Polokalama ʼo Te Fono Gāue

Vāhaʼa ʼo te ʼaho 10 ʼo Sānualio

Kātiko 75

10 min: Te ʼu Logo. Te ʼu Tonu. ʼAki te ʼu manatu ʼi te pasina 8 (kapau ʼe feala ke fakaʼaogaʼi ʼi tokotou telituale), fai he ʼu faʼifaʼitaki ʼo te tufa ʼo Te Tule Leʼo ʼo te ʼaho 15 ʼo Sānualio pea mo te Réveillez-vous ! ʼo te ʼaho 22 ʼo Sānualio, pea kapau mole heʼeki koutou maʼu, fai te ʼu faʼifaʼitaki ʼaki te ʼu nusipepa fakamuli. ʼE feala ke fakaʼaogaʼi he tahi age ʼu ʼuluaki palalau. ʼI he tahi faʼifaʼitaki, fakahā ia te tufa ʼo te ʼu nusipepa ki hokotou kāiga ʼe mole tauhi kiā Sehova.

15 min: “Nee Fafaga Aki Te u Folafola o Te Tui.”a Kapau ʼe maʼu he temi, koutou lau pea mo fai palalau ki te ʼu vaega faka Tohi-Tapu ʼo te alatike.

20 min: “Koutou Faka Faigafua Ia Te Fai Palalau Mo Te Hahaʼi.” Ko te fai palalau mo te nofoʼaki ki te pepa ʼo te pasina 6. Fai he ʼu faʼifaʼitaki e lua peʼe feafeaʼi te fakaʼaogaʼi ʼo te ʼuluaki palalau ʼaia moʼo fakahā ia te tufa ʼo te māhina. ʼI te ʼu faʼifaʼitaki ʼaia e lua, ʼe lau e te kaugā fagona he vaega faka Tohi-Tapu ʼe ʼalutahi mo he fihifihia ʼo ia ʼaē ʼe tou faka mafola ki ai.

Kātiko 143 pea mo te faikole fakaʼosi.

Vāhaʼa ʼo te ʼaho 17 ʼo Sānualio

Kātiko 34

10 min: Te ʼu logo.

15 min: ʼU Tūpulaga​—ʼE Koutou Tuputupu Koa ʼi Te Faʼahi Fakalaumālie? Ko he akonaki ʼe fai e he tagata ʼāfea ʼo fakatafito ki Te Tule Leʼo ʼo te ʼaho 1 ʼo ʼApelili 2003, pasina 8 ki te 10. Fakahā he ʼu fakatuʼutuʼu ʼe faigafua pea mo fakapotopoto, fakaloto mālohiʼi ia te kau tūpulaga ke nātou fai hanatou ʼu fakatuʼutuʼu fakalaumālie.

20 min: “Tou Fai He ʼu Ako Tohi-Tapu ʼe Tuputupu​—Koga Nima.”b Fai he faʼifaʼitaki ʼe fai ai e he kaugā fai faka mafola faiva he ako ki he kaugā fagona foʼou peʼe feafeaʼi hana tekeʼi ia te ʼu hele ʼaē ʼe talanoa kiai ia te palakalafe 4 pea mo te palakalafe 5.

Kātiko 78 pea mo te faikole fakaʼosi.

Vāhaʼa ʼo te ʼaho 24 ʼo Sānualio

Kātiko 163

10 min: Te ʼu logo. Lau ʼo te falā. Vakaʼi fakanounou te talanoa “Te ʼu ʼAta ʼi Te DVD.”

10 min: Te Tali Ki ʼAkotou ʼu Fehuʼi. Ko he akonaki.

25 min: “Tou Fakaʼaogaʼi Lelei Te ʼu ʼUluaki Palalau.”c Fakaʼaogaʼi te ʼu fehuʼi ʼaē ʼe tuʼu ai. Fakahā ko te pepa ʼi te ʼu pasina 3 ki te 5 ʼo te māhina ʼaenī, ʼe tou maʼu ai te ʼu ʼuluaki palalau moʼo fakahā ia te ʼu tohi faka Tohi-Tapu ʼaē ka tou tufa. Taupau te pepa ʼaia ʼo te minisitelio ke feala hakotou fakaʼaogaʼi lolotoga te taʼu. ʼO mulimuli ki te ʼu tokoni ʼaē ʼe tuʼu ʼi te alatike, talanoa ki te tufa ʼi te māhina ʼo Fepualio ʼo te tohi Koutou Tokagaʼi Te Lea Faka Polofeta ʼa Taniela! Fai he faʼifaʼitaki ʼe fakatafito ki he ʼuluaki palalau ʼi te pasina 4, peʼe ko he tahi age ʼu ʼuluaki palalau ʼe ʼaoga anai ki te telituale.

Kātiko 200 pea mo te faikole fakaʼosi.

Vāhaʼa ʼo te ʼaho 31 ʼo Sānualio

Kātiko 157

10 min: Te ʼu logo. Fakamanatuʼi ki te kau fai faka mafola ke foaki ia tanatou ʼu pepa tānaki gāue ʼo Sānualio. ʼAki te ʼu manatu ʼo te pasina 8 (kapau ʼe feala ke fakaʼaogaʼi ʼi tokotou telituale), fai he faʼifaʼitaki ki te tufa ʼo Te Tule Leʼo ʼo te ʼaho 1 ʼo Fepualio peʼe ko te Réveillez-vous ! ʼo te ʼaho 8 ʼo Fepualio, pea kapau mole heʼeki maʼu, fai ia te ʼu faʼifaʼitaki ʼaki te ʼu nusipepa fakamuli.

15 min: Ko he akonaki ʼe ʼaoga ki te kokelekasio.

20 min: ʼE Koutou Lau Koa ʼi Te ʼAho Fuli Ia Te Vaega Faka Tohi-Tapu? Ko he akonaki pea mo he fai palalau mo te nofoʼaki ʼe fakatafito ki te ʼuluaki palalau ʼo te kiʼi kaupepa Tou Vakaʼi Ia Te Tohi-Tapu ʼi Te ʼAho Fuli​—2005. Fakahā ki te nofoʼaki ia te maʼuhiga ʼaē ke toʼo ʼi te ʼaho fuli ia he ʼu kiʼi minuta moʼo lau ia te vaega faka Tohi-Tapu pea mo tona fakamatala. Kole fakatomuʼa ki he tahi peʼe ko he toko lua ke nātou fakamatala tanatou ʼu fakatuʼutuʼu mokā nātou vakaʼi te koga tohi pea mo tona ʼu fua lelei kiā nātou. Fakaʼosi ʼaki he ʼu palalau fakanounou ʼo ʼuhiga mo te vaega faka Tohi-Tapu ʼo te taʼu 2005.

Kātiko 155 pea mo te faikole fakaʼosi.

Vāhaʼa ʼo te ʼaho 7 ʼo Fepualio

Kātiko 84

10 min: Te ʼu logo.

15 min: Tokoni Kiā Nātou ʼe Foʼofoʼou Mai Ke Nātou ʼOʼofa Ki Te ʼAtua Pea Mo ʼOnatou Tatau. Ko he akonaki ʼe fakatafito ki Te Tule Leʼo ʼo te ʼaho 1 ʼo Sūlio 2004, pasina 16, palakalafe 7 ki te 9. Fakahā ki te kokelekasio kātoa ia te maʼuhiga ʼaē ke nātou tokoni kiā nātou ʼe foʼofoʼou ke nātou liliu ko ni ʼu tisipulo ʼa Kilisito.

20 min: Ko Sehova ʼe Mole Ina Fakafisi Anai He Meʼa ʼe Lelei. (Pes. 84:11) Fakafehuʼi he ʼu tēhina mo tuagaʼane neʼe nonofo agatonu ʼi te ʼu ʼahiʼahi. Koteā te ʼu fihifihia neʼe tau mo nātou? Koteā ʼaē neʼe tokoni kiā nātou? Koteā te ʼu fiafia pea mo te ʼu tapuakina neʼe nātou maʼu?

Kātiko 165 pea mo te faikole fakaʼosi.

[Nota]