Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 25 ʼo Fepualio 2008. Ko te taupau ʼo te ako ʼe ina fai anai te fakamanatu iā minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 7 ʼo Sānualio ʼo aʼu ki te vāhaʼa ʼo te ʼaho 25 ʼo Fepualio 2008. [Nota: Ko te ʼu fehuʼi ʼaē ʼe mole tuʼu ai he tohi ke vakaʼi, ʼe kotou fai anai e koutou totonu hakotou ʼu kumi moʼo maʼu te ʼu tali.—Vakaʼi te tohi École du ministère pp. 36-37.]

HE KALITĀTĒ KI TE FAIAKONAKI

1. Koteā ʼaē ʼe tonu ke tou fai ke feala hatatou tokoni ki te nofoʼaki ke natou mahino ki te fakaʼuhiga ʼo te ʼu vaega fakatohi-tapu, pea he koʼē ʼe tonu ke tou fai te faʼahi ʼaia? [be p. 228 pal. 2-3]

2. He koʼē ʼe maʼuhiga ke ʼaoga te ʼu akonaki ʼaē ʼe tou fai ki te nofoʼaki, pea ʼe feafeaʼi hatatou fai ia te faʼahi ʼaia? [be p. 230 pal. 3-5, mo te fakamatala ʼaē ʼe ʼātakai]

3. Ko te ʼu ʼaluʼaga fea ʼaē ʼe ʼaoga ai ki te nofoʼaki ia te ʼu kumi ʼaē neʼe tou fai ki tatatou akonaki? [be p. 231 pal. 1-3]

4. Koteā ʼaē ʼe feala ke tou fai ke ʼaoga lahi age ki te hahaʼi ia te ʼu vaega fakatohi-tapu ʼaē ʼe tou fakaʼaogaʼi māhani? [be p. 231 pal. 4-5]

5. He koʼē ʼe maʼuhiga ke tou fakakaukauʼi te ʼu manatu tāfito ʼo te ʼu koga tohi ʼaē ʼe tou lau? [be p. 232 pal. 3-4]

AKONAKI N° 1

6. Koteā ʼaē ʼe hā mai ai ko te tohi ʼa Mateo neʼe ina ʼuluaki tohi maʼa te kau Sutea? [si p. 176 pal. 6-7]

7. ʼE feafeaʼi hatatou teuteuʼi ia totatou loto ke ina tali te ako ʼa te ʼAtua ʼaē ʼe fakahā mai muʼa? (2 Fkma. 20:33) [be p. 13 pal. 4–p. 14 pal. 5]

8. Koteā ʼaē ʼe lava fai e he ʼu mātuʼa moʼo akoʼi tanatou fānau ke natou maʼu ia te ‘poto ʼaē ke haofaki ai nātou’? (2 Tim. 3:15) [be p. 16 pal. 3-4]

9. ʼE fakamaʼuhigaʼi feafeaʼi ʼi te Evaselio ʼa Mateo ia te fakahoko ʼo te ʼu lea fakapolofetā ʼi te Tohi-Tapu? [si p. 181 pal. 32]

10. Kapau ʼi te Evaselio ʼa Mateo ʼe talanoa ai ko Sesu ʼe ko te Mēsia pea mo te Hau ʼaē neʼe fakapapauʼi mai, pea ʼe feafeaʼi tona fakamatala ʼi te Evaselio ʼa Maleko? [si p. 182 pal. 7-8]

LAU ʼO TE TOHI-TAPU ʼI TE VĀHAʼA FULI

11. ʼE kovi age koa hakita fakahā ʼo tokita ʼita ʼi hakita nofo mo ia? (Mat. 5:21, 22) [w08 1/1 “ ʼE Maʼuli Te Folafola ʼa Sehova—Ko He ʼu Puani ʼAoga ʼo Te Tohi ʼa Mateo”]

12. ʼE feafeaʼi ki he kau Kilisitiano hanatou taupau he ‘mata ʼe lelei’? (Mat. 6:22, 23) [w06 1/10 p. 29]

13. Koteā te puani neʼe fia fakahā e Sesu ki tana ʼu tisipulo ʼi tana fai ia te fehuʼi ʼaenī: “E kua kotou mahino lā ki te fakaʼuhiga ʼo te ʼu meʼa fuli ʼaia?” (Mat. 13:51, 52) [w08 1/1 “ ʼE Maʼuli Te Folafola ʼa Sehova—Ko He ʼu Puani ʼAoga ʼo Te Tohi ʼa Mateo”]

14. He koʼē neʼe fakatotonu tuʼumaʼu e Sesu kiā nātou ʼaē neʼe ina fakamālōlō “ke ʼaua naʼa natou fakahā ia ia”? (Mat. 12:16) [wF87 15/5 p.9; cl pp. 93-94]

15. Neʼe koteā te manatu ʼa Sesu ʼi tana talanoa ʼaē ʼo ʼuhiga mo “te fua” ʼaē ke “fua” ʼaki he tahi? (Mko. 4:24, 25) [wF80 15/9 p. 12; gt kāp. 43]