Polokalama ʼo Te Fono Gāue

FAKATOKAGA: ʼE fakamanatuʼi ki te kau tagata ʼāfea ke nātou fai he fakatuʼutuʼu ki te fakamanatu ʼo te polokalama ʼo te fakatahi makehe ʼaho tahi. ʼI te pepa ʼaē ʼe ʼalutahi mo Te Minisitelio ʼo Te Puleʼaga ʼo ʼAukusitō 2004, ʼi te pasina 6, ʼe fakahā fakatomuʼa mai te ʼu akonaki ʼaē ka talanoa kiai ʼi te fakatahi pea mo te ʼu fehuʼi ki te fakamanatu ʼo te fakatahi. ʼE vakaʼi anai e te ʼu kokelekasio te manatu ʼaenī ʼi te Fono Gāue ʼaē ka fai ʼi muʼa pea mo ʼi te hili pe ʼo tanatou fakatahi.

Vāhaʼa ʼo te ʼaho 13 ʼo Tesepeli

Katiko 47

10 min: Te ʼu logo pea mo te ʼu Tonu. Fakaloto mālohi te nofoʼaki ke nātou sioʼi te ʼata Pas de sang : la médecine relève le défi moʼo teuteuʼi te fai palalau ʼi te vāhaʼa ka haʼu. Fakahā te ʼu fakatuʼutuʼu ki te fai faka mafola ʼi te ʼaho 25 ʼo Tesepeli pea mo te ʼaho 1 ʼo Sanualio. ʼAki te ʼu manatu ʼi te pasina 8, fai he faʼifaʼitaki (mo kapau ʼe feala ke fakaʼaogaʼi ʼi takotou telituale) ʼo te tufa ʼo Tule Leʼo ʼo te ʼaho 15 ʼo Tesepeli pea mo te Réveillez-vous ! ʼo te ʼaho 22 ʼo Tesepeli, peʼe kapau ʼe mole heʼeki tau mai, koutou fakahā te ʼu nusipepa fakamuli ʼaē kua maʼu. ʼE feala ke fakaʼaogaʼi he tahi ʼu palalau ʼe feʼauga lelei. ʼI te ʼu faʼifaʼitaki takitahi ʼaia, fakahā he ʼu tali kehekehe mokā ʼui mai e he tahi: “ ʼE ʼau ʼiloʼi lelei takotou gāue.”—Vakaʼi te kaupepa Te ʼu Tokoni Ki Te ʼu Fai Palalau Faka Tohi-Tapu, ʼi te p. 15.

15 min: “ ʼE ʼAoga Takotou Tokoni.”a Fakafehuʼi fakanounou he tagata ʼāfea. ʼE ina fakamatala anai peʼe koteā ʼaē neʼe tupu ai tana fia tauhi ʼi te kokelekasio, pea koteā te ʼu meʼa ʼaē neʼe tonu ke ina fai ke feala hana maʼu te pilivilesio ʼaia.

20 min: “Tou Ako Te Tohi ʼo Te Lea Faka Polofeta ʼa Taniela.” ʼE fai ʼaki he ʼu fehuʼi pea mo he ʼu tali. Talanoa fakanounou ki te ʼu lelei ʼe tou maʼu ʼi tatatou ako te tohi ʼa Taniela ʼi te Tohi-Tapu. (Vakaʼi te kapite 1, ʼi te palakalafe 15 ki te 17, ʼi te tohi Te Lea Faka Polofeta ʼa Taniela.) Fakaloto mālohi te nofoʼaki kātoa ke nātou kau tuʼumaʼu ki te Ako Tohi ʼo te kokelekasio.

Katiko 17 pea mo te faikole fakaʼosi.

Vāhaʼa ʼo te ʼaho 20 ʼo Tesepeli

Katiko 68

5 min: Te ʼu logo.

15 min: “Te ʼu Lelei ʼo Te Ako ʼo Te Minisitelio Faka Teokalatike.” Ko he akonaki ʼe fai e te taupau ako. Fakaʼaogaʼi mo te ʼu manatu ʼaē ʼe tuʼu ʼi te pepa ʼaē ʼe ʼalutahi mo Te Minisitelio ʼo Te Puleʼaga ʼo ʼOketopeli 2004. Fakatuʼutuʼu fakatomuʼa he tokotahi peʼe ko he toko lua ke nā fakamatala te ʼu fua lelei ʼaē ʼe nā maʼu mai te ako.

25 min: “Te ʼu Lelei ʼo Te Foʼi Fime Viteo Pas de sang : la médecine relève le défi.” Ko he fai palalau mo te nofoʼaki ki te ʼata Pas de sang, ʼo fakaʼaogaʼi te ʼu fehuʼi ʼaē ʼe tuʼu ʼi te pasina 6. ʼI te ʼosi vakaʼi ʼo te ʼu fehuʼi fuli, lau te palakalafe fakaʼosi. Fakaloto mālohi te nofoʼaki ke nātou kau ki te fono ʼi te vāhaʼa ka haʼu, heʼe talanoa ai ki te fakatuʼutuʼu foʼou moʼo tokoni mai kia tatou ʼo ʼuhiga mo te fakafisi ki te toto.

Katiko 50 pea mo te faikole fakaʼosi.

Vāhaʼa ʼo te ʼaho 27 ʼo Tesepeli

Katiko 36

10 min: Te ʼu logo. Lau ʼo te falā. Fakamanatuʼi ki te kau fai faka mafola ke nātou ʼaumai tanatou ʼu kiʼi pepa tānaki gāue ʼo te māhina ʼo Tesepeli. ʼAki te ʼu manatu ʼi te pasina 8, fai he faʼifaʼitaki (mo kapau ʼe feala ke fakaʼaogaʼi ʼi takotou telituale) ʼo te tufa ʼo Tule Leʼo ʼo te ʼaho 1 ʼo Sanualio peʼe ko te Réveillez-vous ! ʼo te ʼaho 8 ʼo Sanualio, peʼe kapau ʼe mole heʼeki tau mai, fakahā te ʼu nusipepa fakamuli ʼaē kua maʼu.

25 min: ʼAki He Loto Falala, Tou Tauʼi Te ʼu Faigataʼaʼia Faka Tōketā. Ko he akonaki ʼe fai e he tagata ʼāfea, ʼe ina fakaʼaogaʼi te plan ʼaē ʼe foaki e te filiale.

10 min: Te Gāue ʼo Takotou Leʼo ʼo Loto. ʼE fai e he tagata ʼāfea, pea ʼe fakatafito ki Te Tule Leʼo ʼo te ʼaho 15 ʼo Sūnio 2004, ʼi te pasina 23 ki te 24, palakalafe 16 ki te 19. Fakahā lelei ʼe maʼuhiga te ʼu tonu ʼaē ʼe tou fai ʼo mulimuli ki totatou leʼo ʼo loto, heʼe ʼi ai tona pikipikiga mo tatatou ʼu felogoi mo Sehova.

Katiko 8 pea mo te faikole fakaʼosi.

Vāhaʼa ʼo te ʼaho 3 ʼo Sanualio

Katiko 27

8 min: Te ʼu logo. Fakahā te tufa ʼo Sānualio.

17 min: “Ko He ʼu Ako Tohi-Tapu ʼe Tuputupu​—Fā Koga.” ʼI te ʼosi talanoa lolotoga te minuta kātoa ki te palakalafe 1, fai he faʼifaʼitaki e minuta nima ʼe fakatafito ki te palakalafe 2 mo te 3, ko he tēhina peʼe ko he tuagaʼane ʼe ina fakahā ki tana ako peʼe feafeaʼi te teuteuʼi ʼo te ako. ʼI te faʼifaʼitaki, fakaʼaogaʼi he palakalafe ʼi te tohi ʼAtamai mālama peʼe ko te kaupepa lahi Fakamaʼua. ʼOsi ʼaia, pea fai te ʼu fehuʼi pea mo te ʼu tali ki te ʼu palakalafe 2 ki te 5, ʼo fakahā lelei te ʼu puani maʼuhiga ʼo te faʼifaʼitaki.

20 min: “ ʼE Feafeaʼi Hatatou Fagonogono Ki Totatou ʼu Kāiga?”b Fakaʼaogaʼi te ʼu fehuʼi ʼaē ʼe tuʼu ai. Fakaafe te nofoʼaki ke nātou fakamatala fakanounou pe neʼe lava feafeaʼi hanatou ʼeke te fia logo ʼo tonatou ʼu kāiga pea mo fai faka mafola kia nātou.

Katiko 79 pea mo te faikole fakaʼosi.

[Nota]