Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 26 ʼo ʼOketopeli 2009.

1. Kapau ko Sehova ʼaē neʼe ina ʼui age kiā Palaame ke ʼalu mo te ʼu tagata ʼa Palake, he koʼē koa neʼe ʼita ia Sehova kiā Palaame ʼi tana ʼalu ʼaē mo nātou? (Fkau. 22:20-22) [w04 1/8 p. 27 pal. 2]

2. Ko te mole fakagafua e Fineasi ‘he fakafeagai’ kiā Sehova, ʼe tokoni feafeaʼi mai kiā tātou ke tou fakahā te faʼahi ʼaia ʼi totatou maʼuli ʼaē kua tou foaki ki te ʼAtua? (Fkau. 25:11) [w95 1/3 p. 16 pal. 13]

3. He koʼē neʼe ko Sosue ʼaē neʼe fili ke hoa kiā Moisese? (Fkau. 27:15-19) [w02 1/12 p. 12 pal. 1]

4. ʼE lava fakalotomālohiʼi feafeaʼi ia te kau Kilisitiano iā ʼaho nei, ʼaki te ʼu palalau ʼaē iā Faka au 31:27? [w05 15/3 p. 24]

5. Ko te ʼu ʼaluʼaga fea ʼaē neʼe fua lelei ai ki te hahaʼi ʼo Iselaele ia te fakatuʼutuʼu ʼaē ʼo he ʼu kolo haofaki? (Fkau. 35:11, 12) [w95 15/11 p. 14 pal. 17]

6. He koʼē ko te fakapotopoto ʼe ko he kalitātē Fakakilisitiano maʼuhiga, pea koteā te ʼu fua ʼaē ʼe tou maʼu mai ai? (Teu. 1:13) [w03 15/1 p. 30; w00 1/10 p. 32 pal. 1-3]

7. Neʼe fakahā feafeaʼi e te Lao ʼa Moisese ia te faitotonu ʼa te ʼAtua? (Teu. 4:8) [w02 1/6 p. 14 pal. 8–p. 15 pal. 9-10]

8. Kotou fakamahino ia te ʼu ʼahiʼahiʼi ʼaē ʼo Sehova ʼe lelei pea mo ʼaē ʼe kovi, ʼo mulimuli kiā Teutalonome 6:16-18. [w04 15/9 p. 27 pal. 1]

9. Neʼe lava maʼu feafeaʼi e te kau Iselaele ia te ʼu meʼa fuli ʼaē neʼe ʼaoga kiā nātou ʼaki ia te ʼu folafola ʼa Sehova, pea ʼe lava fafaga feafeaʼi tātou ʼaki te ʼu folafola ʼaia? (Teu. 8:3) [w99 15/8 pp. 25-26]

10. ʼAki ia te koga tohi ʼo Teutalonome 12:16, 24, koteā te manatu ʼa te kau Fakamoʼoni ʼa Sehova ʼo ʼuhiga mo te ʼu faitoʼo ʼaē ʼe fakaʼaogaʼi ai tokita toto? [w00 15/10 p. 31 pal. 7]