Polokalama ʼo Te Fono Gāue

Vāhaʼa ʼo te ʼaho 14 ʼo ʼApelili

Kātiko 183

10 min: Te ʼu logo. ʼAki te ʼu manatu ʼaē ʼe tuʼu ʼi te pāsina 8 peʼe ko he tahi faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo ʼApelili pea mo te Réveillez-vous ! ʼo ʼApelili peʼe ko te ʼu nusipepa fakamuli e lua ʼaē kua tau mai.

15 min: “Kotou Fakahā Tokotou Loto Fakafetaʼi.”a Kapau ʼe feʼauga te temi, fakaafe ia te nofoʼaki ke natou fakamahino ia te ʼu vaega Tohi-Tapu ʼaē ʼe tuʼu ai.

20 min: “Tou Fakalotofīmālieʼi Ia Nātou ʼAē ʼe Putu.”b Fakaafe ia te nofoʼaki ke natou fakamatala ia te ʼu ʼaluʼaga makehe neʼe natou maʼu ʼi tanatou tokoni ki he tahi neʼe mate hona feʼilo neʼe ʼofa ai.

Kātiko 42

Vāhaʼa ʼo te ʼaho 21 ʼo ʼApelili

Kātiko 204

10 min: Te ʼu logo. Lau ʼo te falā pea mo te ʼu meʼa ʼofa. Fakamanatuʼi ki te nofoʼaki ke natou ʼaumai ia Te Tule Leʼo ʼo te ʼaho 1 ʼo Maio pea mo te Réveillez-vous ! ʼo Maio peʼe ko te ʼu nusipepa fakamuli ʼaē kua tau mai ki te Fono Gāue ʼo te vāhaʼa ʼaē kā hoa mai pea mo teuteuʼi ia he fai palalau ʼe ʼalutahi mo tokotou telituale.

10 min: Ko he akonaki ʼe ʼaoga ki te kōkelekāsio.

25 min: “Ko He Lakaga Ke Tou Kakai Pea Mo Fakafiafia ʼi Te Faʼahi Fakalaumālie.”c Ko he akonaki ʼe fai e te sīkalaipe ʼo te kōkelekāsio. Fakamanatuʼi ki te kōkelekāsio peʼe ko te fakatahi fea ʼaē ʼe natou kau kiai. Vakaʼi ia te fakamatala ʼaē ʼe ʼātakai “Te ʼu Fakamanatu ʼo ʼUhiga Mo Te Fakatahi Fakatisitilike.”

Kātiko 4

Vāhaʼa ʼo te ʼaho 28 ʼo ʼApelili

Kātiko 196

15 min: Te ʼu logo. Fakamanatuʼi ki te kau fai fakamafola ke natou ʼaumai tanatou ʼu kiʼi pepa tānaki gāue ʼo ʼApelili. Fakaʼaogaʼi ia Te Tule Leʼo ʼo te ʼaho 1 ʼo Maio pea mo te Réveillez-vous ! ʼo Maio peʼe ko te ʼu nusipepa fakamuli e lua ʼaē kua tau mai, vakaʼi fakanounou ia te ʼu nusipepa takitahi pea mo fakafehuʼi ia te nofoʼaki ki te ʼu ʼalatike ʼaē ʼe leleiʼia e te hahaʼi ʼo totatou telituale pea he koʼē ʼe natou leleiʼia te ʼu ʼalatike ʼaia. Fakaafe te nofoʼaki ke natou fakahā te ʼu ʼuluaki palalau neʼe natou teuteuʼi ke natou fakaʼaogaʼi ʼi tanatou tufa ia te ʼu nusipepa ʼaia. Koteā anai he fehuʼi ke lagaʼi moʼo kamata ʼaki ai ia he fai palalau? Pea ko te vaega Tohi-Tapu fea ʼo te ʼalatike ʼe feala anai ke kotou lau? ʼE feafeaʼi anai hakotou fakaʼaogaʼi ia he vaega Tohi-Tapu moʼo te tali ki te fehuʼi ʼaē neʼe kotou lagaʼi? Fakaʼaogaʼi ia he manatu neʼe fakahā e te nofoʼaki peʼe ko he ʼu ʼuluaki palalau neʼe toʼo mai Te Minisitelio ʼo Te Puleʼaga, fai he faʼifaʼitaki moʼo fakahā te faʼahiga tufa ʼo te ʼu nusipepa takitahi.

10 min: Te Tali Ki ʼAkotou ʼu Fehuʼi. Fai palalau mo te nofoʼaki.

20 min: “Kotou Mulimuli Lelei Ki Tona ʼu Tapugā Vaʼe.”d Kapau ʼe feʼauga te temi, fakaafe ia te nofoʼaki ke natou fakamahino ia te ʼu vaega Tohi-Tapu ʼaē ʼe tuʼu ai.

Kātiko 65

Vāhaʼa ʼo te ʼaho 5 ʼo Maio

Kātiko 12

10 min: Te ʼu logo.

15 min: Ko Sehova ʼe Tokaga Tuʼumaʼu Anai Kiā Koutou. Ko he akonaki fakalotomālohi pea ʼe fakatafito ki Te Tule Leʼo ʼo te ʼaho 15 ʼo ʼOketopeli 2005, ʼi te pāsina 8 ki te 11.

20 min: “Tou Tuputupu ʼi Tatatou Fai Fakamafola.”e ʼI te temi ʼaē ʼe kotou vakaʼi ai ia te palakalafe 3, kotou fakaʼaogaʼi mo te ʼu manatu ʼaē ʼe tuʼu ʼi te tohi École du ministère, ʼi te pāsina 6 ki te pāsina 8, ʼi te kupu tāfito “Comment en tirer le plus grand profit.”

Kātiko 11

[Nota]