Polokalama ʼo Te Fono Gāue

Vāhaʼa ʼo te ʼaho 13 ʼo Novepeli

Kātiko 75

10 min: Te ʼu logo. ʼAki te ʼu manatu ʼi te pāsina 12 peʼe ko te tahi age ʼu faʼahiga palalau ʼe ʼalutahi mo takotou telituale, kotou fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Novepeli pea mo te Réveillez-vous ! ʼo Novepeli, peʼe ko te ʼu nusipepa fakamuli ʼaē kua kotou maʼu. ʼI te tahi faʼifaʼitaki, kotou fakahā te faʼahiga tali ʼaē ʼe tou lava fai ki he tahi ʼe ina ʼui mai: “ ʼE au ʼiloʼi lelei takotou gāue.”—Vakaʼi ia te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu, pāsina 15.

20 min: Ko He ʼu Minisi ʼo Te Logo Lelei. Ko he akonaki pea mo he fai palalau mo te nofoʼaki ʼe fakatafito ki te ʼalatike Kua Nātou Fakatuʼutuʼu Moʼo Fai ʼo Te Finegalo ʼo Sehova, ʼi te pepa ʼaē neʼe tufa tahi atu mo Te Minisitelio ʼo Te Puleʼaga ʼaenī ʼi te pāsina 7 ki te 10.

15 min: “Tou Lototoʼa, Kae Ke Tou Kumi Te Tokalelei.”a Fakaʼaogaʼi mo te ʼu manatu ʼi te tohi École du ministère, ʼi te pāsina 252 ki te 253, ʼi te kupu tāfito ʼaē ʼe tohi fakahipa “Quand se montrer conciliant ” (Kotou Tuku Feiāʼi.)

Kātiko 39 pea mo te faikole fakaʼosi.

Vāhaʼa ʼo te ʼaho 20 ʼo Novepeli

Kātiko 106

10 min: Te ʼu logo. Te ʼu Tonu.

15 min: “Kotou Fafaga Ia Koutou ʼi Te Faʼahi Fakalaumālie.”b

20 min: Tou tufa te tohi Te tagata lahi ʼi te māhina ʼo Tesepeli. Ko he fai palalau mo te nofoʼaki. Fakaafe te nofoʼaki ke natou fakahā te ʼu faʼahi ʼaē ʼe natou leleiʼia ʼi te tohi Te tagata lahi pea mo te ʼu ʼaluʼaga ʼaē neʼe hoko kiā nātou ʼi tanatou tufa te tohi ʼaia ʼi te ʼu māhina ki muʼa atu. Vakaʼi te ʼu faʼahiga palalau moʼo tufa te tohi ʼaia, ʼaē ʼe tuʼu ʼi te pepa ʼaē neʼe tufa tahi mo Te Minisitelio ʼo Te Puleʼaga ʼo Sānualio 2005. Fai he faʼifaʼitaki moʼo fakahā te faʼahiga tufa ʼo te tohi ʼaia, ʼaki te ʼu faʼahiga palalau ʼaē ʼe tuʼu ʼi te pepa ʼaia peʼe ko he tahi age ʼu palalau ʼe fua lelei ʼi te telituale.

Kātiko 59 pea mo te faikole fakaʼosi.

Vāhaʼa ʼo te ʼaho 27 ʼo Novepeli

Kātiko 121

5 min: Te ʼu logo. Lau ʼo te falā pea mo te ʼu meʼa ʼofa.

10 min: ʼE Natou Laga Fale ʼi Te Logo Tahi Moʼo Fakavikiviki Ki Te ʼAtua. Ko he akonaki ʼe fai e he tagata ʼāfea ʼo fakatafito ki Te Tule Leʼo Fakafalani ʼo te ʼaho 1 ʼo Novepeli 2006, ʼi te pāsina 17 ki te 21.

15 min: “ ʼE Feafeaʼi Hatatou Teuteuʼi Te Fakahā ʼo He Nusipepa?”c Fai mo he faʼifaʼitaki ʼe minuta tolu, ko he ʼu fai faka mafola e toko lua, lagi ko he tehina mo tona ʼohoana, ʼe nā filifili he ʼu ʼuluaki palalau ʼe tuʼu ʼi te pāsina 12 ʼo ʼuhiga mo te ʼu nusipepa ʼo Tesepeli, pea mo nā vakavakaʼi peʼe feafeaʼi hanā fakaʼaogaʼi anai, ʼaki he ʼu kupuʼi palalau ʼaē ʼe faigafua kiā nāua. Pea ʼaki te ʼu manatu e tolu ʼo te ʼalatike, ʼe nā teuteuʼi pea mo fai he faʼifaʼitaki, moʼo fakahā peʼe feafeaʼi tanā fakahā he tahi ʼalatike ʼe nā sio ʼe ʼalutahi mo tanā telituale.

15 min: “Koteā Taku Manatu ʼo ʼUhiga Mo Te ʼu Kihiʼi Koga ʼAē ʼe Toʼo Mai Te ʼu Koga Tāfito ʼo Te Toto Pea Mo Te ʼu Faitoʼo ʼAē ʼe Fakaʼaogaʼi Kiai Toku Toto?” Ko he fai palalau ʼaki he ʼu fehuʼi pea mo he ʼu tali pea mo he faʼifaʼitaki. Ko te tagata ʼāfea ʼaē kā ina fai anai ia te ʼalatike ʼaia, ʼe tonu ke mulimuli fakalelei ki te ʼu manatu ʼaē ʼe tuʼu ʼi te pepa ʼaē neʼe tuku mai e te filiale.

Kātiko 120 pea mo te faikole fakaʼosi.

Vāhaʼa ʼo te ʼaho 4 ʼo Tesepeli

Kātiko 155

10 min: Te ʼu logo. Fakamanatuʼi ki te kau fai faka mafola ke natou ʼaumai tanatou ʼu kiʼi pepa tānaki gāue ʼo Novepeli.

15 min: Te Tali Ki ʼAkotou ʼu Fehuʼi.d ʼE fai e te Tagata Taupau Ki Te Gāue.

20 min: Tou Fakaʼaogaʼi Te Tohi-Tapu Moʼo Fai ʼAki Tatatou ʼu Tali. Ko he fai palalau mo te nofoʼaki ʼe fakatafito ki Te Tule Leʼo ʼo te ʼaho 15 ʼo ʼAukusitō 2002, ʼi te pāsina 17 ki te 18, ʼi te kupu tāfito “Tou Leleiʼia Te ʼu Moʼoni ʼAē ʼe Tou Akoʼi Ki Te Hahaʼi.” Fakaafe te nofoʼaki ke natou tali ki te ʼu fehuʼi ʼo te ʼu palakalafe. Fai he faʼifaʼitaki ʼe fakahā ai he kaugā fagona ʼe tali ki hona kaugā gāue ʼe ina fehuʼi fēnei age: “He koʼe ʼe mole kotou fakaʼaoga te Pō Tapu?” (Vakaʼi te tohi Comment raisonner)

Kātiko 205 pea mo te faikole fakaʼosi.

[Nota]