Polokalama ʼo Te Fono Gāue

Vāhaʼa ʼo te ʼaho 14 ʼo Maio

Kātiko 205

10 min: Te ʼu logo. ʼAki te ʼu manatu ʼaē ʼe tuʼu ʼi te pāsina 8 peʼe ko te tahi faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Maio pea mo te Réveillez-vous ! ʼo Maio peʼe kapau mole heʼeki maʼu, fakahā te ʼu nusipepa fakamuli e lua ʼaē kua tau mai.

20 min: Tou Lagolago Ki Te ʼu Gāue ʼAē ʼe Pipiki Ki Te Puleʼaga ʼo Te ʼAtua ʼAē ʼe Fai ʼi Totatou Telituale Pea ʼi Te Mālamanei. Ko he akonaki pea mo he fai palalau mo te nofoʼaki, ʼe fakatafito ki te kāpite 12 ʼo te ʼalatike Kua Nātou Fakatuʼutuʼu Moʼo Fai ʼo Te Finegalo ʼo Sehova, ʼaē ʼe tuʼu ʼi te pepa ʼaē neʼe tufa tahi atu mo Te Minisitelio ʼo Te Puleʼaga ʼaenī ʼi te pāsina 3 ki te 6.

15 min: “ ʼE Ina Foaki Ia Te Mālohi Kiā Ia ʼAē Kua Gaʼegaʼe.”a Kapau ʼe maʼu he temi, fakaafe te nofoʼaki ke natou fakamatala te ʼu vaega Tohi-Tapu ʼaē ʼi te ʼalatike.

Kātiko 1 pea mo te faikole fakaʼosi.

Vāhaʼa ʼo te ʼaho 21 ʼo Maio

Kātiko 41

10 min: Te ʼu logo. Te Tali Ki ʼAkotou ʼu Fehuʼi.

15 min: ʼE Kotou Lava Ako He Tahi Age Lea! Ko he akonaki ʼe fakatafito ki te Réveillez-vous ! ʼo Malesio 2007 ʼi te pāsina 10 ki te 12. Fakahā te maʼuhiga ʼo te ako ʼo he tahi age lea ʼuhi pē ko te faka mafola ʼo te logo lelei.

20 min: “ ʼE Kotou Lagolago Koa Ki Te Folafola ʼa Te ʼAtua?”b Vakaʼi mo te ʼu manatu ʼe tuʼu ʼi te fakamatala ʼaē ʼe ʼātakai ʼo te tohi École du ministère, pāsina 143 ki te 144.

Kātiko 196 pea mo te faikole fakaʼosi.

Vāhaʼa ʼo te ʼaho 28 ʼo Maio

Kātiko 46

10 min: Te ʼu logo. Lau ʼo te falā. Fakamanatuʼi ki te kau fai faka mafola ke natou ʼaumai tanatou ʼu kiʼi pepa tānaki gāue ʼo Maio. ʼAki te ʼu manatu ʼaē ʼe tuʼu ʼi te pāsina 8 peʼe ko te tahi faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Sūnio pea mo te Réveillez-vous ! ʼo Sūnio peʼe kapau mole heʼeki maʼu, fakahā te ʼu nusipepa fakamuli e lua ʼaē kua tau mai.

20 min: Fakahā Te Tohi Te Manuʼia Faka Famili ʼi Sūnio. Fakahā he ʼu manatu lelei ʼo te tohi pea mo fai he faʼifaʼitaki moʼo fakahā te tufa ʼo te tohi, ʼo fakaʼaogaʼi te ʼu ʼuluaki palalau ki tokotou telituale. Kapau ʼe maʼu he temi, fakaafe te nofoʼaki ke natou fakahā te ʼu fua lelei neʼe natou maʼu ʼi tanatou fakaʼaogaʼi te tohi ʼaia ki tonatou ʼu feʼilo peʼe ko tonatou ʼu kāiga.

15 min: Te ʼu Fakamatala ʼa Te Kau Fai Faka Mafola. Fakamatala te ʼu fua lelei neʼe maʼu e nātou ʼaē neʼe pioniē vaeluaʼi temi pea mo ʼihi kau fai faka mafola neʼe natou gāue mālohi moʼo fakalahi ia tanatou minisitelio ʼi Malesio, mo ʼApelili, mo Maio. Toe fakamatala foki mo te ʼu meʼa ʼaē neʼe hoko kiā nātou ʼaē neʼe tuku kiai te ʼu nusipepa ʼaki te fakatuʼutuʼu ʼaē ke kamata ni ʼu ako Tohi-Tapu. ʼE feala ke faʼifaʼitakiʼi he ʼaluʼaga e tahi peʼe lua neʼe hoko ʼi tokotou telituale.

Kātiko 21 pea mo te faikole fakaʼosi.

Vāhaʼa ʼo te ʼaho 4 ʼo Sūnio

Kātiko 23

10 min: Te ʼu logo. Te ʼu Tonu.

15 min: Ko he akonaki ʼe ʼaoga ki te kōkelekāsio.

20 min: “Akoʼi Ki Takotou Fānau Ke Natou Fakavikiviki Kiā Sehova.”c ʼI te palakalafe 4, talanoa ki te ʼu manatu ʼo te pāsina 3 ʼo Te Minisitelio ʼo Te Puleʼaga ʼo Sūlio 2005.

Kātiko 151 pea mo te faikole fakaʼosi.

[Kiʼi Nota]