Te ʼu Tonu

◼ Te tufa ʼo te māhina ʼo Fepualio: Koutou Tokagaʼi Te Lea Faka Polofeta ʼa Taniela! Malesio: Te tohi foʼou Koteā ʼAē ʼe Akoʼi Moʼoni Mai ʼi Te Tohi-Tapu? Koutou faiga ke koutou kamata ʼaki he ʼu ako Tohi-Tapu. ʼApelili Mo Maio: Te Tule Leʼo pea mo te Réveillez-vous ! Ka koutou ʼaʼahi te ʼu hahaʼi neʼe fia logo, ʼo feiā mo nātou ʼaē neʼe kau ki te ʼAho Fakamanatu peʼe ki he tahi fakatahi kae mole nātou fakatahi mo te kokelekasio, koutou faiga tāfito ke koutou tufa te tohi foʼou Koteā ʼAē ʼe Akoʼi Moʼoni Mai ʼi Te Tohi-Tapu? ʼE tonu ke tou fakatuʼutuʼu ke tou kamata he ako Tohi-Tapu ʼaki te tohi ʼaia.

◼ Mai tona ʼaluʼaga ʼaē ko vāhaʼa e nima ʼi ʼApelili, ʼe ko he māhina lelei ʼaia ke toʼo te pionie vaeluaʼi temi.

◼ Ko te akonaki makehe ʼaē ka fai ʼi te temi ʼo te ʼAho ʼo te Fakamanatu ʼo te taʼu 2006, ko tona kupu tāfito “ ʼE Kei Pule Koa Te ʼAtua.” Vakaʼi te tonu ʼo Te Minisitelio ʼo Te Puleʼaga ʼo Sepetepeli 2005.

◼ Ko te alatike ʼi te pasina 6 ʼaē ko tona kupu tāfito “Tou Fiafia ʼi Te Ako ʼo Te Tohi Koteā ʼAē ʼe Akoʼi Moʼoni Mai ʼi Te Tohi-Tapu?” ʼe vakaʼi anai ʼi te Fono Gāue ʼo te vāhaʼa ʼo te ʼaho 3 ʼo Sūlio. Koutou taupau fakalelei te alatike ʼaia pea mo te polokalama ako ʼaē ʼe ʼalutahi mo ia.

◼ Ko te taupau pelesita peʼe ko he tahi neʼe ina hinoʼi, ʼe tonu anai ke ina vakaʼi te falā ʼo te kokelekasio ʼi te ʼaho 1 ʼo Malesio peʼe ʼi te hili pe ʼo te ʼaho ʼaia. Kapau ʼe ʼi ai he tahi compte moʼo fai ʼaki te ʼu gāue, ʼaē ko te toe fakafoʼou ʼo te fale, peʼe ko te laga fale, ʼe fai anai he fakatuʼutuʼu moʼo vakaʼi te compte ʼaia. ʼI te ʼosi vakaʼi ʼo te ʼu falā ʼaia, ʼe lau anai ki te kokelekasio ʼi te vāhaʼa ʼaē ka lau ai te falā.

◼ Ko te sikalaipe pea mo te tagata taupau ki te gāue, ʼe nā vakaʼi anai te gāue ʼa te kau pionie kātoa fuli. Kapau ʼe faigataʼa ki he tahi ke ina fai tona ʼu hola, pea ʼe fai anai e te kau tagata ʼāfea he ʼu fakatuʼutuʼu ke nātou tokoni ki ai. ʼE koutou maʼu anai he ʼu tokoni ʼi te ʼu tohi S-201 ʼaē ʼe fai ʼi te taʼu fuli.