Polokalama ʼo Te Fono Gāue

Vāhaʼa ʼo te ʼaho 14 ʼo Fepualio

Kātiko 174

10 min: Te ʼu Logo. Te ʼu Tonu. ʼAki te ʼu manatu ʼo te pasina 8, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 15 ʼo Fepualio pea mo te Réveillez-vous ! ʼo te ʼaho 22 ʼo Fepualio, pea kapau mole heʼeki maʼu, fakaʼaogaʼi te ʼu nusipepa fakamuli. Vakaʼi fakanounou te ʼu ʼuluaki palalau ʼaē ʼe lava fakaʼaogaʼi ʼi te telituale.​—⁠Vakaʼi ʼi te pasina 8 ʼo Te Minisitelio ʼo Te Puleʼaga ʼo Sānualio 2005.

35 min: “Te Temi ʼo Te ʼAho Fakamanatu​—⁠Ko He Temi Moʼo Fakatuputupu Tatatou Gāue.”a ʼE takitaki te akonaki ʼaia e te taupau ʼo te gāue. ʼI te palakalafe 6, fakahā te ʼu manatu ʼo te ʼu pasina 12 mo te 13 ʼo te Réveillez-vous ! ʼo te ʼaho 8 ʼo Sepetepeli 2004. Fakahā te ʼu higoa ʼo nātou ʼaē ʼe pionie vaeluaʼi temi. Fakahā ia te tahi ʼu fakatuʼutuʼu ʼaē ka fai ʼo ʼuhiga mo te gāue fai faka mafola. Fakaloto mālohiʼi te nofoʼaki ke nātou fakatuputupu tanatou ʼu gāue fakalaumālie ʼi te temi ʼo te ʼAho Fakamanatu.

Kātiko 14 pea mo te faikole fakaʼosi.

Vāhaʼa ʼo te ʼaho 21 ʼo Fepualio

Kātiko 31

10 min: Te ʼu logo. Fakamanatuʼi te ʼu puani tāfito ʼo te talanoa ʼaē ʼe ʼātakai ʼi te pasina 6, “Tou Faiga Ke Toe Hoko Atu He Fagonogono Kiā Nātou.” Fakaloto mālohiʼi te nofoʼaki ke nātou foimo tohi te kiʼi pepa Veuillez suivre lʼintérêt (S-43) mo kapau ʼe ʼaoga ki he tahi.

20 min: “Tou Fakafetaʼi Ki Te Lotoʼofa ʼo Sehova.”b Fakahā ia te ʼaho pea mo te potu ʼaē ʼe fai ai te ʼAho Fakamanatu, mo te higoa ʼo te tēhina ʼaē ka ina fai te akonaki pea mo te tahi ʼu logo. ʼI te palakalafe 4, fai he faʼifaʼitaki fakanounou, ʼe ko he kaugā fagona ʼe ina fakaafe ki te ʼAho Fakamanatu he tahi ʼe ina ʼave tuʼumaʼu ki ai te ʼu nusipepa. Ko te ʼu kiʼi pepa fakaafe ʼe tonu ke tufa mokā ʼosi te fono.

15 min: “Tou Fai He ʼu Ako Tohi-Tapu ʼe Tuputupu​—⁠Koga Ono.”c Ia minuta e fā, fai he faʼifaʼitaki: ʼe ko he tahi ʼe ako ʼe ina fehuʼi, pe koʼe ʼi te ʼAho Fakamanatu ʼe tokosiʼi ia nātou ʼaē ʼe nātou kai te pane pea mo ʼinu te vino. Ko te tēhina ʼe fakamālo age anai ki tana fehuʼi, ʼo ina tohi tana fehuʼi, pea mo ʼui age hoki nā vakaʼi anai mokā ʼosi te ako. ʼI te kua ʼosi leva ʼo te ako, ko te tēhina ʼaki te tohi Comment raisonner ʼe ina fakahā age anai te tali ki tana fehuʼi ʼi te pasina 243 ki te 244 ʼi te kupu tāfito “ Qui est en droit de participer au pain et au vin ? ” (Ko ai ʼaē ʼe kau ki te kai ʼo te pane pea mo ʼinu te vino?) ʼE nā lau fakatahi te ʼu palakalafe ʼaia, pea ʼe fakahā age leva e ia ʼaē ʼe ako tana leleiʼia te tali ki tana fehuʼi.

Kātiko 21 pea mo te faikole fakaʼosi

Vāhaʼa ʼo te ʼaho 28 ʼo Fepualio

Kātiko 42

15 min: Te ʼu logo. Lau ʼo te falā. Fakamanatuʼi ki te kau fai faka mafola ke nātou ʼaumai tanatou ʼu kiʼi pepa tānaki gāue ʼo Fepualio. ʼAki te ʼu manatu ʼo te pasina 8, fai he ʼu faʼifaʼitaki moʼo fakahā Te Tule Leʼo ʼo te ʼaho 1 ʼo Malesio pea mo te Réveillez-vous ! ʼo te ʼaho 8 ʼo Malesio, pea kapau mole heʼeki maʼu, fakaʼaogaʼi ia te ʼu nusipepa fakamuli. ʼE feala ke fakaʼaogaʼi he tahi ʼu palalau. ʼI te fakaʼosi ʼo te ʼu faʼifaʼitaki ʼaia, ko te tēhina ʼe ina fai anai te fakaafe ki te ʼAho Fakamanatu, ʼo ina fakaʼaogaʼi ia te alatike ʼo te tuʼa pasina fakaʼosi ʼo te Réveillez-vous ! ʼo te ʼaho 8 ʼo Malesio.

20 min: Tou ʼOfa Kiā Nātou ʼAē Kua Vaivai Fakalaumālie. (Gaue 20⁠:35) Ke minuta tahi te ʼu ʼuluaki palalau, pea fai palalau mo te nofoʼaki ki te ʼu palakalafe 12 ki te 16 ʼo te ʼu pasina 17 mo te 18 ʼo Te Tule Leʼo ʼo te ʼaho 1 ʼo Sūlio 2004, ohage ko te takitaki ʼo te ako ʼo Te Tule Leʼo. Ko te ʼu palakalafe ʼe lau anai e he tēhina ʼe lautohi lelei. Fakahā peʼe lava maʼuliʼi feafeaʼi te faʼahi ʼaia ʼi te fakaōvi mai ʼo te ʼAho Fakamanatu pea mo te akonaki ʼo te toʼotoʼoga ʼaia.

10 min: Tou tufa te kaupepa Koteā ʼAē ʼe Fakamaʼua Mai e Te ʼAtua Kia Tatou? Fai palalau mo te nofoʼaki pea fai he ʼu faʼifaʼitaki ʼo te faʼahiga tufa ʼo te kaupepa ʼi Malesio. ʼE feala ke fakaʼaogaʼi ʼi te telituale ia te ʼu ʼuluaki palalau ʼo te pepa ʼo Te Minisitelio ʼo Te Puleʼaga ʼo Sānualio 2005 peʼe ko he tahi ʼu ʼuluaki palalau ʼe lelei ki tokotou telituale.

Kātiko 72 pea mo te faikole fakaʼosi.

Vāhaʼa ʼo te ʼaho 7 ʼo Malesio

Kātiko 12

10 min: Te ʼu logo. Fakamanatuʼi te ʼu puani maʼuhiga ʼo te talanoa ʼaē ʼe ʼātakai “Te ʼu Tokoni ʼo ʼUhiga Mo Te ʼAho Fakamanatu.”

15 min: Ko he akonaki ʼe ʼaoga ki te kokelekasio.

20 min: “Koutou Fakahā Te ʼu Nusipepa ʼi Takotou Minisitelio.”d ʼI te ʼu palakalafe 3 mo te 4, faka ʼalutahi te ʼu manatu pea mo te telituale. Fakafehuʼi fakanounou he kaugā fagona e tahi peʼe lua neʼe ina tufa te ʼu nusipepa ʼi te ʼu fale gāue, ʼi te ala, ʼi te ʼu lāpalasi, peʼe ʼi te fai fagonogono faigamālie. Kole age kiā nāua pe neʼe feafeaʼi tanā tufa te ʼu nusipepa ʼi te ʼu ʼaluʼaga ʼaia. Fai he faʼifaʼitaki fakanounou ʼo he faʼahiga tufa ʼo te ʼu nusipepa.

Kātiko 52 pea mo te faikole fakaʼosi.

[Nota]