaogaʼi te Index ʼi te pasina 34, pea mo koutou maʼu ia Potesala pea mo Etome ʼi te mape. ʼAki te Index, koutou kumi te fagona ʼa Sesu mai Selusalemi ki Sisale. (Soane 4⁠:​3-5) Koutou toe fakaʼaogaʼi te mape moʼo kumi peʼe tuʼu ʼifea te māʼanuʼaga ʼo Petesata. (Soane 5⁠:​1-3) Koutou filifili he faʼifaʼitaki e tahi peʼe lua ʼi te lau ʼo te Tohi-Tapu ʼo te vāhaʼa ʼi te Ako ʼo Te Minisitelio Faka Teokalatike. Koutou fakaafe te nofoʼaki ke nātou fakahā ʼaki te kaupepa, peʼe tuʼu ʼifea te ʼu kolo ʼaia, pea koteā tona ʼaoga ke tou fakaʼaogaʼi te ʼu mape. Koutou fakahā fakanounou he ʼu mape ʼe maʼu ʼi te kaupepa, pea mo te temi ʼaē ʼe faka ʼuhiga kiai te ʼu mape ʼaia. Ko te mape ʼo te pasina 18 mo te pasina 19 ʼe ko ia tāfito ʼaē ʼe tuʼu ai te ʼu koga meʼa ʼaē ʼe talanoa kiai te Tohi-Tapu. Koutou fakaloto mālohi te kokelekasio ke nātou fakaʼaogaʼi lelei te kaupepa ‘Voyez le bon pays.’

Katiko 63 pea mo faikole fakaʼosi.

Vāhaʼa ʼo te ʼaho 22 ʼo Malesio

Katiko 191

10 min: Te ʼu Logo. Te Lau ʼo te falā. Koutou fakamanatuʼi ki te kokelekasio ke nātou mulimuli ki te polokalama lau Tohi-Tapu ʼo te ʼAho Fakamanatu, ʼaē ʼe kamata mai te ʼaho 30 ʼo Malesio ʼo aʼu ki te ʼaho 4 ʼo ʼApelili, ʼaē ʼe tuʼu ʼi te kaupepa Tou Vakaʼi Te Tohi-Tapu ʼi Te ʼAho Fuli​—⁠2004 pea mo te kaletalio 2004.

15 min: “Ko He Kautau ʼe Koutou Kau Kiai.”b Koutou lau pea mo koutou fai palalau ʼo ʼuhiga mo te ʼu vaega ʼo te alatike, mo kapau ʼe feʼauga te temi.

20 min: “Ko He Foʼi Fime Viteo ʼe Fakaloto Mālohi.” Koutou kamata fakahagatonu te fai palalau mo te nofoʼaki ʼo ʼuhiga mo te foʼi fime viteo Fidèles dans les épreuves, ʼo koutou fakaʼaogaʼi te ʼu fehuʼi ʼaē neʼe tuku atu. Koutou fakaʼutaʼuta lelei te temi ke feala hakotou fai he ʼu fakamatala ʼi te fehuʼi fakaʼosi. Koutou fakaʼosi te fai palalau ʼo koutou lau te talanoa ʼo te pasina 192 ʼo te Annuaire 2002.

Katiko 181 pea mo te faikole fakaʼosi.

Vāhaʼa ʼo te ʼaho 29 ʼo Malesio

Katiko 129

10 min: Te ʼu Tonu. Koutou fakamanatuʼi ki te kau fai faka mafola ke nātou ʼaumai tanatou kiʼi pepa gāue ʼo Malesio. Koutou talanoa ki te tufa ʼo ʼApelili. ʼAki te ʼu manatu ʼo te pasina 4, koutou fai he ʼu faʼifaʼitaki ki te tufa ʼo Te Tule Leʼo ʼo te ʼaho 1 ʼo ʼApelili pea mo te Réveillez-vous! ʼo te ʼaho 8 ʼo ʼApelili.

15 min: Koutou Fakaʼaogaʼi Lelei Te Annuaire 2004. Ko he akonaki pea mo he fai palalau mo te nofoʼaki. Koutou talanoa ki he ʼu puani maʼuhiga ʼo “Ko He Tohi Mai Te Kolesi Pule” (neʼe tā te tohi ʼaia ʼi Te Minisitelio ʼo Te Puleʼaga ʼo Fepualio 2004), mo te ʼu faʼahi maʼuhiga ʼo te tānaki gāue ʼaē neʼe fai ʼi te malamanei katoa, pea mo he ʼu faʼifaʼitaki ʼe nātou fakaloto mālohiʼi tatatou tui. Koutou fakaloto mālohi te kokelekasio katoa ke nātou lau te Annuaire lolotoga te taʼu.

20 min: Ko Te Moʼoni ʼe Ina Fakatahiʼi Te ʼu Famili. Ko he akonaki pea mo he fai palalau mo te nofoʼaki. ʼI ʼihi temi, ko te hahaʼi ʼaē ʼe nātou fia ʼiloʼi te moʼoni ʼe faigataʼa tanatou tauhi ki Sehova ʼuhi ko te fakafeagai ʼo tonatou famili. Koutou fakaʼaogaʼi te ʼu faʼifaʼitaki ʼaē ʼe tuʼu ʼi te ʼu Tule Leʼo ʼo te ʼaho 1 ʼo Sanualio 2002, pasina 14 ki te 15; ʼo te ʼaho 1 ʼo Tesepeli 2000, pasina 8; ʼo te ʼaho 1 ʼo Sepetepeli 1999, pasina 32; ʼo te ʼaho 1 ʼo Sanualio 1999, pasina 4; pea mo te Réveillez-vous! ʼaho 22 ʼo Fepualio, pasina 31. Koutou fakahā, ʼi te agamāhani, ʼe hikihiki te maʼuli faka famili mokā maʼuliʼi e he tahi te ʼu pelesepeto faka Tohi-Tapu.

Katiko 130 pea mo te faikole fakaʼosi.

Vāhaʼa ʼo te ʼaho 5 ʼo ʼApelili

Katiko 126

10 min: Te ʼu Tonu. Lau ʼo te falā. Fakahā te ʼu fakatuʼutuʼu makehe ki te fai faka mafola ʼi te ʼaho 12 ʼo ʼApelili.

20 min: ʼE Maʼua Ke Tou Maʼa ʼi Te Faʼahi Fakasino. Ko he akonaki ʼe fakatafito ki Te Tule Leʼo ʼo te ʼaho 1 ʼo Sūnio 2002, pasina 19 ki te 21. Fai he faʼifaʼitaki ʼe fai palalau ai he tagata ʼāfea mo he pionie, ʼo ina fakahā age kiai peʼe feafeaʼi hana tokoni ʼaki he aga fakaʼeteʼete ki hana ako Tohi-Tapu, ke tokaga ke maʼa tona ʼapi pea mo tona malaʼe, pea mo ina fakaʼaogaʼi te kaupepa Fakamaʼua, ʼi te ako 9, palakalafe 5.

15 min: Fakamatala he ʼu meʼa neʼe hoko ʼi te ʼAho Fakamanatu, pea mo te gāue lahi ʼaē neʼe fai ʼi Malesio.

Katiko 25 pea mo te faikole fakaʼosi.

[Nota]