Polokalama ʼo Te Fono Gāue

Fakatokaga: ʼE fai anai ia te Fono Gāue ʼi te vāhaʼa fuli lolotoga te ʼu māhina ʼo ʼAukusitō pea mo Sepetepeli. ʼE lagi tonu anai ke fai e te ʼu kokelekasio ni ʼu fetogi ke feala hanatou kau ki te Fakatahi Faka Tisitilike “Kua Ōvi Mai Ia Te Hāofaki!” Kapau ʼe feala, fakaʼaogaʼi ni ʼu minuta e 15 ʼi te Fono Gāue fakaʼosi ʼi muʼa ʼo te fakatahi lahi moʼo toe vakaʼi ia te ʼu fakamanatu ʼo te pepa ʼaē neʼe ʼalutahi mo Te Minisitelio ʼo Te Puleʼaga. Hili he māhina e tahi peʼe lua ki takotou fakatahi lahi, tuku ni ʼu minuta e 15 peʼe 20 ʼi te Fono Gāue moʼo vakaʼi ia te ʼu puani maʼuhiga ʼo te fakatahi (lagi ʼe fakaʼaogaʼi te ʼu minuta ʼaē neʼe tuku moʼo fai he akonaki ʼe ʼaoga ki te kokelekasio). ʼE mole ko he fakamanatuʼi ʼo te ʼu akonaki fuli ʼo te polokalama ʼo te fakatahi. Kae fakamanatuʼi tāfito te ʼu puani ʼaē ʼe pipiki ki te gāue fai faka mafola. Fakaafe ia te nofoʼaki ke ina fakahā pe neʼe feafeaʼi tanatou mulimuli ki te ʼu tokoni ʼaia ʼi tanatou minisitelio.

Vāhaʼa ʼo te ʼaho 10 ʼo Sūlio

Kātiko 4

10 min: Te ʼu logo. ʼAki te ʼu manatu ʼaē ʼe tuʼu ʼi te pasina 8 peʼe ko he tahi faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo ʼAukusitō pea mo te Réveillez-vous ! ʼo Sūlio. ʼI te tahi faʼifaʼitaki, fakahā peʼe feafeaʼi he tali ki he tahi ʼe ina ʼui mai: “Nous sommes déjà chrétiens” (Kua mātou Kilisitiano) (Vakaʼi te tohi Raisonner, pasina 19.) Fakahā te ʼu fakatuʼutuʼu makehe ki te fai faka mafola ʼi te ʼaho 14 ʼo Sūlio.

15 min: E Feafeaʼi Te Fakatuʼutuʼu Pea Mo Te Takitaki ʼo Te Kokelekasio. Ko he akonaki pea mo he fai palalau mo te nofoʼaki ʼe fakatafito ki te kapite 4 ʼo te alatike Kua Nātou Fakatuʼutuʼu Moʼo Fai ʼo Te Finegalo ʼo Sehova, ʼaē ʼe tuʼu ʼi te pepa ʼaē neʼe tufa tahi atu mo Te Minisitelio ʼo Te Puleʼaga ʼaenī.

20 min: “Tou Fakatuputupu Ia Te Loto Fakafetaʼi ʼo ʼUhiga Mo Te ʼu Kalitātē Māʼoluga ʼo Sehova.”a Fai he faʼifaʼitaki ʼe fakahā ai te fakaʼaogaʼi ʼo te ʼu fehuʼi moʼo tokoni ki he tahi ʼe ina ako Tohi-Tapu ke ina fakakaukauʼi te ʼu puani ʼaē ʼe tuʼu ʼi te fakamatala ʼaē ʼe ʼātakai ʼi te fakaʼosi ʼo te kapite 1 ʼo te tohi Te Ako Mai Te Tohi-Tapu.

Kātiko 45 pea mo te faikole fakaʼosi.

Vāhaʼa ʼo te ʼaho 17 ʼo Sūlio

Kātiko 7

10 min: Te ʼu logo. Te ʼu Tonu. Vakaʼi fakanounou te alatike ʼo Te Tule Leʼo ʼo te ʼaho 15 ʼo ʼAukusitō 2000 ʼi te pasina 32. Fakahā ia te ʼu lelei ʼaē ʼe tou maʼu mo kapau ʼe tou fai hata polokalama lau ʼo te Tohi-Tapu ʼi te ʼaho fuli, tatau aipe mokā tou mālōlō peʼe ʼi he tahi ʼatu ʼu temi.

15 min: Ko Te ʼOfa Pea Mo Te Agavaivai​—ʼE Ko He ʼu Kalitātē Maʼuhiga Ki Te Minisitelio. Ko he akonaki ʼe fakatafito ki Te Tule Leʼo ʼo te ʼaho 15 ʼo ʼAukusitō 2002, pasina 18-20, palakalafe 13-20.

20 min: “Tou Muliʼi Ia Te Faʼifaʼitaki ʼo Totatou ‘ ʼAtua Fiafia’ Ko Sehova.”b Fakaafe te nofoʼaki ke nātou fakahā ia te ʼu meʼa ʼaē ʼe tokoni kiā nātou ke nātou fiafia tuʼumaʼu pea mo maʼu he ʼu manatu ʼe lelei mokā nātou faka mafola ʼi tonatou telituale.

Kātiko 166 pea mo te faikole fakaʼosi.

Vāhaʼa ʼo te ʼaho 24 ʼo Sūlio

Kātiko 220

15 min: Te ʼu logo. Lau te falā pea mo te ʼu meʼa ʼofa. ʼAki te ʼu manatu ʼaē ʼe tuʼu ʼi te pasina 8 peʼe ko he tahi age ʼu manatu ʼe ʼalutahi mo tokotou telituale, koutou fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo ʼAukusitō pea mo te Réveillez-vous ! ʼo ʼAukusitō. ʼI te ʼosi ʼo te ʼu faʼifaʼitaki, toe fakamanatuʼi te ʼu ʼuluaki palalau ʼaē neʼe fakaʼaogaʼi e te ʼu kaugā fai faka mafola moʼo uga te fia logo ʼo ia ʼaē ʼo te loto fale.

10 min: “Neʼe Nātou Tuku He Faʼifaʼitaki Lelei ʼo ʼUhiga Mo Te Agatonu.” Ko he akonaki, ʼe talanoa ai ki he ʼu fakamatala neʼe hoko ʼo ʼuhiga mo he kau pionie makehe peʼe ko he ʼu fakafehuʼi ʼe fai ki he kau pionie makehe ʼo te kokelekasio.​—Vakaʼi ʼi te Index des publications de la Société Watch Tower ʼi te kupu tāfito “Pionnier spécial” (Pionie Makehe).

20 min: Koutou Mālolohi, Pea Mo Tāʼofi Maʼu. (1 Ko. 15:58) Fakafehuʼi he ʼu kaugā fai faka mafola e toko lua peʼe toko tolu, peʼe ko he ʼu pionie neʼe nātou tauhi agatonu lolotoga ni ʼu taʼu. Neʼe feafeaʼi tanatou ʼiloʼi ia te moʼoni? Neʼe feafeaʼi te fai ʼo te gāue fai faka mafola ʼi tanatou kamata kau ki te fai fagonogono? Koteā te ʼu fihifihia neʼe tau mo nātou? Koteā te ʼu tapuakina neʼe nātou maʼu ʼi tanatou mālolohi ʼi te tauhi moʼoni?

Kātiko 12 pea mo te faikole fakaʼosi.

Vāhaʼa ʼo te ʼaho 31 ʼo Sūlio

Kātiko 28

10 min: Te ʼu logo. Fakamanatuʼi ki te kau fai faka mafola ke nātou ʼaumai tanatou ʼu kiʼi pepa tānaki gāue ʼo Sūlio. Fakahā te tufa ʼo ʼAukusitō.

15 min: “Tou Haga Talitali Kiā Sehova.”c Ko te akonaki ʼe fai e te sikalaipe ʼo te kokelekasio. Koutou fakahā te fakatahi ʼaē ka kau kiai te kokelekasio. Koutou fakaafe te nofoʼaki ke nātou fakamatala peʼe feafeaʼi ʼo he kamata ʼo he fagonogono ʼaki te fakaʼaogaʼi ʼo te kate ʼo te fakatahi. Fakaloto mālohiʼi te nofoʼaki ke nātou fakaʼaogaʼi te ʼu faigamālie fuli ke nātou fakahoko he fagonogono faigamālie.

20 min: “Tou Fakatuputupu He ʼu Agamāhani Fakalaumālie ʼe Lelei, Pea ʼe Tou Utu Anai He ʼu Tuʼuga Tapuakina.”d Fakaafe te nofoʼaki ke nātou fakahā te ʼu faiga ʼaē neʼe nātou fai moʼo fakahoko pea mo taupau hanatou ʼu agamāhani fakalaumālie ʼe lelei, pea mo te ʼu tapuakina ʼaē neʼe nātou maʼu ai.

Kātiko 211 pea mo te faikole fakaʼosi.

Vāhaʼa ʼo te ʼaho 7 ʼo ʼAukusitō

Kātiko 39

10 min: Te ʼu logo. Vakaʼi fakanounou te ʼu ʼuluaki palalau ʼaē ʼe lava fakaʼaogaʼi ʼi te telituale. (Vakaʼi ʼi te pasina 8 ʼo Te Minisitelio ʼo Te Puleʼaga ʼo Sānualio 2005) Fakahā te ʼu fakatuʼutuʼu makehe ki te fai faka mafola ʼi te ʼaho 15 ʼo ʼAukusitō.

15 min: Te ʼu Fono ʼe Nātou Uga Ki Te ʼOfa Pea Mo Te ʼu Gāue Lelei. Ko he akonaki ʼe fakatafito ki Te Tule Leʼo ʼo te ʼaho 15 ʼo Malesio 2002, pasina 24 mo te 25. Fai fakanounou he fakafehuʼi moʼo fakahā ia te faiga ʼaē neʼe fai he kaugā fai faka mafola moʼo kau tuʼumaʼu ki te ʼu fono pea mo tona ʼu fua lelei kiā ia.

20 min: Tou Tuputupu Pea Mo Fakapotopoto ʼi Tatatou Minisitelio. Ko he fai palalau mo te nofoʼaki ʼe fakatafito ki Te Tule Leʼo ʼo te ʼaho 1 ʼo Tesepeli 2005, pasina 28-30. ʼE fakatafito ki te ʼu palakalafe 6-11, ʼo fakahā ʼi te fai faka mafola pea mo te faiako ʼa Paulo neʼe fakalogo lelei, neʼe fakapotopoto, pea neʼe faiva. ʼOsi ʼaia, fakaafe te nofoʼaki ke tali ki te ʼu fehuʼi ʼo te ʼu palakalafe 12-14, pea mo tona faʼahiga fakaʼaogaʼi ʼi te telituale. Fai he faʼifaʼitaki, ʼe fakahā e te ʼu kaugā fai faka mafola peʼe feafeaʼi hanatou fakaʼaogaʼi ʼi tanatou minisitelio, tanatou tokagaʼi te ʼu meʼa ʼaē ʼe ʼaoga ki te hahaʼi, te ʼu ʼaluʼaga, pea mo te haʼuʼaga ʼo te hahaʼi.

Kātiko 181 pea mo te faikole fakaʼosi.

[Futnot]