Polokalama ʼo Te Vāhaʼa 8 ʼo Fepualio

VĀHAʼA ʼO TE ʼAHO 8 ʼO FEPUALIO

Kātiko 47

□ Ako Tohi-Tapu ʼo Te Kōkelekāsio:

lv kāp. 16 ¶15-22, te fakamatala ʼaē ʼe ʼātakai ʼi te p. 194

□ Ako Fakateokalatike:

Lau ʼo Te Tohi-Tapu: Kau Tuʼi Fakamāu 11-14

N° 1: Kau Tuʼi Fakamāu 13:1-14

N° 2: Koteā Te Ako ʼe Tou Tāʼofi Mai Te ʼu Palalau ʼa Sesu ʼAē ʼe Tuʼu Iā Luka 16:9-13?

N° 3: Koteā Te Faka ʼUhiga ʼo Te ‘ ʼu Mamahi Heʼegata’ ʼAē ʼe Talanoa Kiai Te Tohi ʼo Fakahā? (hw p. 33 ¶4–p. 34 ¶1)

□ Fono Gāue:

Kātiko 172

5 min: Te ʼu logo.

10 min: Tou Tali Ki Te ʼu Fehuʼi ʼo ʼUhiga Mo Te ʼu ʼAho Mālōlō. Ko he fai palalau mo te nofoʼaki ʼe fakatafito ki te tohi Comment raisonner ʼi te ʼu kupu taki ʼo te pāsina 164 mo te 165. Koteā te ʼu ʼaho mālōlō ʼaē ʼe fakamaʼuhigaʼi e te hahaʼi ʼo totatou telituale? Ko te temi fea pea kofea ʼaē ʼe feala ai hakotou fai fakamafola ʼi he ʼaho mālōlō? Fai he faʼifaʼitaki peʼe feafeaʼi ki he tamai peʼe ko he faʼē hana teuteuʼi hana tamasiʼi ʼo ʼuhiga mo te faʼahiga tali ki te fehuʼi ʼaenī: He koʼē ʼe mole kotou fakamaʼuhigaʼi ia te Pāsikate?

20 min: “Te Tufa ʼi Te Mālamanei Kātoa ʼo Te ʼu Pepa Fakaafe Ki Te ʼAho Fakamanatu!” Ko he fai palalau mo te nofoʼaki. ʼI muʼa ʼo hatatou vakaʼi te palakalafe 2, ʼe tufa ki te nofoʼaki ke takitahi mo tana pepa fakaafe mo kapau kua maʼu, pea kotou vakaʼi fakatahi ia te ʼu manatu ʼaē ʼe tuʼu ʼi te pepa ʼaia. ʼI takotou ʼosi vakaʼi ia te palakalafe 2, fai he faʼifaʼitaki e he kaugā fai fakamafola ʼo ʼuhiga mo te faʼahiga fakaʼaogaʼi ʼaē ʼo te pepa fakaafe. Fakafehuʼi te taupau ki te gāue peʼe ko he tahi tagata ʼāfea ke ina fakamahino he tahi ʼu fakamatala ʼo ʼuhiga mo te fakatuʼutuʼu gāue ki te gāue makehe ʼaē kā fakahoko anai ʼi te temi ʼo te ʼAho Fakamanatu.

Kātiko 114