Te ʼu Tonu

◼ Te tufa ʼo te ʼu māhina ʼo ʼApelili Mo Maio: Te Tule Leʼo pea mo te Réveillez-vous ! Ka koutou ʼaʼahi te ʼu hahaʼi ʼaē neʼe fia logo, ʼo feiā mo nātou ʼaē neʼe kau ki te ʼAho Fakamanatu peʼe ki he tahi age fakatahi, kae mole nātou kau ki te kokelekasio, koutou faiga tāfito ke koutou tufa te tohi foʼou Koteā ʼAē ʼe Akoʼi Moʼoni Mai ʼi Te Tohi-Tapu? ʼE tonu ke tou fakatuʼutuʼu ke tou kamata he ako Tohi-Tapu ʼaki te tohi ʼaia. Sūnio: Te tohi Te Manuʼia Faka Famili peʼe ko te tohi Te ʼAtamai Mālama. Sūlio: ʼE Koutou Lava Kaumeʼa Mo Te ʼAtua! peʼe ko he tahi kaupepa ʼi te ʼu kaupepa ʼaenī e pasina 32: ʼE Tokaga Moʼoni Koa Te ʼAtua Kia Tatou?, Fiafia Kite Mauli Heegata Ite Kele!, Koteā ʼAē ʼe Hoko Kiā Tatou Mokā Tou Mamate?, Kote puleaga ae ka ina fakatuu anai te Palatiso, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate​—ʼE feala koa hanatou tokoniʼi koutou peʼe natou fakahalaʼi koutou? ʼE nātou maʼuʼuli moʼoni koa?

◼ ʼO kamata ʼi Sūlio, ko te ʼu kiʼi kate ki te fakatahi faka tisitilike ʼo te taʼu 2006, ʼe momoli tahi mai anai mo te ʼu tohi. ʼE mole ʼaoga ke fakaʼui te ʼu kate ʼaia, gata pe mo kapau ʼe ʼi ai he kūtuga ʼo he tahi lea ʼe fakatahi mo takotou kokelekasio. Kapau ʼe loto e te kokelekasio ke toe momoli age he tahi ʼu kate, pea ʼe tonu ke ina fakaʼui ʼi te Pepa Fakaʼui Tohi (S-14). Kapau ʼe loto kiai ʼihi kokelekasio, pea ʼe feala ke nātou fakaʼui te ʼu kiʼi ʼaiʼaga palasitike ʼaē ʼe ʼai kiai te ʼu kate.

◼ ʼE tonu ke taupau e te ʼu sikalaipe ʼo te ʼu kokelekasio he ʼu pepa feʼauga ʼo te pepa Fakaʼui Ki Te Selevisi Pionie Kātoa (S-205) pea mo te pepa Fakaʼui Ki Te Selevisi Pionie Vaeluaʼi Temi (S-205b). ʼE feala ke fakaʼui te ʼu pepa ʼaia ʼi te Pepa Fakaʼui Tohi (S-14). ʼE tonu ke maʼu he ʼu pepa feʼauga ki te taʼu kātoa. ʼI muʼa ʼo te momoli ʼo te ʼu pepa fakaʼui pionie ki te filiale, vakaʼi muʼa peʼe kua fai te ʼu tali ki te ʼu fehuʼi fuli ʼaē ʼe tuʼu ʼi te pepa pionie.

◼ ʼE tonu ke taupau e te filiale te ʼu tuʼasila pea mo te ʼu numelo telefoni ʼa te ʼu taupau pelesita fuli pea mo te ʼu sikalaipe. Kapau ʼi he temi pe ʼe fetogi te ʼu faʼahi ʼaia, ʼe tonu anai ki te Komite Gāue ʼo Te kokelekasio ke ina tohi he pepa, mo sinie, pea mo momoli fakavilivili ki te filiale ia te pepa Fetogi Tuʼasila ʼo Te Taupau Pelesita/Sikalaipe (S-29).