Fakamanatu ʼo Te Ako ʼo Te Minisitelio Faka Teokalatike

Ko te ʼu fehuʼi ʼaenī, ʼe vakaʼi anai ʼi te fai palalau ʼo te fakamanatu ʼo te Ako ʼo Te Minisitelio Faka Teokalatike lolotoga te vāhaʼa ʼaē ʼe kamata ʼi te ʼaho 27 ʼo Tesepeli 2004. Ko te taupau ako ʼe ina fai anai te fakamanatu ia minuta e 30, ʼo fakatafito ki te ʼu akonaki ʼaē neʼe vakaʼi ʼi te vāhaʼa ʼo te ʼaho 1 ʼo Novepeli ki te ʼaho 27 ʼo Tesepeli. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe koutou fai anai ʼe koutou totonu hakotou ʼu kumi moʼo maʼu te ʼu tali.—Vakaʼi te tohi École du ministère ʼi te pasina 36 ki te 37.

HE ʼU KALITĀTĒ KI TE FAIAKONAKI

1. Koteā te faʼahiga fai ʼaē ʼe lelei ʼaupito moʼo uga ʼo te nofoʼaki ke nātou fia logo ki he akonaki? [be p. 218 pal. 3]

2. Koteā he ʼu faʼahi e nima ʼe tonu ke tou fai ke ʼi ai he ʼu fua ʼo te ʼu palalau fakaʼosi ʼo tatatou akonaki? [be p. 220 pal. 4–p. 221 pal. 4]

3. ʼE feafeaʼi hatatou ʼiloʼi peʼe totonu te ʼu manatu ʼaē ʼe tou talanoa kiai? [be p. 224 ʼi te fakamatala ʼaē ʼe ʼātakai]

4. ʼE tou lava tōkakaga feafeaʼi ke fakamoʼoni ʼatatou ʼu tali ko te kokelekasio ʼe ko te “pou pea mo te tāfitoʼaga ʼo te moʼoni”? (1 Tim. 3:15, MN ) [be p. 224 pal. 1-4]

5. ʼO ʼuhiga mo he ʼu meʼa neʼe hoko ʼi te malamanei, mo he ʼu palalau neʼe fai, pea mo he ʼu meʼa neʼe hoko ki he tahi, ʼe tou lava fakaʼaogaʼi feafeaʼi kiai ia te vaega ʼo Tāʼaga Lea 14:15? [be p. 225 pal. 1]

AKONAKI N° 1

6. ʼE tou lava fakafuafua feafeaʼi te loaloaga ʼo te temi ʼaē ʼe kamata mai te Tulivio ʼo aʼu ki te fakatupu ʼo Atama? [si p. 286 pal. 12]

7. Neʼe ʼiloʼi feafeaʼi te temi ʼaē neʼe kamata ai e Sesu tana minisitelio, pea he koʼe ʼe tou tui ai neʼe loaloaga iā taʼu pe e tolu vaelua? [si p. 291 pal. 16]

8. Ko te temi fea ʼaē neʼe fai ai “te palalau ʼaē ke toe fakafoʼou pea mo toe laga ia Selusalemi”? (b) Ko taʼu e fia neʼe tonu ke fakalaka ʼo aʼu ki te haʼu ʼo te Mesia, ʼaē ko Sesu? (Tan. 9:24-27) [si p. 291 pal. 18-19]

9. Ko te ʼu faʼahiga faifakalelei fea ʼaē ʼe ina faka fealagia ia te ‛tokalelei mo totatou tēhina’? (Mat. 5:23, 24) [w02 1/11 p. 6 pal. 1, 5]

10. Koteā te ako ʼaē ʼe tou tāʼofi ia 2 Hau 13:18, 19 ʼo ʼuhiga mo te fakahoko ʼo te ʼu gāue ʼaē ʼe tuku mai e Sehova? [w02 1/12 p. 31 pal. 1-2]

LAU ʼO TE TOHI-TAPU ʼI TE VĀHAʼA FULI

11. He koʼe koa neʼe feala ki te kau Iselaele ke nātou foaki peʼe nātou fakatau ki te kau matāpule ia he manu mate neʼe mole hukiʼi neʼe mole nātou lava kai? (Teu. 14:21)

12. Koteā te ako ʼe tou tāʼofi ʼia Teutalonome 20:5-7?

13. He koʼe ko te faʼao ʼa “he maka momosi fulumeto ʼaē ʼe gāueʼi nima peʼe ko te maka momosi fulumeto ʼaē ʼi ʼoluga ohage ko he meʼa moʼo fakamoʼoni” neʼe fakatatau ki he toʼo ʼo “he nefesi”? (Teu. 24:6)

14. Mai tona ʼaluʼaga ʼaē neʼe tapuʼi ki te kau Iselaele tanatou kai te gako, koteā te faka ʼuhiga ʼo tanatou kai “te gako ʼo te ʼu matuʼaʼi akeno”? (Teu. 32:13, 14)

15. ʼI totatou temi, koteā ʼaē ʼe tatau mo te agahala ʼo Akani? (Sos. 7:1-26) [w86 15/12 p. 20 pal. 20]