Polokalama ʼo Te Fono Gāue

Vāhaʼa ʼo te ʼaho 11 ʼo Fepualio

Kātiko 205

10 min: Te ʼu logo. ʼAki te ʼu manatu ʼaē ʼe tuʼu ʼi te pāsina 8 peʼe ko he tahi faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Fepualio pea mo te Réveillez-vous ! ʼo Fepualio peʼe ko te ʼu nusipepa fakamuli e lua ʼaē kua tau mai.

15 min: ʼE Feala Koa Hakotou Gāue ʼi Te ʼu Koga Meʼa ʼAē ʼe ʼAoga Lahi Kiai He Kau Gāue? Ko he akonaki pea mo he fai palalau mo te nofoʼaki ʼe fakatafito ki Te Tule Leʼo ʼo te ʼaho 15 ʼo Sūlio 2003, ʼi te pāsina 20. Fakaʼaogaʼi mo te ʼu manatu ʼi Te Minisitelio ʼo Te Puleʼaga ʼo Malesio ʼo te taʼu 2007, ʼi te pāsina 3, palakalafe 6 ki te pāsina 4, palakalafe 3. Fakafehuʼi nounou niʼihi neʼe natou ʼolo ki he koga meʼa ʼe ʼaoga lahi ai kiai he kau gāue. Koteā te ʼu faigataʼaʼia neʼe hoko kiā nātou, pea neʼe feafeaʼi tanatou tauʼi? Koteā te ʼu tapuakina neʼe natou maʼu?

20 min: Tou Tokoni Kiā Nātou ʼAē ʼe Foʼou Ke Natou Tuputupu ʼi Tonatou ʼUhiga Minisi. ʼI te ʼosi fai ʼo he ʼu ʼuluaki palalau ʼe mole fakalaka ʼi te minuta e tahi, fai palalau ʼaki he ʼu fehuʼi pea mo he ʼu tali ki Te Tule Leʼo ʼo te ʼaho 1 ʼo Tesepeli 2005, ʼi te pāsina 31, ʼo fakaʼaogaʼi ia te ʼu fehuʼi ʼo te ʼalatike ako ʼaē ʼe tuʼu ai. ʼI te ʼosi vakaʼi ʼo te palakalafe 18, fai he faʼifaʼitaki ʼe fakahā ai e he tahi ʼe ina fai he ʼu palalau fakafeagai ki he kaugā fagona foʼou ʼe kaugā fai fakamafola mo he tahi kua māhani. ʼE mole lelei te tali ʼaē ʼe fai e te kaugā fagona foʼou, pea ʼe fakagata ʼe ia ʼo te ʼapi ia te fai palalau. ʼI tanā ʼosi mavae mai ʼi te ʼapi, ko ia ʼaē kua māhani ʼe ina fakamālo fakamālotoloto ki te ʼu faiga ʼo te kaugā fagona foʼou pea ʼe ina fakahā leva kiā ia peʼe feafeaʼi hana lava fakaʼaogaʼi ia te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu moʼo tali ki he tahi ʼe ina fai age anai he ʼu palalau fēia.

Kātiko 50

Vāhaʼa ʼo te ʼaho 18 ʼo Fepualio

Kātiko 17

10 min: Te ʼu logo. Te ʼu Tonu.

10 min: Ko he akonaki ʼe ʼaoga ki te kōkelekāsio.

25 min: “ ʼE Ko He Fakamoʼoni ʼAia ʼo Te Tui!”a ʼE fai e te tehina taupau ki te gāue ʼo te kōkelekāsio. Fakaʼosi ʼaki te vakaʼi ʼo te gāue ʼaē neʼe fai e te kōkelekāsio lolotoga te taʼu gāue ʼaē kua hili.

Kātiko 1

Vāhaʼa ʼo te ʼaho 25 ʼo Fepualio

Kātiko 44

10 min: Te ʼu logo. Fakamanatuʼi ki te kau fai fakamafola ke natou ʼaumai tanatou ʼu kiʼi pepa tānaki gāue ʼo Fepualio. Lau ʼo te falā pea mo te ʼu meʼa ʼofa. Fai he faʼifaʼitaki moʼo fakahā ia te fakaʼaogaʼi ʼo te pepa fakaafe ki te ʼAho Fakamanatu moʼo fakaafe he tahi ʼi te fāmili peʼe ʼi he vāhaʼa fale.

20 min: “Tou Manatuʼi ʼAki He Loto Fakafetaʼi Ia Te Totogi ʼAē Neʼe Foaki e Sehova Pea Mo Sesu.”b Kapau ʼe feʼauga te temi, fakaafe ia te nofoʼaki ke natou fakamahino ia te ʼu vaega Tohi-Tapu ʼaē ʼe tuʼu ʼi ai.

15 min: Tou Teuteu Ke Tou Tufa Ia Te ʼu Nusipepā. Ko he fai palalau mo te nofoʼaki. ʼI te vakaʼi fakanounou ʼo Te Tule Leʼo ʼo te ʼaho 1 ʼo Malesio pea mo te Réveillez-vous ! ʼo Malesio, fehuʼi ki te nofoʼaki pe ko te ʼu ʼalatike fea ʼaē ʼe lagi fia lau e te hahaʼi ʼo te telituale pea he koʼē ʼe natou fia lau. Fakaafe ia te nofoʼaki ke natou fakahā he ʼu manatu tāfito ʼi te ʼu ʼalatike ʼaē ʼe natou fakatuʼutuʼu ke natou palalau kiai. Ko te fehuʼi fea ʼaē ʼe feala ke lagaʼi moʼo kamata ʼaki he fai palalau? Ko te vaega Tohi-Tapu fea ʼi te ʼalatike ʼe feala leva ke lau age? ʼAki te ʼu manatu ʼi te pāsina 8, fai he faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Malesio pea mo te Réveillez-vous ! ʼo Malesio, peʼe ko te ʼu nusipepa fakamuli e lua ʼaē kua tau mai.

Kātiko 7

Vāhaʼa ʼo te ʼaho 3 ʼo Malesio

Kātiko 149

10 min: Te ʼu logo. Vakaʼi te ʼu manatu tāfito ʼo te fakamatala ʼaē ʼe ʼātakai, ko tona kupu tāfito “Te ʼu Fakamanatu ʼo ʼUhiga Mo Te ʼAho Fakamanatu.”

20 min: ʼE Feala Koa Hakotou Kamata He Ako Tohi-Tapu ʼi Malesio? Ko he fai palalau mo te nofoʼaki. ʼI Malesio, ʼe tou tufa anai ia te tohi Te Ako Mai Te Tohi-Tapu ʼaki te fakatuʼutuʼu ʼaē ke tou kamata he ʼu ako Tohi-Tapu. Vakaʼi ʼihi ʼu faʼahi maʼuhiga ʼo te tohi. Fai palalau ʼo ʼuhiga mo tona faʼahiga fakahā mokā tou toe liliu ʼo ʼaʼahi he tahi neʼe fia logo ʼi tatatou tuku age hana pepa fakaafe ki te ʼAho Fakamanatu, peʼe mokā tou ʼaʼahi he tahi neʼe ina toʼo hana ʼu nusipepā, pea mokā tou ʼaʼahi he tahi neʼe tou tuku age hana ʼu nusipepa ʼi te fai fakamafola ʼi te ʼu ʼapi ʼi te hili ʼo te ʼaho 22 ʼo Malesio. (Vakaʼi ia te km 8/07 p. 3; km 3/06 p. 1, pal. 3; km 1/06 pp 3-6.) Fai he ʼu faʼifaʼitaki e tahi peʼe lua.

15 min: Tou Fakaʼaogaʼi Ia Te Tohi-Tapu Moʼo Tali Ki Te ʼu Fehuʼi. Ko he akonaki pea mo he fai palalau mo te nofoʼaki ʼe fakatafito ki te tohi École du ministère, ʼi te pāsina 143 ki te 144. Fai he faʼifaʼitaki nounou ʼe fakahā ai te tali ʼa he kaugā fagona ki he fehuʼi ʼe fai māhani ʼi te telituale pea ʼe ina fakaʼaogaʼi ia te Tohi-Tapu moʼo tali kiai.

Kātiko 17

[Nota]