Fakamanatu ʼo Te Ako Faka Teokalatike

Ko te ʼu fehuʼi ʼaenī, ʼe vakaʼi anai ʼi te fai palalau ʼo te fakamanatu ʼo te Ako Faka Teokalatike lolotoga te vāhaʼa ʼaē ʼe kamata ʼi te ʼaho 24 ʼo ʼApelili 2006. Ko te tagata taupau ʼo te ako ʼe ina fai anai te fakamanatu iā minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 6 ʼo Malesio ʼo aʼu ki te ʼaho 24 ʼo ʼApelili 2006. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe koutou fai anai e koutou totonu hakotou ʼu kumi moʼo maʼu te ʼu tali.​—Vakaʼi te tohi École du ministère pp. 36-37.]

HE KALITĀTĒ KI TE FAIAKONAKI

1. Ka tou faiakonaki, he koʼe ʼe tonu ke tou fai he ʼu kiʼi tuʼu ʼi muʼa ʼo hatatou hiki ki he tahi manatu, kae koteā ʼaē ʼe feala ke ina tāʼofi tatatou fai ia te faʼahi aia? [be p. 98 pal. 2-3]

2. He koʼe ʼe maʼuhiga ke tou fai he ʼu kiʼi tuʼu mokā tou fai faka mafola ki te hahaʼi? [be p. 99 pal. 5–p. 100 pal. 4]

3. He koʼe ʼe maʼuhiga ʼi hatatou faiakonaki, ke ʼiloga lelei te ʼu kupu tāfito, pea ʼe feafeaʼi hatatou fai ia te faʼahi aia? [be p. 101 pal. 1-5, mo te fakamatala ʼaē ʼe ʼātakai]

4. Ka tou lautohi ʼi muʼa ʼo te kaugamālie, ʼe feafeaʼi hatatou tōkakaga ke ʼiloga lelei te ʼu manatu tāfito? [be p. 105 pal. 1-6]

5. He koʼe ʼe maʼuhiga ke tou fakafuafua lelei te mālohi ʼo totatou leʼo mokā tou faiakonaki, pea e feafeaʼi hatatou ʼiloʼi peʼe mālohi feʼauga totatou leʼo? [be pp. 107-108]

AKONAKI N° 1

6. Koteā ʼaē ʼe tatau ai te ʼaluʼaga ʼo te kau Kilisitiano ʼo te temi nei pea mo te ʼaluʼaga ʼo te temi ʼo Esitele pea mo Maletokeo, pea ʼe lava feafeaʼi hatatou mulimuli ki tanā faʼifaʼitaki? [si p. 94 pal. 17]

7. Koteā te faka ʼuhiga ʼo te ʼui ʼaē e Salomone “ko meʼa fuli neʼe vaʼiganoa pea mo tulikaki ʼo te matagi”? (Tnk. 2:11) [w04 15/10 p. 4 pal. 3-4]

8. E feafeaʼi hatatou taupau tatatou ʼofā ʼaē ki te ʼAtua? (Mko. 12:30) [w04 1/3 pp. 19-21]

9. Koteā te ʼu faʼahi ʼaē ʼe kehekehe ai te ʼu koloā fakalaumālie pea mo te ʼu koloā fakamālama? [w04 15/10 pp. 5-7]

10. Koteā ʼaē ʼe lava tokoni mai ke mole fakaleluʼi tatatou fakalogo ʼi te ʼu fakatahi lalahi? [be pp. 15-16]

LAU ʼO TE TOHI-TAPU ʼI TE VĀHAʼA FULI

11. He koʼe neʼe ʼuʼufi ia te fofoga ʼo Amane? (Esite. 7:⁠8)

12. Ko te faʼahiga laumālie feafeaʼi ʼaē neʼe mulimuli kiai te manatu ʼo Elifasi? (Sopo 4:​15, 16) [w05 15/9 p. 26 pal. 2]

13. ʼI te ʼu palalau ʼaē ʼe tohi iā Sopo 7:​9, 10 pea mo Sopo 10:​21, ʼe faka ʼuhiga koa neʼe mole tui ia Sopo ki te toe fakatuʼuake?

14. Koteā te faka ʼuhiga ʼo te ʼui ʼaē e Sopo “ ʼe au hola mo te lauʼi kili ʼo toku ʼu nifo”? (Sopo 19:⁠20)

15. Koteā te faka ʼuhiga ʼo te ʼui ʼaē e Sopo, “ ʼe mole au tuku anai taku agatonu”, pea koteā te ako ʼe tou tāʼofi ai? (Sopo 27:5)