Polokalama ʼo Te Fono Gāue

Vāhaʼa ʼo te ʼaho 12 ʼo Novepeli

Kātiko 59

10 min: Te ʼu logo. ʼAki te ʼu manatu ʼaē ʼe tuʼu ʼi te pāsina 4 peʼe ko he tahi faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Novepeli pea mo te Réveillez-vous ! ʼo Novepeli peʼe ko te ʼu nusipepa fakamuli e lua ʼaē kua tau mai. Logolā ko he nusipepa pe e tahi ʼaē ʼe tou fakahā, kae ko te ʼu nusipepa lualua ʼaē ʼe tonu ke tou tufa.

15 min: ‘Lʼargent est à moi, et lʼor est à moi.’ (ʼE ʼAʼaku Te Siliva, Pea ʼe ʼAʼaku Te ʼAulo) Ko he akonaki ʼe fai e he tagata ʼāfea ʼo fakatafito ki Te Tule Leʼo Fakafalani, ʼo te ʼaho 1 ʼo Novepeli 2007, ʼi te ʼu pāsina 17 ki te 21.

20 min: “Tou Haʼele Ohagē Ko He ʼu Hahaʼi Popoto.”a Kapau ʼe feʼauga te temi, fakaafe te nofoʼaki ke natou fakamahino ia te ʼu vaega Tohi-Tapu.

Kātiko 43

Vāhaʼa ʼo te ʼaho 19 ʼo Novepeli

Kātiko 15

10 min: Te ʼu logo. Fakahā ia te tufa ʼo Tesepeli, pea mo fai he faʼifaʼitakiʼi.

15 min: Ko he akonaki ʼe ʼaoga ki te kōkelekāsio.

20 min: “ ʼAua Naʼa Tou Fakafisi Ki Te Fai ʼo He Ako Tohi-Tapu!”b ʼI te palakalafe 5, ʼe fai anai he ʼu fakamatala e nātou ʼaē neʼe natou fai te ako ʼo ni ʼu hahaʼi kua natou hū ki te moʼoni. He koʼē ʼe fakaloto fiafia te fai ʼo he ʼu ako Tohi-Tapu ʼe tuputupu? ʼE feala ke teuteuʼi fakatomuʼa he ʼu fakamatala e tahi peʼe lua.

Kātiko 75

Vāhaʼa ʼo te ʼaho 26 ʼo Novepeli

Kātiko 172

10 min: Te ʼu logo. Lau ʼo te falā pea mo te ʼu meʼa ʼofa. Fakamanatuʼi ki te kau fai faka mafola ke natou ʼaumai tanatou ʼu kiʼi pepa tānaki gāue ʼo Novepeli. ʼAki te ʼu manatu ʼi te pāsina 4 peʼe ko he tahi age faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Tesepeli pea mo te Réveillez-vous ! ʼo Tesepeli peʼe ko te ʼu nusipepa fakamuli e lua ʼaē kua tau mai.

15 min: Pouvez-vous vous élargir en amour? (ʼE Feala Koa Hakotou Fakalahi Age Tokotou ʼOfa?) Ko he akonaki ʼe fai e he tagata ʼāfea ʼo fakatafito ki Te Tule Leʼo Fakafalani ʼo te ʼaho 1 ʼo Sānualio 2007, ʼi te pāsina 9 ki te 11.

20 min: Kau Tūpulaga, ʼe Kotou Lava Fakavikiviki Feafeaʼi Ia Sehova? Ko he fai palalau ʼe fakatafito ki Te Tule Leʼo ʼo te ʼaho 15 ʼo Sūnio 2005, ʼi te pāsina 26 ki te 28, te ʼu palakalafe 15 ki 19, ʼo fakaʼaogaʼi ia te ʼu fehuʼi ʼo te ʼalatike ako. ʼI te palakalafe 18, fakaafe ia te kau tūpulaga ʼi te nofoʼaki ke natou fakamatala pe neʼe feafeaʼi tanatou faka mafola ki tanatou ʼu kaugā ako peʼe ko tanatou kau faiako ʼi te faleako.

Kātiko 5

Vāhaʼa ʼo te ʼaho 3 ʼo Tesepeli

Kātiko 77

15 min: Te ʼu logo. Te ʼu Tonu. Vakaʼi te Tali Ki ʼAkotou ʼu Fehuʼi.

15 min: Ko Te Kau Maʼu Pepa ʼo Te Faleako ʼAia ʼe Ko He Tapuakina Maʼa Te Hahaʼi ʼi Te Mālamanei Kātoa. Ko he akonaki ʼe fakatafito ki Te Tule Leʼo Fakafalani ʼo te ʼaho 15 ʼo Novepeli 2005, ʼi te pāsina 10 ki te 13. Fakafehuʼi fakanounou he ʼu tagata ʼāfea peʼe ko he ʼu faifekau faka minisitelio ʼi te kōkelekāsio neʼe natou kau ki te Ako ʼo Te Minisitelio. Neʼe tokoni feafeaʼi kiā nātou te ako ʼaia ke natou tuputupu ʼi tonatou ʼuhiga tagata fai faka mafola evaselio, mo tagata ʼāfea pea mo faiako? Fakaloto mālohiʼi ia te ʼu tehina ke natou fakakaukauʼi ia te fakatuʼutuʼu ʼaia, ke natou kau ki te Ako ʼo Te Minisitelio.

15 min: “Tou Tala Ki Te Hahaʼi Te ʼAmanaki ʼo Te Puleʼaga.”c Kapau ʼe maʼu he temi, pea kotou fakaafe te nofoʼaki ke natou talanoa ʼo ʼuhiga mo te ʼu vaega ʼaē ʼe tuʼu ʼi te ʼalatike.

Kātiko 86

[Nota]