Polokalama ʼo Te Vāhaʼa 28 ʼo Tesepeli

VĀHAʼA ʼO TE ʼAHO 28 ʼO TESEPELI

Kātiko 85

□ Ako Tohi-Tapu ʼo Te Kōkelekāsio:

lv kāp. 14 ¶15-19, te fakamatala ʼaē ʼe ʼātakai ʼi te p. 167

□ Ako Fakateokalatike:

Lau ʼo Te Tohi-Tapu: Sosue 12-15

Fakamanatu ʼo Te Ako Fakateokalatike

□ Fono Gāue:

Kātiko 35

5 min: Te ʼu logo.

10 min: ʼE Feafeaʼi Anai Hakotou Tali? Ko he fai palalau mo te nofoʼaki ʼo ʼuhiga mo he ʼu palalau fakafeagai ʼe fai māhani e te hahaʼi ʼo tokotou telituale. Fai mo he kiʼi faʼifaʼitaki ʼe fakaʼaogaʼi ai te ʼu palalau fakafeagai ʼaia. (Vakaʼi ia te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu, ʼi te pāsina 22.)

10 min: Tou Kamata He ʼu Ako Tohi-Tapu. Fakahā ia te ʼaho ʼaē ʼe tou fakaafe ai te hahaʼi ke fai hanatou ako Tohi-Tapu. Koteā ʼaē neʼe hoko ʼi totatou telituale ʼi tatatou fakaafe ia te hahaʼi ke fai hanatou ako Tohi-Tapu? Fakaafe ia he pioniē peʼe ko he kaugā fagona ke ina fakamatala peʼe ke ina toe faʼifaʼitakiʼi ia te ʼu palalau ʼaē neʼe fua lelei ʼi te telituale.

10 min: Ko Te Tufa ʼo Sānualio. Vakaʼi fakanounou ia he ʼu manatu ʼo ʼuhiga mo te tufa. Fai palalau mo he kaugā fagona ki te ʼu faʼahiga fai moʼo kamata ʼaki he ako Tohi-Tapu ʼaki te tufa ʼo te māhina, ʼi te fai fagonogono faigamālie. Fakalotomālohiʼi ia te nofoʼaki kātoa ke natou fakatuʼutuʼu ke natou kamata he ako Tohi-Tapu ʼi te māhina ʼaenī.

Kātiko 71