Te ʼu Tonu

◼ Te tufa ʼo te ʼu māhina ʼo Sūlio Mo ʼAukusitō: ʼE Koutou Lava Kaumeʼa Mo Te ʼAtua! peʼe ko he tahi age kaupepa ʼi te ʼu kaupepa ʼaenī e pāsina 32: ʼE Tokaga Moʼoni Koa Te ʼAtua Kia Tatou?, Fiafia Kite Mauli Heegata Ite Kele!, Koteā ʼAē ʼe Hoko Kia Tatou Mokā Tou Mamate?, Kote puleaga ae ka ina fakatuu anai te Palatiso, Mokā Mate He Tahi ʼe Tou ʼOfa Mamahi Ai, Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa? Sepetepeli: Te tohi Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu ʼi te ʼuluaki ʼaʼahi. ʼE tonu anai ke tou ʼaʼahi ia te hahaʼi fuli ʼaē neʼe tou tufa ki ai te ʼu tohi, ʼaki te fakatuʼutuʼu ʼaē ke tou kamata he ʼu ako Tohi-Tapu. ʼOketopeli: Te Tule Leʼo pea mo te Réveillez-vous ! Kapau ʼe fia logo he tahi, kotou fakahā age ia te kiʼi pepa lotu ʼE Koutou Fia Mahino Lahi Koa Ki Te Tohi-Tapu? pea mo fai palalau kiai ʼaki te fakatuʼutuʼu ʼaē ke kamata he ako Tohi-Tapu.

◼ Mai tona ʼaluʼaga ʼaē ʼe ko fakaʼosi vāhaʼa e nima ʼi Sepetepeli, koia ʼe ko he māhina lelei ʼaia moʼo toʼo te selevisi pioniē vaeluaʼi temi.

◼ ʼO kamata ʼi Sepetepeli, ʼe fai anai e te ʼu taupau ʼo te silikō te akonaki ki te kaugamālie, ko tona kupu tāfito “Ko Te Tohi-Tapu: Ko He Tohi ʼe Tāu Ke Tou Falala Kiai.”

◼ Iā ʼaho e 30 ʼi muʼa ʼo te ʼaho ʼaē ʼe kole ke kamata ai te selevisi, ʼe tonu ke momoli ki te filiale ia te ʼu pepa fakaʼui ki te selevisi pioniē temi kātoa. ʼE tonu ki te sikalaipe ʼo te kōkelekāsio ke ina toe vakaʼi te ʼu pepa pioniē peʼe kua tohi kātoa. Kapau ʼe mole kei manatuʼi e nātou ʼaē ʼe fia pioniē tonatou ʼaho papitema, pea ʼe tonu anai ke natou fakafuafua peʼe ko te taʼu fea. ʼE tonu anai ki te sikalaipe ke ina tohi te ʼaho ʼaia ki te kate Activité du proclamateur (S-21).

◼ Ko te fakaau kātoa ʼo te ʼu tohi pea mo te ʼu nusipepa ʼaē ʼe toe ʼi te kōkelekāsio ʼi te taʼu fuli, ʼe tonu anai ke fai mo kapau ʼe feala, ʼi te ʼaho 31 ʼo ʼAukusitō 2007, peʼe ʼi he ʼaho ʼe hoa atu kiai. ʼE tatau te fakaau ʼaia ʼo te ʼu tohi pea mo te lau ʼo te falā e te tehina ʼaē ʼe ina vakavakaʼi te ʼu tohi ʼi te māhina fuli, pea ʼe tonu anai ki te ʼu fakaau kātoa ʼaia ke tohi ki te pepa Stock des publications (S-18). ʼE feala ke fakalavelave age ki te ʼu tehina ʼo te ʼu kōkelekāsio ʼaē ʼe natou tōkakaga ki te ʼu nusipepa, pe ko te ʼu nusipepa e fia ʼaē ʼe kei toe. Ko te sikalaipe ʼo te kōkelekāsio ʼe tonu ke ina vakaʼi fakalelei te ʼu tohi. Ko te sikalaipe pea mo te tagata taupau pelesitā ʼo te kōkelekāsio, ʼe nā sinie anai te pepa. ʼE foaki anai ki te kōkelekāsio takitahi te ʼu pepa (S-18) e tolu ʼo te Stock des publications. ʼE kole atu ke kotou momoli mai te pepa ʼaia ki te Sōsietē ʼo fakatuʼakoi ki te ʼaho 6 ʼo Sepetepeli. Kotou taupau te lua pepa ʼaia ʼi takotou ʼu tosie. Ko te tolu pepa ʼe feala anai ke fakaʼaogaʼi ko he pepa gāue.