Te ʼu Tonu

◼ Te tufa ʼo ʼApelili Mo Maio: Ko Te Tule Leʼo pea mo te Réveillez-vous ! Kā kotou ʼaʼahi te hahaʼi ʼaē ʼe fia logo, kotou ʼaʼahi mo nātou ʼaē neʼe ʼomai ki te ʼAho Fakamanatu peʼe ki te tahi ʼu fakatahi faka teokalatike, kae ʼe mole ʼomai putuputu ki te kōkelekāsio, pea kotou faiga ke kotou kamata he ʼu ako Tohi-Tapu mo te tohi Te Ako Mai Te Tohi-Tapu. Sūnio: Te tohi Te Manuʼia Faka Famili. Sūlio Mo ʼAukusitō: ʼE Koutou Lava Kaumeʼa Mo Te ʼAtua! peʼe ko he tahi age kaupepa ʼi te ʼu kaupepa ʼaenī e pāsina 32: ʼE Tokaga Moʼoni Koa Te ʼAtua Kia Tatou?, Fiafia Kite Mauli Heegata Ite Kele!, Koteā ʼAē ʼe Hoko Kia Tatou Mokā Tou Mamate?, Kote puleaga ae ka ina fakatuu anai te Palatiso, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate — ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa?

◼ ʼO kamata ʼi Sūlio, ko te ʼu kiʼi kate ki te fakatahi faka tisitilike ʼo te taʼu 2007, ʼe momoli tahi mai anai mo te ʼu tohi. ʼE mole ʼaoga ke fakaʼui te ʼu kate ʼaia. Kapau ʼe loto e te kōkelekāsio ke toe momoli age he tahi ʼu kate, pea ʼe tonu ke ina fakaʼui ʼi te Pepa Fakaʼui Tohi (S-14). Kapau ʼe loto kiai ʼihi kōkelekāsio, pea ʼe feala ke ntou fakaʼui te ʼu kiʼi ʼaiʼaga palasitike ʼaē ʼe ʼai kiai te ʼu kate.

◼ ʼE tonu ke taupau e te ʼu sīkalaipe ʼo te ʼu kōkelekāsio he ʼu pepa feʼauga ʼo te pepa Fakaʼui Ki Te Selevisi Pioniē Kātoa (S-205) pea mo te pepa Fakaʼui Ki Te Selevisi Pioniē Vaeluaʼi Temi (S-205b). ʼE feala ke fakaʼui te ʼu pepa ʼaia ʼi te Pepa Fakaʼui Tohi (S-14). ʼE tonu ke maʼu he ʼu pepa feʼauga ki te taʼu kātoa. ʼI muʼa ʼo te momoli ʼo te ʼu pepa fakaʼui pioniē ki te filiale, vakaʼi muʼa peʼe kua fai te ʼu tali ki te ʼu fehuʼi fuli ʼaē ʼe tuʼu ʼi te pepa pioniē.

◼ ʼE tonu ke taupau e te filiale te ʼu tuʼasila pea mo te ʼu nūmelo telefoni ʼa te ʼu taupau pelesitā fuli pea mo te ʼu sīkalaipe. Kapau ʼi he temi pē ʼe fetogi te ʼu faʼahi ʼaia, ʼe tonu anai ki te Komitē Gāue ʼo Te Kōkelekāsio ke ina tohi, mo sinie, pea mo momoli fakavilivili ki te filiale ia te pepa Fetogi Tuʼasila ʼo Te Taupau Pelesitā/Sīkalaipe (S-29).

◼ Neʼe fetogi ʼihi ʼaho ʼaē ʼe tonu ke fai ai te Fakatahi Faka Tisitilike ʼaē ko tona kupu tāfito “Kotou Mulimuli Iā Kilisito!” ʼI Vanuatu, ʼe fai anai te Fakatahi Faka Tisitilike ʼi Luganville ʼi te ʼaho 31 ʼo ʼAukusitō ki te ʼaho 2 ʼo Sepetepeli. ʼI ʼUvea, ʼe ʼaho lua ia te Fakatahi Faka Tisitilike, pea ʼe fai anai ʼi te ʼaho 13 mo te ʼaho 14 ʼo ʼOketopeli.