Te ʼu Tonu
◼ Te tufa ʼo ʼApelili Mo Maio: Te Tule Leʼo pea mo te Réveillez-vous ! Ka tou fai he ʼu ʼaʼahi ki te hahaʼi ʼaē ʼe nātou fia logo, ohage ko te hahaʼi ʼaē neʼe ʼōmai ki te ʼAho Fakamanatu, peʼe ko te tahi ʼu fakatahi faka teokalatike, kae ʼe mole ʼōmai putuputu ki tatatou kautahi, tou faigaʼi tāfito ke tou tuku age te tohi Atolasio Ki Te ʼAtua. ʼE tou faiga tāfito anai ke tou fai he ʼu ako Tohi-Tapu, tāfito la mo kapau ko ʼihi hahaʼi kua nātou ako te tohi Te ʼAtamai Mālama, pea mo te kaupepa Fakamaʼua. Sūnio: Te Tohi ʼo Te ʼu Hisitolia Faka Tohi-Tapu peʼe ko te kaupepa Fakamaʼua. Ka koutou fakaʼaogaʼi te kaupepa ʼaia, koutou faiga tāfito ke koutou kamata he ʼu ako Tohi-Tapu. Sūlio Mo ʼAukusito: He kaupepa e pasina 32: ʼE Tokaga Moʼoni Koa Te ʼAtua Kia Tatou?, Koteā ʼAē ʼe Hoko Kia Tatou Mokā Tou Mamate?, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa?
◼ ʼO kamata ʼi ʼAukusito, ko te ʼu kiʼi kate ki te fakatahi faka tisitilike ʼo te taʼu 2004, ʼe kau anai ki te ʼu tohi ʼaē ka fakamomoli mai. ʼE mole ʼaoga anai ke fakaʼui te ʼu kate ʼaia. ʼO fakafuafua pe ki te ʼu kokelekasio takitahi, ʼe momoli mai anai he ʼu pake mo ʼona kate e 25 takitahi. Kapau ʼe loto e te kokelekasio ke toe momoli age he tahi ʼu kate, pea ʼe tonu ke fakaʼui ʼi te Pepa Fakaʼui Tohi (S-14). Kapau ʼe loto kiai ʼihi kokelekasio, pea ʼe feala ke nātou fakaʼui te ʼu palasitike ʼaē ʼe ʼai kiai te ʼu kate.
◼ ʼE tonu ke taupau e te filiale te ʼu tuʼasila pea mo te ʼu numelo telefoni ʼa te kau tagata taupau pelesita fuli pea mo te ʼu sikalaipe. Kapau ʼe hoko he fetogi, pea ko te Komite Ki Te Gāue ʼa Te Kokelekasio ʼe tonu ke ina foimo tohi te pepa (S-29) Fetogi Tuʼasila ʼo Te Tagata Taupau Pelesita/Sikalaipe, ʼo sinie pea mo momoli ki te filiale.
◼ ʼE tonu ke taupau e te ʼu sikalaipe ʼo te ʼu kokelekasio he ʼu pepa feʼauga ki te Fakaʼui Ki Te Selevisi Pionie Katoa (S-205) pea mo te pepa Fakaʼui Ki Te Selevisi Pionie Vaeluaʼi Temi (S-205b). ʼE feala ke fakaʼui te ʼu pepa ʼaia ʼi te Pepa Fakaʼui Tohi (S-14). ʼE tonu ke maʼu he ʼu pepa feʼauga ki te taʼu katoa. Toe vakaʼi te ʼu pepa fuli ʼa te kau pionie katoa, peʼe kua tohi katoa ʼo feiā mo tonatou ʼaho papitema.