Polokalama ʼo Te Fono Gāue

Vāhaʼa ʼo te ʼaho 13 ʼo Sepetepeli

Katiko 43

12 min: Te ʼu logo. Te ʼu Tonu. Kapau ʼe feala ʼi tokotou telituale ke fakaʼaogaʼi te ʼu manatu ʼaē ʼe tuʼu ʼi te pasina 4, pea koutou fakaʼaogaʼi moʼo faʼifaʼitakiʼi te tufa ʼo Te Tule Leʼo ʼo te ʼaho 15 ʼo Sepetepeli pea mo te Réveillez-vous ! ʼo te ʼaho 22 ʼo Sepetepeli peʼe kapau ʼe mole heʼeki tau mai, koutou fakahā te ʼu nusipepa fakamuli ʼaē kua maʼu. ʼE feala ke fakaʼaogaʼi he tahi ʼu palalau ʼi te ʼu faʼifaʼitaki ʼaia. Hili te ʼu faʼifaʼitaki ʼaia, pea faka maʼuhigaʼi fakanounou te ʼu faʼahi lelei ʼo te ʼu faʼifaʼitaki.

15 min: “Koutou Taupau Tokotou Mata Ke Lelei.”a Fakaʼaogaʼi te ʼu fehuʼi ʼaē ʼe tuʼu ai. Kapau ʼe feʼauga te temi, pea koutou faka maʼuhigaʼi te ʼu vaega.

18 min: ʼE Nātou Sio Ki Tatatou ʼu Gāue Lelei. (1 Pet. 2⁠:12) Ko he akonaki pea mo he fai palalau mo te nofoʼaki ʼe fakatafito ki Te Tule Leʼo ʼo te ʼaho 1 ʼo Novepeli 2002, ʼi te pasina 12 ki te 14, ʼi te palakalafe 14 ki te 20. Fakaafe te nofoʼaki ke nātou fakamatala pe neʼe malave feafeaʼi ki te hahaʼi tanatou sisio ki tatatou ʼu gāue lelei.

Katiko 151 pea mo te faikole fakaʼosi.

Vāhaʼa ʼo te ʼaho 20 ʼo Sepetepeli

Katiko 161

10 min: Te ʼu logo. Vakaʼi te ʼu manatu tāfito ʼo te tohi mai te filiale, ʼaē ʼe tuʼu ʼi te ʼuluaki pasina ʼo Te Minisitelio ʼo Te Puleʼaga ʼaenī. Fakahā te fakatuʼutuʼu makehe ki te fai faka mafola ʼi te ʼaho 24 ʼo Sepetepeli.

15 min: Koteā ʼAē Neʼe Tou Fai ʼi Te Taʼu ʼAenī Kua Hili? Ko he akonaki ʼe fai e he tagata ʼāfea, ʼo fakatafito ki te tānaki gāue ʼo te kokelekasio ʼo te taʼu 2004. Fakahā tāfito te ʼu faʼahi lelei ʼo te tānaki gāue, pea vikiʼi te kokelekasio ʼuhi ko te ʼu gāue lelei ʼaē neʼe ina fai. Faka maʼuhigaʼi te gāue kinakina ʼa te ʼu pionie. Talanoa ki he faʼahi e tahi peʼe lua ʼe feala ai ki te kokelekasio ke tokaga kiai ʼi te taʼu ʼaenī ka haʼu.

20 min: Tou Faʼa Kātaki ʼi Te ʼu Gāue Lelei. (Kal. 6⁠:10) Fakafehuʼi he toko lua peʼe ko he toko tolu ʼe pionie katoa peʼe nātou tau toʼo te selevisi pionie vaeluaʼi temi. Koteā te ʼu faigataʼaʼia neʼe felāveʼi mo nātou ʼi tanatou tauhi kia Sehova, pea koteā te ʼu puleʼaki neʼe nātou fai? Koteā ʼaē neʼe tokoni kia nātou ke nātou kātaki ʼo fai ki te hahaʼi te meʼa ʼaē ʼe lelei? Koteā tona ʼu fua kia nātou pea mo te hahaʼi ʼi tanatou faiga ʼi te minisitelio faka Kilisitiano? Kapau ʼe feala ke fai ʼi tokotou telituale, koutou fakahā he ʼu manatu ʼo ʼuhiga mo te ʼu meʼa ʼaē neʼe fai moʼo tala te logo lelei ki te hahaʼi ʼaē ʼe palalau ki he tahi lea. Vikiʼi te nofoʼaki katoa ʼuhi ko ‛tanatou gāue agatonu pea mo tonatou ʼofa ʼo gāue kinakina pea mo tanatou faʼa kātakiʼi.’​—1 Tes. 1:​2, 3.

Katiko 103 pea mo te faikole fakaʼosi.

Vāhaʼa ʼo te ʼaho 27 ʼo Sepetepeli

Katiko 221

15 min: Te ʼu logo. Lau ʼo te falā. Koutou fakamanatuʼi ki te kau fai faka mafola ke nātou ʼaumai tanatou ʼu kiʼi pepa tānaki gāue ʼo Sepetepeli. Fai he faʼifaʼitaki ʼe fakahā ai peʼe feafeaʼi te tufa ʼo Te Tule Leʼo ʼo te ʼaho 1 ʼo ʼOketopeli pea mo te Réveillez-vous ! ʼo te ʼaho 8 ʼo ʼOketopeli (pea kapau ʼe mole heʼeki tau mai, fakahā te ʼu nusipepa fakamuli ʼaē kua koutou maʼu).

10 min: ʼE Maʼuli Te Folafola ʼa Sehova. Ko he akonaki. Ke feala ke toe ʼaoga lahi age tatatou polokalama lau ʼo te Tohi-Tapu ʼi te vāhaʼa fuli ʼi te Ako ʼo Te Minisitelio Faka Teokalatike, neʼe kamata tā ʼi ʼihi Tule Leʼo te ʼu alatike ʼaē ko tonatou kupu tāfito “ ʼE Maʼuli Te Folafola ʼa Sehova.” Koutou fakaʼaogaʼi Te Tule Leʼo ʼo te ʼaho 15 ʼo Sepetepeli 2004, ʼi te pasina 24 ki te 27, pea koutou fakahā he ʼu manatu ʼo te ʼu alatike ʼaia. Hili te vakaʼi ʼo te ʼu kapite fuli, ʼe ʼi ai te faʼahi ko tona kupu tāfito “Te ʼu Tali Ki Te ʼu Fehuʼi Faka Tohi-Tapu” ʼe foaki ai he fakamahino ʼo ʼihi vaega faka Tohi-Tapu faigataʼa. Ko te ʼu manatu ʼaē ʼe tuʼu ʼi te kupu tāfito “Te ʼu Puani ʼe Tou Lava Tāʼofi” ʼe fakatokagaʼi mai te ʼaoga ʼo te ʼu manatu ʼaē ʼe tou lau. Vakaʼi he ʼu faʼifaʼitaki moʼo fakahā te ʼaoga ʼo te ʼu alatike ʼaia ke tou mahino lelei age ki te Folafola ʼa te ʼAtua. Fakaloto mālohi te nofoʼaki ke nātou fakaʼaogaʼi te ʼu alatike ʼaia mokā tou kamata lau anai te tohi ʼo Teutalonome ʼi te vāhaʼa ka haʼu.

20 min: “Koutou Fakaʼaogaʼi Lelei Te Tohi-Tapu.”b Fakaʼaogaʼi te ʼu fehuʼi ʼaē ʼe tuʼu ai. Koutou fakatafito takotou ʼu ʼuluaki palalau ki te tohi École du ministère, ʼi te pasina 145, ʼi te ʼu palakalafe 2 mo te 3. Fai he ʼu faʼifaʼitaki nounou e lua, ko te tahi ʼi te fai faka mafola, pea ko te tahi ʼi te ʼaʼahi, ʼe ina fakahā ai peʼe feafeaʼi te mulimuli ki te ʼu tokoni ʼaē neʼe foaki.

Katiko 38 pea mo te faikole fakaʼosi.

Vāhaʼa ʼo te ʼaho 4 ʼo ʼOketopeli

Katiko 5

5 min: Te ʼu Logo.

20 min: Ko he akonaki ʼe ʼaoga ki te kokelekasio.

20 min: “Tou Fakaōvi Ki Te Hahaʼi ʼAki He Manatu ʼe Lelei.”c Fakatuʼutuʼu ke fakamatala e ni kaugā fai faka mafola mai tonatou hekaʼaga, te ʼu meʼa ʼaē neʼe nātou fai, pe neʼe nātou logo neʼe fai e ʼihi, moʼo palalau ki he ʼu manatu ʼe lelei, kae mole ko he ʼu palalau ʼe mole fakafiafia. ʼE feala ke hinoʼi fakatomuʼa ia nātou ʼaia.

Katiko 7 pea mo te faikole fakaʼosi.

[Kiʼi nota]