Fakamanatu ʼo Te Ako Faka Teokalatike
Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Faka Teokalatike lolotoga te vāhaʼa ʼaē ʼe kamata ʼi te ʼaho 25 ʼo Tesepeli 2006. Ko te tagata taupau ʼo te ako ʼe ina fai anai te fakamanatu iā minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 6 ʼo Novepeli ʼo aʼu ki te ʼaho 25 ʼo Tesepeli 2006. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe kotou fai anai e koutou totonu hakotou ʼu kumi moʼo maʼu te ʼu tali.—Vakaʼi te tohi École du ministère pp. 36-37.]
HE KALITĀTĒ KI TE FAIAKONAKI
1. Koteā ʼaē ʼe tonu ke tou tokagaʼi ke feala hatatou fakaʼaogaʼi he vaega Tohi Tapu? [be p. 148 pal. 4–p. 149 pal. 2]
2. Koteā he ʼu faʼahiga fai ʼe feala ke tou fakaʼaogaʼi moʼo faka maʼuhigaʼi ʼo he ʼu kupuʼi palalau? [be p. 151 pal. 3–p. 152 pal. 3]
3. Mai tona ʼaluʼaga ʼaē ʼe maʼuhiga kiā tātou ke tou akoʼi fakamālotoloto ki te hahaʼi ia te Folafola ʼa te ʼAtua, kae koteā ʼaē ʼe tonu ke tou fai moʼo “fakaʼaogaʼi lelei te folafola ʼo te moʼoni”? (2 Tim. 2:15, MN ) [be p. 153 pal. 1-3, mo te fakamatala ʼaē ʼe ʼātakai; p. 154 pal. 1-2]
4. ʼE feafeaʼi hatatou maʼuliʼi ia te ʼu vaega ʼaē ʼe tou lau? [be p. 154 pal. 4–p.155 pal. 3]
5. He koʼē ʼe tonu ke tou faka maʼuhigaʼi ia te ʼaoga ʼo te ʼu manatu ʼaē ʼe tou talanoa kiai, pea koteā he ʼu faʼahiga fai ʼe feala ke tou fakaʼaogaʼi? [be p. 157 pal. 1-5, mo te fakamatala ʼaē ʼe ʼātakai]
AKONAKI N° 1
6. Ko te ʼaluʼaga fea ʼaē ʼe higoaʼi ai ia Salomone ko te tagata tānaki? [si p. 112 pal. 1-3]
7. ʼE feafeaʼi te ʼalutahi ʼo te tohi ʼo Tagata Tānaki pea mo te ʼu akonaki ʼa Sesu? [si p. 114 pal. 16]
8. Koteā ʼaē ʼe fakamoʼoni ai ko te Hiva ʼa Salomone ʼe ko he tohi faka Tohi Tapu? [si p. 115 pal. 3–p. 116 pal. 4]
9. Neʼe fakamoʼoni feafeaʼi e te Takaiga Tohi ʼo Te Tai Mate ʼaē neʼe tohi e Isaia, ko te Tohi-Tapu ʼo te temi ʼaenī ʼe ko te folafola ʼaē ʼe haʼu mai te ʼAtua? [si p. 118 pal. 6]
10. Koteā ʼaē ʼe feala ke tokoni ki he tagata fai akonaki ke ʼaua naʼa ina mohu sioʼi tana ʼu nota? [be p. 42 pal. 2]
LAU ʼO TE TOHI-TAPU ʼI TE VĀHAʼA FULI
11. He koʼē ʼe ko “nātou ʼaē ʼe natou kumi ia Sehova ʼe natou mahino kiā meʼa fuli”? (Taag. 28:5)
12. He koʼē ʼe feala ke tou ʼui “ ʼe fiu te kau vavale ʼi tanatou ʼu gāue kinakina”? (Tnk. 10:15)
13. He koʼē neʼe fakatatau te taʼahine Sulamite ki he “ ʼōloto ʼe lokaʼi,” pea he koʼē ko he faʼifaʼitaki lelei maʼa te ʼu tuagaʼane Kilisitiano ʼaē heʼeki ʼohoana? (Hiva 4:12)
14. ʼI te fakaafeʼi ʼo te kau Iselaele ke natou “toe fakatokatoka te ʼu meʼa,” ʼe faka ʼuhiga koa neʼe kua fakatuʼutuʼu e Sehova ke felōgoi mo tana hahaʼi ke feala he maʼu ʼo he tonu e fakapotopoto? (Isa. 1:18a)
15. Neʼe hoko feafeaʼi ia Isaia 11:6-9 ʼi te ʼu temi muʼa, pea koteā te koga lahi ʼaē neʼe fakahoko?