Polokalama ʼo Te Fono Gāue

Vāhaʼa ʼo te ʼaho 11 ʼo ʼOketopeli

Katiko 93

10 min: Te ʼu logo. Te ʼu Tonu. Fakaloto mālohiʼi te nofoʼaki ke nātou fakaʼaogaʼi te ʼu fehuʼi ʼi te ʼuluaki pasina moʼo toe vakaʼi tanatou ʼu kiʼi nota ʼo te fakatahi, ʼaē ka fakatafito kiai te fai palalau mo te nofoʼaki ʼi te Fono Gāue ʼo te vāhaʼa ka haʼu, ʼo ʼuhiga mo te polokalama ʼo te Fakatahi Faka Tisitilike ko tona kupu tāfito “Tou Haʼele Mo Te ʼAtua.” ʼAki te ʼu manatu ʼi te pasina 8, fai he ʼu faʼifaʼitaki ʼo te tufa ʼo Te Tule Leʼo ʼo te ʼaho 15 ʼo ʼOketopeli pea mo te Réveillez-vous ! ʼo te ʼaho 22 ʼo ʼOketopeli (mo kapau ʼe feala ke fakaʼaogaʼi ʼi takotou telituale). Fakaloto mālohiʼi te kau fai faka mafola ke nātou lau he vaega Tohi-Tapu ʼi tanatou palalau. ʼE feala ke fakaʼaogaʼi he tahi ʼu palalau ʼe feʼauga lelei.

15 min: Tou Fiafia ʼi Te Tokoni Ki Te Hahaʼi. (Soa. 4:​34) Ko te fakafehuʼi ʼo he ʼu tēhina pea mo he ʼu tuagaʼane. ʼE ko he meʼa fakafiafia ia te sio ki he tahi ʼe fiafia ʼi tana ʼiloʼi ia te ʼu moʼoni ʼo te Folafola ʼa te ʼAtua. (wF94 1/3 p. 29 pal. 6 mo te 7) Fakafehuʼi he ʼu kaugā fai faka mafola e lua peʼe tolu peʼe ko he ʼu pionie ʼe nātou fakaʼaogaʼi lelei ia te Tohi-Tapu ʼi te minisitelio pea mo kamata he ʼu ako Tohi-Tapu pea mo tona faʼahiga fai. Koteā ʼaē ʼe nātou fai ke fia logo ai te hahaʼi? Koteā te fiafia ʼaē ʼe nātou maʼu ʼi tanatou fai ia te gāue ʼaia? Kole age ke nātou fakamatala peʼe nātou fai he ʼu faʼifaʼitakiʼi ʼo ʼuhiga mo te ʼu meʼa ʼaē neʼe hoko ʼi tanatou fai faka mafola.

20 min: “Ko He Fai Faka Mafola Makehe Moʼo Tufa ʼo Te Kaupepa Lahi Foʼou.”a ʼE fai anai e te taupau gāue. Fai he ʼu faʼifaʼitaki ʼo mulimuli ki te ʼu manatu ʼaē ʼe tuʼu ʼi te alatike. ʼI he faʼifaʼitaki, ʼe ko he tahi ʼe mole loko fia logo ki te ʼu manatu faka Tohi-Tapu ʼaē ʼe fakahā age, pea ʼe foaki age anai he kiʼi pepa lotu kae mole ko te kaupepa lahi.

Katiko 69 pea mo te faikole fakaʼosi.

Vāhaʼa ʼo te ʼaho 18 ʼo ʼOketopeli

Katiko 155

5 min: Te ʼu logo. Vakaʼi fakanounou te ʼu fakatuʼutuʼu ʼo ʼuhiga mo te fai faka mafola makehe moʼo tufa te kaupepa lahi foʼou.

40 min: “Ko Te Fakatahi Faka Tisitilike ʼe Ina Uga Tatou Ke Tou Haʼele Mo Te ʼAtua.” ʼE fai e he tagata ʼāfea. Fakaʼaogaʼi he kiʼi minuta e tahi ki te ʼu ʼuluaki palalau, pea fai palalau leva mo te nofoʼaki ʼo ʼuhiga mo te polokalama ʼo te fakatahi ʼo fakaʼaogaʼi te ʼu fehuʼi ʼi te alatike. Vaevae fakalelei ia te temi ke feala ke vakaʼi te ʼu fehuʼi fuli, lagi feʼauga pe anai he tali e tahi ʼi ʼihi fehuʼi. ʼE mole feala ke lau ia te ʼu vaega fuli ʼaē neʼe fakahā, he neʼe tohi ai ke feala ke koutou maʼu gafua tona ʼu tali. ʼE tonu ke fakahā lelei ʼi te ʼu tali ia te ʼu lelei ʼaē ʼe tou maʼu ʼi te maʼuliʼi ʼo te ʼu meʼa ʼaē neʼe tou ako.

Katiko 165 pea mo te faikole fakaʼosi.

Vāhaʼa ʼo te ʼaho 25 ʼo ʼOketopeli

Katiko 166

10 min: Te ʼu logo. Lau ʼo te falā. Fai he faʼifaʼitaki ʼe fakahā ai he faʼahiga tufa ʼo te kaupepa lahi foʼou neʼe fua lelei ʼi te telituale. Kapau ʼe feʼauga te temi, fakamatala he ʼu meʼa neʼe hoko ʼi te fai faka mafola makehe ʼaia. Fakahā te ʼu fakatuʼutuʼu makehe ki te fai faka mafola ʼi te ʼaho 1 ʼo Novepeli.

15 min: Ko he akonaki ʼe ʼaoga ki te kokelekasio.

20 min: He Tahi ʼu Fakamoʼoni Moʼo Lagolago Ki Te Folafola ʼa Te ʼAtua. Ko he fai palalau mo te nofoʼaki ʼo fakatafito ki te tohi École du ministère, ʼi te pasina 256-7. ʼE tou lava fakaʼaogaʼi feafeaʼi he tahi ʼu fakamoʼoni kae mole ko te Tohi-Tapu, moʼo tokoni ki te hahaʼi ke maʼuhiga kia nātou te ʼuhiga totonu ʼo te Tohi-Tapu? Fakaafe te nofoʼaki ke nātou tali ki te ʼu fehuʼi ʼaenī: Ko te ʼu palalau fea ʼaē ʼe feala ke tou fakaʼaogaʼi moʼo tokoni ki te hahaʼi ke nātou mahino ki te haʼuʼaga ʼo te ʼifeli? (hw 36-7) ʼE tou lava fakaʼaogaʼi feafeaʼi ia te ʼu fakamatala ʼo te ʼu tohi ʼo te mālama moʼo tokoni ki te hahaʼi ke mahino kia nātou ʼe mole tuʼu ʼi te Tohi-Tapu ia te tauhi ʼaē ki te koluse? (hw 49) Koteā te lea fakatātā peʼe ko te fakatatau ʼe feala ke tou fakaʼaogaʼi moʼo tokoni ki te hahaʼi ke nātou tali te manatu fakapotopoto ʼaē ke mole nātou faka maʼuhigaʼi ia te koluse? (hw 49-50) Koteā te ʼu meʼa neʼe hoko peʼe ko he ʼu faʼifaʼitaki neʼe koutou fakaʼaogaʼi moʼo tokoni ki te hahaʼi ke nātou ʼiloʼi ʼe ko he aga fakapotopoto hanatou mulimuli ki te tokoni ʼa te Tohi-Tapu?

Katiko 62 pea mo te faikole fakaʼosi.

Vāhaʼa ʼo te ʼaho 1 ʼo Novepeli

Katiko 15

10 min: Te ʼu logo. Fakamanatuʼi ki te nofoʼaki ke nātou ʼaumai tanatou ʼu kiʼi pepa tānaki gāue.

20 min: Tou Tokoni Ki Te Hahaʼi ʼAē ʼe Palalau ʼi He Tahi Lea. Ko he akonaki pea mo he fai palalau ʼe fakatafito ki te ʼu ʼuluaki palalau ʼo te kaupepa Une bonne nouvelle pour des gens de toutes nations. Fakahā he ʼu manatu ʼo te kaupepa foʼou ʼaia. Palalau ki te ʼu fakatuʼutuʼu e tolu ʼe feala ke tou fai moʼo tokoni ki te hahaʼi ʼaē ʼe palalau ʼi he lea ʼe mole tou mahino kiai. Talanoa ki te ʼu manatu ʼaē ʼe tou maʼu ʼi Te Minisitelio ʼo Te Puleʼaga ʼo Sūlio 2003, ʼi te pasina 6. Fakahā ʼe tonu ke tohi te pepa (S-43) Veuillez suivre lʼinterêt tatau aipe pe neʼe mole fia logo ki te logo ʼo te Puleʼaga. Fai he faʼifaʼitaki ʼe fakahā ai peʼe feafeaʼi te fakaʼaogaʼi ʼo te kaupepa foʼou ʼaia.

15 min: He ʼu Meʼa Neʼe Hoko ʼi Te Telituale. Fakamatala he ʼu meʼa neʼe hoko lolotoga te fai faka mafola makehe moʼo tufa te kaupepa lahi foʼou. Fakatuʼutuʼu fakatomuʼa ke faʼifaʼitakiʼi he ʼu meʼa neʼe hoko ʼi te fai faka mafola. Kapau ʼe mole kei lahi te ʼu kaupepa ʼaē ʼe maʼu, ʼe tonu ke fakaʼui he tahi ʼu kaupepa ki te faʼahi ʼaē ʼe tufa ai te ʼu tohi.

Katiko 175 pea mo te faikole fakaʼosi.

[Kiʼi nota]