Te ʼu Tonu

◼ Te tufa ʼo te māhina ʼo Novepeli: Te tohi ʼAtamai Mālama peʼe ko te tohi Te tagata ʼaē ʼe lahi tokotahi ʼi te ʼu temi fuli. Tesepeli: Te tagata ʼaē ʼe lahi tokotahi ʼi te ʼu temi fuli. Peʼe feala ke kotou tufa ia te tohi Te Kalavi ʼo Te Manuʼia Faka Famili. Sānualio: Te tohi Te ʼAtamai Mālama peʼe ko te kaupepa lahi Fakamaʼua. Fepualio: Te Kalavi ʼo Te Manuʼia Faka Famili.

◼ Mai tona ʼaluʼaga ʼaē ko fakaʼosi vāhaʼa e nima ʼi te māhina ʼo Tesepeli, ʼe ko he māhina lelei ʼaia moʼo toʼo ia te selevisi pioniē vaeluaʼi temi.

◼ ʼE feala anai ke maʼu he ʼu tohi faka Tohi-Tapu ʼe lava fakaʼaogaʼi moʼo faka mafola ki te hahaʼi ʼo he tahi age agaʼi fenua peʼe ʼo he tahi age lotu. Ko te tehina ʼaē ʼe tokaga ki te ʼu tohi ʼe ina maʼu te lisi ʼo te ʼu tohi ʼaia.

◼ Ko te ʼu meʼa ʼofa ʼaē ʼe foaki ʼaki he seki, moʼo lagolago ki te gāue ʼaē ʼe fai ʼi te mālamanei pea mo momoli ki te filiale, ʼe tonu ke tohi ai “ASTJ.” Ko te tuʼasila ʼo te filiale ʼe ko te B. P. 1741, 98874 Pont des Français, Nouvelle-Calédonie.

◼ ʼE fakaloto mālohiʼi ia te kau fai faka mafola fuli ke natou tohi tanatou kate ʼo te toto mo kapau ʼe mole heʼeki natou fai ia te faʼahi ʼaia. ʼAki te kate ʼaia ʼo te toto, ʼe fakaʼapaʼapa anai ia te ʼu tōketā ki takotou fakafisi ki te ʼu foʼi huki toto. ʼE tokoni atu anai ia te kau tagata ʼāfea mo kapau ʼe ʼaoga.—Vakaʼi te pepa ʼaē neʼe tufa tahi mo Te Minisitelio ʼo Te Puleʼaga ʼo Novepeli 2006.

◼ ʼE mole kei ʼaoga leva ki te kau fai faka mafola ke natou tohi te kiʼi Pepa Tānaki Ako (S-3) maʼa te ʼu ako Tohi-Tapu fuli ʼaē ʼe natou fai ʼi te māhina fuli. Kae ʼe tonu anai ke natou haga tohi ʼi te kiʼi pepa tānaki gāue (S-4), peʼe ko ako Tohi-Tapu ʼe fia ʼaē ʼe natou fai. ʼO kamata atu ʼi te māhina ʼaenī, ʼe fakaʼaogaʼi pē anai ia te kiʼi pepa S-3 moʼo tohi ia te kaugamālie ʼo te ʼu fono.