Pokalama ʼo Te Fono Gāue

Vāhaʼa ʼo te ʼaho 12 ʼo Sepetepeli

Kātiko 29

10 min: Te ʼu logo. Te ʼu Tonu. ʼAki te ʼu manatu ʼo te pasina 8 (mo kapau ʼe ʼaoga ki tokotou telituale) fai he ʼu faʼifaʼitaki moʼo fakahā Te Tule Leʼo ʼo te ʼaho 15 ʼo Sepetepeli pea mo te Réveillez-vous ! ʼo te ʼaho 22 ʼo Sepetepeli. Kapau ʼe mole heʼeki tau mai te ʼu nusipepa ʼaia, pea fai te ʼu faʼifaʼitaki ʼaki te ʼu nusipepa fakamuli e lua. ʼE feala ke fai he faʼifaʼitaki ʼe ʼalutahi mo te ʼu ʼaluʼaga ʼo tokotou telituale. ʼE fai anai he faʼifaʼitaki e he tagata ʼāfea pea ko te tahi faʼifaʼitaki ʼe fai anai e he tūpulaga. ʼI te hili ʼo te ʼu faʼifaʼitaki, talanoa ki te ʼu puani lelei ʼo te ʼu faʼifaʼitaki.

20 min: “Tou Fakaʼaogaʼi Fakapotopoto Totatou Temi.”a Kole age ki te nofoʼaki ke nātou fakahā atu pe neʼe nātou fakatuʼutuʼu feafeaʼi he temi moʼo lau ia te Tohi-Tapu ʼi te ʼaho fuli. Fakaloto mālohiʼi te ʼu famili pea mo te ʼu tēhina mo tuagaʼane ke nātou fakaʼaogaʼi te pepa ʼaē neʼe tufa tahi mo Te Minisitelio ʼo Te Puleʼaga ʼo Maio 2005, moʼo tokoni ki te ʼu fakatuʼutuʼu ʼo tanatou ʼu gāue fakalaumālie.

15 min: “Tou Fai He ʼu Ako Tohi-Tapu ʼe Tuputupu.”b Ko he fai palalau mo te nofoʼaki ʼe fakatafito ki te Koga ʼUluaki pea mo te Lua ʼo te pepa ʼaē neʼe tufa tahi mo Te Minisitelio ʼo Te Puleʼaga. ʼE feala hakotou fakaʼaogaʼi mo Te Minisitelio ʼo Te Puleʼaga ʼo ʼAukusito 2004, ʼi te pasina 1. He koʼe ʼe maʼuhiga ke koutou teuteuʼi lelei te ʼu ako Tohi-Tapu ʼaē ka koutou fai? ʼE feafeaʼi takita teuteuʼi lelei? Kole ki te nofoʼaki ke nātou fakamatala atu peʼe neʼe nātou fakaʼaogaʼi feafeaʼi te ʼu tokoni ʼaē ʼe tuʼu ʼi Te Minisitelio ʼo Te Puleʼaga. ʼI te fakaʼosi, koutou talanoa ki te fakamatala ʼaē ʼe ʼātakai, ʼaē ʼe tuʼu ʼi ʼoluga ʼo te ʼuluaki pasina ʼo te pepa ʼaē neʼe tufa tahi mo Te Minisitelio ʼo Te Puleʼaga.

Kātiko 110 pea mo te faikole fakaʼosi.

Vāhaʼa ʼo te ʼaho 19 ʼo Sepetepeli

Kātiko 105

10 min: Te ʼu logo. Vakaʼi te ʼu manatu tāfito ʼo te tohi ʼo te filiale, ʼaē ʼe tuʼu ʼi te ʼuluaki pasina ʼo Te Minisitelio ʼo Te Puleʼaga ʼaenī.

20 min: Neʼe Feafeaʼi Tatatou Gāue ʼi Te Taʼu ʼAenī Kua Hili? ʼE talanoa anai ia te taupau ʼo te gāue ki te taʼu gāue ʼaē kua hili, ʼo ina fakamatala te ʼu gāue lelei ʼaē neʼe fai ʼi te minisitelio. Fai he ʼu fakamālo ki te kokelekasio. Talanoa ki he puani e tahi peʼe lua ʼe tonu ke tokaga anai kiai ia te kokelekasio lolotoga te taʼu ka haʼu. Talanoa ki te gāue ʼa te kau pionie, ʼo fakamālo age ki tanatou ʼu gāue lelei. Fakamatala te ʼu fua lelei ʼo te gāue ʼaē neʼe fai moʼo tokoni ki te ʼu tēhina mo tuagaʼane ʼaē neʼe mole kei fai faka mafola.

15 min: “Koutou Haga Felagalagaʼaki.”c Kole ki te nofoʼaki ke nātou fakamatala te ʼu fua lelei ʼaē neʼe nātou maʼu ʼi te tokoni ʼofa ʼaē neʼe fai age kiā nātou.

Kātiko 158 pea mo te faikole fakaʼosi.

Vāhaʼa ʼo te ʼaho 26 ʼo Sepetepeli

Kātiko 106

10 min: Te ʼu logo. Lau te falā pea mo te ʼu meʼa ʼofa. Fakamanatuʼi ki te kau fai faka mafola ke nātou ʼaumai tanatou ʼu kiʼi pepa tānaki gāue ʼo Sepetepeli.

15 min: Ko he akonaki ʼe ʼaoga ki te kokelekasio.

20 min: Tou Tala Te Logo Lelei ʼAki Te ʼu Nusipepa. Lolotoga te māhina ʼo ʼOketopeli ʼe tou tufa anai Te Tule Leʼo pea mo te Réveillez-vous ! ʼI te ʼu ʼuluaki palalau, talanoa ki te ʼu faʼifaʼitaki ʼaē neʼe tuʼu ʼi te Minisitelio ʼo Te Puleʼaga ʼo Fepualio 2005, ʼi te pasina 8, palakalafe 3-6: (1) Koutou foaki te ʼu nusipepa lualua. (2) Fakatuʼutuʼu ki he ʼaho e tahi ʼo te vāhaʼa ke koutou tufa ai te ʼu nusipepa. (3) Koutou fakatuʼutuʼu ʼi te māhina fuli, peʼe ko nusipepa e fia ʼaē ka koutou tufa. (4) Koutou fakaʼaogaʼi te ʼu faigamālie fuli moʼo tufa ia te ʼu nusipepa. (5) Koutou fakaʼaogaʼi lelei te ʼu nusipepa numelo ʼāfea. Koutou faka ʼalutahi te ʼu faʼifaʼitaki mo tokotou telituale. ʼOsi ʼaia, fai he faʼifaʼitaki ʼo te tufa ʼo Te Tule Leʼo ʼo te ʼaho 1 ʼo ʼOketopeli pea mo te Réveillez-vous ! ʼo te ʼaho 8 ʼo ʼOketopeli (kapau ʼe mole heʼeki maʼu te ʼu nusipepa ʼaia, koutou fakaʼaogaʼi te ʼu nusipepa fakamuli) ʼo mulimuli ki te ʼu manatu ʼaē ʼe tuʼu ʼi te pasina 8 ʼo Te Minisitelio ʼo Te Puleʼaga ʼaenī (mo kapau ʼe ʼalutahi mo tokotou telituale). ʼE feala ke fai he ʼu faʼifaʼitaki neʼe hoko moʼoni ʼi tokotou telituale. Tahi ʼaē meʼa, talanoa ki te tahi ʼu alatike ʼi te ʼu nusipepa ʼaē ʼe feala ke leleiʼia e te hahaʼi ʼo tokotou telituale, pea mo fai he faʼifaʼitaki ʼo ʼuhiga mo te ʼu alatike ʼaia. ʼI te hili ʼo he faʼifaʼitaki, talanoa ki te ʼu puani lelei ʼaē ʼe feala ke tāʼofi.

Kātiko 3 pea mo te faikole fakaʼosi.

Vāhaʼa ʼo te ʼaho 3 ʼo ʼOketopeli

Kātiko 54

5 min: Te ʼu logo.

20 min: “Tou Tokoni Ki Te Kau Ako Ke Nātou ‘Fakalogo ʼAki Tonatou Loto.’ ”d Kapau ʼe maʼu he temi, fakaafe te nofoʼaki ke nātou fakamatala ia te ʼu vaega ʼaē ʼe tuʼu ʼi te alatike.

20 min: Tou Fakafiafia Te Loto ʼo Sehova. (Taag. 27:11) Fakafehufehuʼi he ʼu kaugana ʼa Sehova e lua peʼe tolu, kua fualoa hanatou tauhi kiā te ia. Fakaafe ia nātou takitokotahi ke nātou fakamatala he faʼahi e tahi peʼe lua neʼe tokoni kiā nātou ke nātou haga fakalogo kiā Sehova. ʼE feala ke nātou talanoa ki tanatou ako takitokotahi ʼaē ʼe nātou fai tuʼumaʼu, tanatou kau tuʼumaʼu ki te ʼu fono, tanatou fakatahi mo te tahi ʼu kaugana agatonu, tanatou gāue ʼaki he loto kātoa ʼi te minisitelio, tanatou ʼu faikole fakamalotoloto, pea mo tanatou fakafisi ki te ʼu fakafiafia ʼaē ʼe mole lelei. Ko te ʼu ʼaluʼaga fea ʼaē neʼe ʼahiʼahi ai tanatou fakalogo? Koteā te ʼu tapuakina ʼaē neʼe nātou maʼu ʼi tanatou fakalogo?

Kātiko 59 pea mo te faikole fakaʼosi.

[Nota]