Fakamanatu ʼo Te Ako Faka Teokalatike
Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Faka Teokalatike lolotoga te vāhaʼa ʼaē ʼe kamata ʼi te ʼaho 30 ʼo ʼApelili 2007. Ko te tagata taupau ʼo te ako ʼe ina fai anai te fakamanatu iā minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 5 ʼo Malesio ʼo aʼu ki te vāhaʼa ʼo te ʼaho 30 ʼo ʼApelili 2007. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe kotou fai anai e koutou totonu hakotou ʼu kumi moʼo maʼu te ʼu tali.—Vakaʼi te tohi École du ministère pp. 36-37.]
HE KALITĀTĒ KI TE FAIAKONAKI
1. ʼE feafeaʼi hatatou teuteuʼi he pepa ʼe tuʼu ai te ʼu manatu tāfito ʼo te akonaki ke faigafua tona lau? [be p. 168 pal. 3]
2. Koteā te ʼu faʼahiga fai e fā ʼe feala ke tou fakaʼaogaʼi moʼo fakaʼaluʼalu lelei ia te ʼu manatu ʼo tatatou akonaki? [be p. 170 pal. 3–p. 172 pal. 4]
3. Koteā ʼaē ʼe tonu ke tou manatuʼi mokā tou filifili he ʼu manatu ki te akonaki? [be p. 173 pal. 1-2]
4. Koteā ia te ʼu fua lelei ʼe kotou maʼu ʼi he akonaki ʼe kotou palalau faʼifaʼitaliha ai? [be p. 175 pal. 2-4]
5. He koʼē ʼe lelei hata palalau ʼaki tata ʼu palalau māhani, pea ʼe feafeaʼi hatatou gāueʼi ia te kalitātē ʼaia? [be p. 179 pal. 4, mo te fakamatala ʼaē ʼe ʼātakai; p. 180, te fakamatala ʼaē ʼe ʼātakai]
AKONAKI N° 1
6. ʼE feafeaʼi anai ki he tehina hana teuteuʼi te ʼu puani ʼaoga ki te lau ʼo te Tohi-Tapu ʼo te vāhaʼa? [be p. 47 pal. 3-4]
7. Ko te faʼahi fea ʼo te sākilifisio faitotogi ʼa Kilisito ʼaē ʼe maʼuhiga age? [w05 1/11 p. 14 pal. 1]
8. ʼE tonu ke fakaʼaogaʼi feafeaʼi e he tehina faiakonaki ia te ʼu vaega faka Tohi-Tapu ʼo he akonaki ki te kaugamālie? [be p. 53 pal. 1-2]
9. Koteā ʼaē neʼe fakatuʼutuʼu kiai ia Sesu ʼi tana faiakonaki, pea ʼe feafeaʼi hatatou muliʼi ia tana faʼifaʼitaki? [be p. 57 pal. 1]
10. He koʼē ʼe lelei ke tou fakaʼaogaʼi ʼi tatatou akonaki he ʼu manatu ʼe fefakafeagaiʼaki? [be p. 57 pal. 3-4]
LAU ʼO TE TOHI-TAPU ʼI TE VĀHAʼA FULI
11. ʼE feafeaʼi hatatou fakalogo ki te tokoni ʼaē ʼe iā Selemia 6:16 ke tou haʼele ʼi “te ʼu ala ʼāfea: [pea] kofea koa te ala lelei”?
12. He koʼē neʼe fakaʼaogaʼi e Sehova ia he motuku moʼo foaki he ako ki te kau Sutea heʼe agatonu, pea koteā te ako ʼe feala ke tou tāʼofi mai ai? (Sel. 8:7)
13. ʼE malave feafeaʼi kiā tātou ia te koga tohi ʼo Selemia 15:17, ʼo ʼuhiga mo te ʼu fakafiafia ʼo te temi nei?
14. Koteā ʼaē ʼe fakatatau ai te hahaʼi ki he moʼi kele ʼi te ʼu nima ʼo te Tagata Tufuga ʼIpu Kele Lahi ko Sehova? (Sel. 18:5-11)
15. Koteā te faka ʼuhiga ki totatou temi ia te faʼahiga fakahoahoa ʼo te ʼu puleʼaga ʼi te lisi ʼaē ʼe tuʼu iā Selemia 25:17-26?