Polokalama ʼo Te Vāhaʼa 11 ʼo Sānualio

VĀHAʼA ʼO TE ʼAHO 11 ʼO SĀNUALIO

Kātiko 201

□ Ako Tohi-Tapu ʼo Te Kōkelekāsio:

lv kāp. 15 ¶10-17, te fakamatala ʼaē ʼe ʼātakai ʼi te p. 177

□ Ako Fakateokalatike:

Lau ʼo Te Tohi-Tapu: Sosue 21-24

N° 1: Sosue 24:1-13

N° 2: ʼE Mole Tokaga Pea Mo Agakovi Koa Te ʼAtua Kiā Tātou?

N° 3: ʼE Fakahā Koa e Te Tohi-Tapu ʼe Maʼuli Te Nefesi ʼi Te Mate ʼo Te Sino? (hw p. 30 ¶1–p. 31 ¶1)

□ Fono Gāue:

Kātiko 48

5 min: Te ʼu logo.

15 min: Kotou Akoʼi Age Ki Takotou Kau Ako Tohi-Tapu, ʼe Feafeaʼi Te Ako. Ko he fai palalau mo te nofoʼaki ʼe fakatafito ki te ʼu palakalafe ʼo te kupu tāfito “ ʼE Feafeaʼi Te Ako?” ʼi te tohi École du Ministère ʼi te ʼu pāsina 28-31. Kamata ʼaki he faʼifaʼitaki ʼe fakahā ai he kaugā fagona kua māhani, ʼe ina fakamahino ki he tahi ʼe hoki kamata age tana ako, peʼe feafeaʼi tana teuteuʼi ia tana ako, ʼo ina fakaʼaogaʼi ia te ʼu manatu ʼi te pāsina 7 ʼo te tohi Te Ako Mai Te Tohi-Tapu.

15 min: “ ʼE Au Poto Koa ʼi Te Fai Fakamafola?” Ko he fai palalau ʼaki he ʼu fehuʼi pea mo he ʼu tali. ʼI te ʼosi vakaʼi ʼo te palakalafe 4, fakafehuʼi ia he kaugā fagona, ʼaki te ʼu fehuʼi ʼaenī: Koteā te ʼu faigataʼaʼia neʼe tonu ke ke tauʼi ke fua lelei ai tau fai fakamafola? Ko te ʼu faʼahi fea ʼaē neʼe tokoni atu ai kiā koe ke ke liliu ko he minisi ʼe faʼa gāue pea mo fua lelei tau gāue?

Kātiko 43