Polokalama ʼo Te Fono Gāue

Vāhaʼa ʼo te ʼaho 11 ʼo Tesepeli

Kātiko 174

10 min: Te ʼu logo. ʼAki te ʼu manatu ʼi te pāsina 10 peʼe ko te tahi age ʼu faʼahiga palalau ʼe ʼalutahi mo tokotou telituale, kotou fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Tesepeli pea mo te Réveillez-vous ! ʼo Tesepeli, peʼe ko te ʼu nusipepa fakamuli e lua ʼaē kua kotou maʼu. ʼI te tahi faʼifaʼitaki, kotou fakahā te faʼahiga tali ʼaē ʼe tou lava fai ki he tahi ʼe ina ʼui mai: “ ʼE mole au loto au kiai.”—Vakaʼi ia te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu, ʼi te pāsina 11.

15 min: Te Ako Faka Teokalatike ʼo Te Taʼu 2007. Ko he akonaki pea mo he ʼu fakafehuʼi ʼo te ʼu tehina mo tuagaʼane, ʼe fai e te tehina taupau ʼo te ako. Fai palalau ki te ʼu puani ʼaē ʼe tonu ke faka maʼuhigaʼi ʼi takotou Ako Faka Teokalatike, ʼe maʼu ʼi te pepa ʼaē neʼe tufa tahi atu mo Te Minisitelio ʼo Te Puleʼaga ʼo ʼOketopeli 2006. Fakamahino te mole tomuʼa tala ifo e te tehina taupau ʼo te ako, te puani ʼaē ʼe tonu ke gāueʼi ʼe ia ʼaē ʼe ina fai tana kiʼi akonaki. Mai tona ʼaluʼaga ʼaē ʼe tou fakaʼosi anai te lau ʼo te Koga Tohi-Tapu Faka Hepeleo mai ia Isaia 24 ki te fakaʼosi ʼo Malakia lolotoga te taʼu 2007, ko te taʼu ʼaenī ʼe ko he faigamālie anai ki te ʼu tehina ʼaē ʼe natou fai te ʼu puani ʼaoga ʼo te Tohi-Tapu pea mo te nofoʼaki ke natou fakaʼaogaʼi tatatou ʼu tohi ʼaē ʼe fakamahino ai te ʼu tohi faka polofeta ʼaia. Fakafehuʼi te ʼu kaugā faka mafola e lua peʼe tolu: ko he tahi neʼe hoki kau age pē ki te ako, ko he tūpulaga ʼe kau ki te ako ʼe tuputupu lelei, pea mo he tehina peʼe ko he tuagaʼane kua māhani ʼi te ako ʼaia. Kole age ke natou fakamatala te ʼu fua ʼo te ako ki tonatou minisitelio pea mo tonatou ʼaluʼaga fakalaumālie. Fakaloto mālohiʼi te nofoʼaki ke natou fakahoko tanatou ʼu kiʼi akonaki, mo fai tali ʼi te ʼu puani ʼaē ʼe ʼaoga ʼo te Tohi-Tapu, pea mo maʼuliʼi te ʼu tokoni ʼaē ʼe foaki ʼi te vāhaʼa fuli ʼi te tohi Tirez profit de l’École du ministère théocratique.

20 min: “ ʼAua Naʼa Puli Te ʼOfa ʼAē Neʼe Kotou Maʼu ʼi Te Kamata.”a Kapau ʼe feʼauga te temi, fakaafe te nofoʼaki ke natou fakamahino ia te ʼu vaega ʼaē ʼe tuʼu ʼi te ʼalatike.

Kātiko 151 pea mo te faikole fakaʼosi.

Vāhaʼa ʼo te ʼaho 18 ʼo Tesepeli

Kātiko 150

10 min: Te ʼu logo. Te ʼu Tonu. Vakaʼi Te Tali Ki ʼAkotou ʼu Fehuʼi. Fakahā lelei te ʼu fakatuʼutuʼu makehe ki te fai faka mafola ʼi te ʼaho 25 ʼo Tesepeli pea mo te ʼaho 1 ʼo Sānualio.

15 min: “Tou Toe ʼAʼahi Ia Nātou Fuli ʼAē Neʼe Fia Logo.”b Fakaafe te nofoʼaki ke natou fakahā peʼe koteā ʼaē neʼe natou fai ke feala hanatou ʼiloʼi te ʼu faʼahi ʼaē ʼe feala ai ke natou toe felāveʼi mo te ʼu hahaʼi ʼaē neʼe fia logo ʼi tanatou fai fagonogono peʼe ʼi tanatou fagonogono ʼi te ala, pea mo natou fakamatala he ʼu ʼaluʼaga fakaloto mālohi neʼe hoko ʼi tanatou ʼaʼahi ia te hahaʼi ʼaia. ʼE feala ke fakatuʼutuʼu fakatomuʼa he ʼu fakamatala e tahi peʼe lua.

20 min: “Ko He Loto Fia Tokoni ʼe Maʼu Ai He ʼu Tapuakina.”c Fakafehuʼi he tehina peʼe ko he tuagaʼane e tahi peʼe lua ʼe ʼiloʼi tanā loto fia tokoni. Neʼe nā fakahā feafeaʼi tanā loto fia tokoni? Neʼe koteā te ʼu fetogi ʼaē neʼe nā fai pea neʼe lava feafeaʼi hanā fakahoko ia te ʼu fetogi ʼaia? Neʼe koteā te ʼu tapuakina ʼaē neʼe nā maʼu ai?

Kātiko 108 pea mo te faikole fakaʼosi.

Vāhaʼa ʼo te ʼaho 25 ʼo Tesepeli

Kātiko 25

10 min: Te ʼu logo. Lau ʼo te falā pea mo te ʼu meʼa ʼofa. ʼAki te ʼu manatu ʼi te pāsina 10 peʼe ko te tahi age ʼu faʼahiga palalau ʼe ʼalutahi mo tokotou telituale, kotou fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Sānualio pea mo te Réveillez-vous ! ʼo Sānualio, peʼe ko te ʼu nusipepa fakamuli e lua ʼaē kua kotou maʼu. ʼI te fakaʼosi ʼo te ʼu faʼifaʼitaki ʼaia, lagaʼi he fehuʼi ʼe ina uga anai ia ia ʼo te ʼapi ke ina fakakaukauʼi, pea ʼe kotou tali anai kiai ʼi te tahi ʼaʼahi ʼaki te tohi Te Ako Mai Te Tohi-Tapu.

15 min: Ko he akonaki ʼe ʼaoga ki te kōkelekāsio.

20 min: “ ʼE ʼi ʼAi Koa Hokotou Telituale ʼe ʼĀteaina Pē Kiā Koutou?”d Ko te tehina taupau ki te gāue ʼe toe talanoa anai ʼo ʼuhiga mo te ʼu tuʼakoi ʼa te telituale ʼa te kōkelekāsio, pea ʼe tonu ke gāueʼi tuʼa fia he telituale, pea mo te ʼu telituale ʼaē ʼe feala ke tuku ʼāteaina pē ki he ʼu kaugā fai faka mafola.

Kātiko 84 pea mo te faikole fakaʼosi.

Vāhaʼa ʼo te ʼaho 1 ʼo Sānualio

Kātiko 158

10 min: Te ʼu logo. Fakamanatuʼi ki te kau fai faka mafola ke natou ʼaumai tanatou ʼu kiʼi pepa tānaki gāue ʼo Tesepeli.

20 min: Ko He ʼu Fakamatala ʼo ʼUhiga Mo Te Tuputupu ʼo Te Fai Faka Mafola. Ko he akonaki pea mo he fai palalau mo te nofoʼaki ʼe fakatafito ki te ʼalatike Kua Natou Fakatuʼutuʼu Moʼo Fai ʼo Te Finegalo ʼo Sehova, ʼi te pepa ʼaē neʼe tufa tahi atu mo Te Minisitelio ʼo Te Puleʼaga ʼaenī ʼi te pāsina 3.

15 min: “Te Fakatahi Faka Tisitilike 2007 ʼa Te Kau Fakamoʼoni ʼa Sehova ‘Kotou Mulimuli Iā Kilisito!’ ”e Ko he akonaki ʼe fai e te sikalaipe ʼo te kōkelekāsio.

Kātiko 65 pea mo te faikole fakaʼosi.

[Nota]