Te ʼu Tonu

◼ Fepualio: Te Kalavi ʼo Te Manuʼia Faka Famili peʼe ko te tohi Te Fakahā—Kua Ovi Mai Tona Ikuʼaga Lahi! Malesio: Koteā ʼAē ʼe Akoʼi Moʼoni Mai ʼi Te Tohi-Tapu? Kotou faiga ke kotou kamata he ʼu ako Tohi-Tapu. ʼApelili Pea Mo Maio: Ko Te Tule Leʼo pea mo te Réveillez-vous ! ʼE tou faiga tāfito anai ke tou ʼaʼahi te hahaʼi ʼaē ʼe fia logo pea neʼe kau ki te ʼAho Fakamanatu peʼe ki te akonaki makehe ki te hahaʼi fuapē kae ʼe mole natou ʼomai putuputu ki te kōkelekāsio. Ko te fakatuʼutuʼu ʼo te ʼu ʼaʼahi ʼaia ʼe ko te kamata ʼo he Ako Tohi-Tapu mo nātou ʼaē mole heʼeki fai hanatou ako.

◼ Mai tona ʼaluʼaga ʼaē ko fakaʼosi vāhaʼa e nima ʼi te māhina ʼo Malesio, ʼe ko he māhina lelei ʼaia moʼo toʼo te selevisi pioniē vaeluaʼi temi.

◼ Ko te sīkalaipe pea mo te taupau ki te gāue, ʼe nā vakaʼi anai te gāue ʼa te kau pioniē kātoa fuli. Kapau ʼe faigataʼa ki he tahi ke ina fai tona ʼu hola, pea ʼe fai anai e te kau tagata ʼāfea he ʼu fakatuʼutuʼu ke natou tokoni ki ai.

◼ Ko te akonaki makehe ʼaē kā fai ʼi te temi ʼo te ʼAho ʼo te Fakamanatu ʼo te taʼu 2008, ko tona kupu tāfito “Ko Ai ʼAē ʼe Tāu Mo Ia Ke Pule Ki Te Mālamanei?” Vakaʼi te tonu ʼo Te Minisitelio ʼo Te Puleʼaga ʼo ʼOketopeli ʼo te taʼu 2007.