Polokalama ʼo Te Fono Gāue

Vāhaʼa ʼo te ʼaho 14 ʼo ʼAukusitō

Kātiko 163

15 min: Te ʼu logo. Fai palalau ki “Te Polokalama ʼo Te Fakatahi Makehe ʼAho Tahi ʼAē Ka Hoko Mai.” Fakahā te ʼaho ʼaē ka fai ai te fakatahi makehe ʼaho tahi, mo kapau kua ʼiloʼi. ʼAki te ʼu manatu ʼaē ʼe tuʼu ʼi te pasina 6 peʼe ko he tahi faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Sepetepeli pea mo te Réveillez-vous ! ʼo ʼAukusitō, peʼe ko te ʼu nusipepa e lua fakamuli ʼaē kua koutou maʼu. ʼI te tahi faʼifaʼitaki, fakahā peʼe feafeaʼi he tali ki he tahi ʼe ina ʼui mai: “ ʼE mole ʼau fia palalau mo te kau Fakamoʼoni ʼa Sehova.”​—Vakaʼi te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu, pasina 12.

15 min: “ ʼE Tufa Anai Te Réveillez-vous ! Makehe ʼi Sepetepeli.”a ʼI te palakalafe 4, fai he faʼifaʼitaki nounou e he tūpulaga ʼe ina fakamahino ki hona kaumeʼa ako te tupuʼaga ʼo tana fia lau ia te Réveillez-vous ! ʼo Sepetepeli.

15 min: Jusquʼoù peut-on être ami avec ses camarades de classe ? (ʼE feala koa haku fakakaumeʼa lelei mo toku ʼu kaugā ako?) Ko he akonaki pea mo he fai palalau mo te nofoʼaki, ʼe fakatafito ki te Réveillez-vous ! ʼo ʼApelili 2006 ʼi te pasina 17-19. Fakaafe ia nātou ʼaē ʼi te nofoʼaki neʼe lahilahi ake ʼi he loto fale faka Kilisitiano, ke nātou fakahā te ako ʼaē neʼe fai age e tanatou ʼu mātuʼa ke nātou popoto ʼi te fakatokatoka ʼo tonatou ʼu fihifihia pea mo maʼuliʼi te ʼu pelesepeto faka Tohi-Tapu ʼi te faleako. Teuteuʼi fakatomuʼa he fakamatala e tahi peʼe lua ʼo ʼuhiga mo te faʼahi ʼaia.

Kātiko 221 pea mo te faikole fakaʼosi.

Vāhaʼa ʼo te ʼaho 21 ʼo ʼAukusitō

Kātiko 62

10 min: Te ʼu logo. Te ʼu tonu. Fai palalau Ki “Te Polokalama ʼo Te Fakatahi Faka Siliko ʼAē Ka Hoko Mai,” pea mo fakahā ia te ʼaho ʼaē ʼo te fakatahi ʼaia mo kapau kua ʼiloʼi.

15 min: Koutou maʼu ia te ʼu lelei ʼo te Ako ʼo Te Tule Leʼo pea mo te Fono Ki Te Kaugamālie. Ko he akonaki pea mo he fai palalau mo te nofoʼaki, ʼe fakatafito ki te pepa ʼaē ʼe tufa tahi mo Te Minisitelio ʼi te kupu tāfito Kua Nātou Fakatuʼutuʼu Moʼo Fai ʼo Te Finegalo ʼo Sehova, pasina 3.

20 min: Koutou Fakatuʼutuʼu ʼi Te Temi Nei Ke Koutou Pionie Vaeluaʼi Temi! Ko he akonaki pea mo he fai palalau mo te nofoʼaki. Fakaloto mālohiʼi te kokelekasio ke nātou fakatuʼutuʼu ke nātou pionie vaeluaʼi temi ʼi he māhina ʼi te taʼu gāue 2007. (1 Ko. 9:26) ʼE feala anai ki ʼihi ke nātou pionie ʼi te māhina ʼaē ʼe tufa ai te Réveillez-vous ! makehe peʼe ʼi he māhina ʼe ʼi ai he ʼu ʼaho mālōlō peʼe ko fakaʼosi vāhaʼa e nima. Fai ia te fehuʼi ʼaenī ki te nofoʼaki: “Koteā te ʼu fihifihia ʼaē neʼe koutou maʼu puleʼaki kiai ke feala hakotou toʼo ia te selevisi pionie vaeluaʼi temi? Koteā te ʼu tapuakina ʼaē ʼe koutou maʼu ʼi te pionie vaeluaʼi temi? Kapau ʼe koutou fia pionie vaeluaʼi temi kae ʼe koutou tuʼaniaʼi ia te selevisi ʼaia, he koʼe ʼe lelei ke koutou fakahā kiā Sehova ʼi te faikole? (Gaue 4:29; 2 Ko. 4:7; Skp. 1:5) He koʼe ʼe toe lelei pe foki ke koutou felogoi ki te faʼahi ʼaia mo tokotou famili pea mo niʼihi ʼi te kokelekasio, tāfito la ia nātou ʼaē neʼe nātou felāveʼi mo ni ʼu fihifihia ohage ko koutou? (Taag. 15:22) Ko te māhina fea ʼaē kua koutou fakatuʼutuʼu kiai ke koutou pionie vaeluaʼi temi?”

Kātiko 200 pea mo te faikole fakaʼosi.

Vāhaʼa ʼo te ʼaho 28 ʼo ʼAukusitō

Kātiko 17

10 min: Te ʼu logo. Lau ʼo te falā pea mo te ʼu meʼa ʼofa. Fakamanatuʼi ki te kau fai faka mafola ke nātou ʼaumai tanatou ʼu kiʼi pepa tānaki gāue ʼo ʼAukusitō. ʼAki te ʼu manatu ʼi te pasina 6 peʼe ko he tahi ʼu faʼahiga palalau ʼe ʼalutahi mo tokotou telituale, koutou fai he faʼifaʼitaki ʼo te tufa ʼo Te Tule Leʼo ʼaho 1 ʼo Sepetepeli peʼe ko te Réveillez-vous ! ʼo Sepetepeli ʼi he ʼaʼahi ʼo he tahi ʼe ina toʼo tuʼumaʼu te ʼu nusipepa.

15 min: Tou Fakaloto Mālohiʼi ʼIhi. (Loma 1:​11, 12) Ko he akonaki pea mo he fai palalau mo te nofoʼaki. Fakahā peʼe ko pionie kātoa e toko fia ʼi te kokelekasio. ʼE feala ke tou fakaloto mālohiʼi te ʼu pionie kātoa, ʼo fai kiā nātou he ʼu fakavikiviki, ʼo tou talanoa ki te ʼu fua lelei ʼo te selevisi pionie, ʼo tou kaugā gāue mo nātou ʼi te selevisi pionie, mo tou fakaafe nātou ke tou kakai fakatahi, pea mo tou tokoni kiā nātou ʼi te faʼahi ʼo te paʼaga ki tanatou ʼu feʼoloʼaki. Fakaafe te kau pionie kātoa, ke nātou fakamatala atu pe neʼe feafeaʼi honatou fakaloto mālohiʼi e ʼihi tēhina mo tuagaʼane. Kapau ʼi te kokelekasio ʼe mole ʼi ai he ʼu pionie kātoa, ʼe tou lava fakaloto mālohiʼi ia nātou ʼaē ʼe pionie vaeluaʼi temi.

20 min: ʼE Koutou Lava Kamata Koa He Ako Tohi-Tapu ʼi Sepetepeli? Ko he akonaki pea mo fai he ʼu faʼifaʼitaki. ʼI te māhina ʼo Sepetepeli, ʼe tou faiga anai ke tou kamata he ʼu ako Tohi-Tapu ʼi tatatou ʼuluaki fai palalau mo te hahaʼi, ʼo tou fakaʼaogaʼi te tohi Te Ako Mai Te Tohi-Tapu. Ko tona faka ʼuhiga ʼi te temi ʼaē kua tou tuku ai te tohi, ʼe tou faiga anai ke tou fai palalau ki he ʼu palakalafe mo ia ʼo te loto fale. Tou fai palalau ki he ʼu faʼahi ʼe hoko moʼoni ʼi totatou telituale. Fai he ʼu faʼifaʼitaki e lua, ʼe koutou fakahā ai te ʼu fakatuʼutuʼu ʼaē ʼe koutou fai moʼo ʼaʼahi he tahi pea mo hoko atu ia te fai palalau.

Kātiko 37 pea mo te faikole fakaʼosi.

Vāhaʼa ʼo te ʼaho 4 ʼo Sepetepeli

Kātiko 49

10 min: Te ʼu logo.

15 min: Ko he akonaki ʼe ʼaoga ki te kokelekasio.

20 min: “Tou ʼOʼofa Ki Te Hahaʼi​—⁠ʼO Mole Tou Fakapalatahi Mokā Tou Fai Faka Mafola.”b ʼI te koga tohi ʼo Loma 1:​14, ʼaē ʼe tuʼu ʼi te fakaʼosi ʼo te palakalafe 2, talanoa fakanounou ki he ʼu manatu ʼo te ʼUluaki Tohi Étude perspicace, pasina 270, ʼuluaki palakalafe ʼi te kupu tāfito “Barbare.” ʼI te ʼosi vakaʼi ʼo te palakalafe 3, vakaʼi fakanounou te ʼu fakatuʼutuʼu e tolu ʼaē ʼe tuʼu ʼi te pasina 2 ʼo te kiʼi kaupepa Une bonne nouvelle pour des gens de toutes nations, pea mo fai he faʼifaʼitaki ki te faʼahiga fakaʼaogaʼi ʼo te kiʼi kaupepa ʼaia mokā kita felāveʼi mo ni ʼu hahaʼi ʼi totatou telituale ʼe mole tou lea tahi.

Kātiko 114 pea mo te faikole fakaʼosi.

[Kiʼi nota]