Polokalama ʼo Te Fono Gāue

Vāhaʼa ʼo te ʼaho 13 ʼo Fepualio

Kātiko 121

10 min: Te ʼu logo. ʼAki te ʼu manatu ʼi te pasina 8 peʼe ko he tahi age ʼu palalau ʼe ʼalutahi mo takotou telituale, koutou faʼifaʼitakiʼi te tufa ʼo Te Tule Leʼo ʼo Fepualio pea mo te Réveillez-vous ! ʼo Fepualio peʼe ko te ʼu nusipepa fakamuli ʼaē kua tou maʼu. ʼE fakahā e te faʼifaʼitaki e tahi te fai fagonogono ʼi he koga meʼa ʼe hahaʼi.

10 min: ʼE Koutou Haga Haʼele Koa Mo Te Kautahi ʼa Sehova? Ko he akonaki ʼe fakatafito ki te tohi Organisés pour faire la volonté de Jéhovah, ʼi te pasina 7 ki te 10.

25 min: “Tou Uga Te Hahaʼi Ke Nātou Tokagaʼi ‘Te Malama o Te Malama-nei.’ ”a ʼE fai e te taupau ki te gāue. Tala ifo te ʼu higoa ʼo nātou ʼaē ʼe pionie vaeluaʼi temi, pea mo te ʼu fono fai faka mafola ʼaē kua fakatuʼutuʼu ki te faʼahi ʼaia. Talanoa ki te ʼu polokalama fai faka mafola ʼaē ʼe nātou faka faigafua ia te selevisi pionie vaeluaʼi temi, ʼi te pasina 5 ʼo te pepa ʼaē neʼe tufa tahi mo Te Minisitelio ʼo Te Puleʼaga ʼo Fepualio 2005.

Kātiko 224 pea mo te faikole fakaʼosi.

Vāhaʼa ʼo te ʼaho 20 ʼo Fepualio

Kātiko 89

10 min: Te ʼu logo. Te ʼu Tonu.

15 min: “Tou Fakatupu He ʼu Faigamālie Ke Tou Fai Faka Mafola.”b Fakaafe he kaugā fagona neʼe tau mo ni ʼu faigataʼaʼia, ke ina fakamatala pe neʼe lava feafeaʼi hana fakatupu he ʼu faigamālie ke fai faka mafola.

20 min: “Ko He Tokoni ʼe Faigafua Tona Maʼu.”c ʼE fai e he tagata ʼāfea. Fakaʼaogaʼi mo te ʼu manatu ʼo te ʼu alatike Te Tali Ki ʼAkotou ʼu Fehuʼi ʼi Te Minisitelio ʼo Te Puleʼaga ʼo Novepeli 1998 pea mo Novepeli 2000.

Kātiko 1 pea mo te faikole fakaʼosi.

Vāhaʼa ʼo te ʼaho 27 ʼo Fepualio

Kātiko 20

10 min: Te ʼu logo. Lau ʼo te falā pea mo te ʼu meʼa ʼofa. Fakamanatuʼi ki te kau fai faka mafola ke nātou ʼaumai tanatou ʼu pepa tānaki gāue ʼo Fepualio. ʼAki te ʼu manatu ʼi te pasina 8 peʼe ko he tahi ʼu faʼahiga palalau ʼe ʼalutahi mo takotou telituale, koutou fai he faʼifaʼitaki ʼo te tufa ʼo Te Tule Leʼo ʼo Malesio peʼe ko te Réveillez-vous ! ʼo Malesio. Kapau mole heʼeki tau mai, koutou fakahā te ʼu nusipepa fakamuli ʼaē kua tou maʼu.

10 min: Ko he akonaki ʼe ʼaoga ki te kokelekasio.

25 min: Te Faʼahiga Tufa ʼo Te Tohi Te Ako Mai Te Tohi-Tapu. ʼI te māhina ʼo Malesio ʼe tou tufa anai te tohi foʼou ʼaia. ʼAki te ʼu manatu ʼi te pepa ʼaē neʼe tufa tahi mo Te Minisitelio ʼo Te Puleʼaga ʼo Sānualio 2006, ʼi te pasina 3 ki te 6, vakaʼi pea mo fai he ʼu faʼifaʼitakiʼi ʼaki he ʼu kaugā fai faka mafola ʼe nātou fakaʼaogaʼi te ʼu faʼahiga palalau ʼaē ʼe ʼalutahi mo takotou telituale. Fakaafe te nofoʼaki ke nātou fakamatala he ʼu meʼa neʼe hoko ʼi tanatou fakaʼaogaʼi te tohi foʼou ʼaia, tāfito ʼo ʼuhiga mo te ʼu ako Tohi-Tapu ʼaē neʼe kamata.

Kātiko 6 pea mo te faikole fakaʼosi.

Vāhaʼa ʼo te ʼaho 6 ʼo Malesio

Kātiko 51

10 min: Te ʼu logo. Mai tona ʼaluʼaga ʼaē ʼe faigafua takita ʼave mo kita te ʼu kiʼi pepa lotu ʼe fia sio kiai te hahaʼi, ʼe feala ke tou fakaʼaogaʼi moʼo kamata ʼaki he ʼu fai palalau ʼi te fai faka mafola ʼi te ʼu ʼapi, ʼi te ʼu koga meʼa ʼaē ʼe hahaʼi, pea mo ʼi te fai fagonogono faigamālie. Fai he faʼifaʼitaki ʼe fakahā ai te kamata ʼo he fai palalau ʼaki te kiʼi pepa foʼou Kua Vave Fakagata Te ʼu Mamahi Fuli! Talanoa ki te vaega Tohi-Tapu e tahi ʼi te ʼu vaega ʼaē ʼe tuʼu ʼi te pasina 2 ʼo te kiʼi pepa lotu.

15 min: “Tou ʼOʼofa Ki Te Hahaʼi ʼo Tou Teuteuʼi Lelei Tatatou Gāue.”d Fai he faʼifaʼitaki nounou neʼe teuteuʼi e te ʼu kaugā faka mafola e lua ia te tufa ʼo te tohi Te Ako Mai Te Tohi-Tapu. ʼE nā filifili he faʼifaʼitaki e tahi ʼe tuʼu ʼi te pepa ʼaē neʼe tufa tahi mo Te Minisitelio ʼo Te Puleʼaga ʼo Sānualio 2006 pea mo nā vakaʼi tanā ʼu faʼahiga palalau ʼaē ʼe feala ke nā fakaʼaogaʼi ki te telituale. ʼE fakaʼosi te faʼifaʼitaki ʼaia ʼaki tanā faʼifaʼitakiʼi te ʼu palalau ʼaē ka nā fai.

20 min: “Tou Fakaʼaogaʼi Te ʼu Foʼi ʼAta Viteo Moʼo Akoʼi Te Hahaʼi.”e ʼI takotou talanoa ki te ʼu foʼi ʼata viteo takitahi ʼaē ʼe tuʼu ʼi te alatike, koutou fakahā te takafi ʼo te foʼi ʼata pea mo lau te kiʼi manatu nounou ʼaē ʼe tohi ʼi te tuʼa foʼi ʼata. Kole ki te nofoʼaki ke nātou fakamatala pe neʼe nātou felāveʼi mo he ʼu ʼaluʼaga neʼe nātou fakaʼaogaʼi ai te ʼu foʼi ata viteo ʼi tanatou minisitelio.​—Vakaʼi te Annuaire 1997, ʼi te pasina 54 pea mo te Annuaire 1995, ʼi te pasina 50 mo te 51.

Kātiko 68 pea mo te faikole fakaʼosi.

[Nota]