Te ʼu Tonu

◼ Te tufa ʼo Tesepeli: Te tohi Te tagata ʼaē ʼe lahi tokotahi ʼo te ʼu temi fuli. ʼE feala ke toe tufa mo Te Tohi ʼo Te ʼu Hisitolia Faka Tohi-Tapu. Sānualio Mo Fepualio: Te tohi Te ʼAtamai Mālama ʼAē ʼe Ina Taki Ki Te Maʼuli Heʼegata peʼe ko te kaupepa lahi Fakamaʼua. Malesio: Te tohi Te Ako Mai Te Tohi-Tapu pea ʼe tou faiga mālohi anai ke tou kamata he ʼu ako Tohi-Tapu.

◼ Kua vave tau mai ki te ʼu kōkelekāsio te ʼu pepa fai fakaafe ki te ʼAho Fakamanatu ʼo te taʼu 2007 ʼi te lea ʼo te ʼu kōkelekāsio takitahi. Kapau ʼe ʼi ai he tahi ʼu lea ʼi tokotou telituale pea mo kotou loto ki he ʼu pepa fai fakaafe ʼi te ʼu lea ʼaia, ʼe tonu ke kotou kole fakavilivili te ʼu pepa ʼaia ʼi te pepa Fakaʼui Tohi (S-14). Ko te lisi ʼo te ʼu lea ʼaē neʼe fakaliliu kiai te ʼu pepa fai fakaafe ki te ʼAho Fakamanatu ʼe tuʼu anai ʼi te pepa “Avis aux congrégations” (Logo Ki Te ʼu Kōkelekāsio), ʼaē ʼe momoli ʼi te māhina fuli ki te ʼu kōkelekāsio. Kotou kole pē te ʼu pepa fai fakaafe ʼi te ʼu lea ʼaē ʼe ʼaoga ki tokotou telituale.

◼ ʼUhi ko te maʼuhiga ʼo te ʼAho Fakamanatu, ko te kolesi ʼo te kau tagata ʼāfea ʼe ina filifili anai he tagata ʼāfea kua poto lelei ʼi te faiakonaki, kae mole tonu ke natou fesuisuiʼaki peʼe hinoʼi tuʼumaʼu pē te tehina e tahi moʼo fai te akonaki ʼaia ʼi te taʼu fuli. Kae, kapau ko he tehina ʼāfea fakanofo ʼe feala ke ina fai ia te akonaki, pea ʼe fili anai te tehina ʼaia.